تحديث السوفت وير وصيانة الالف كيلو لكيا ريو 2013 عند مركز القاهرة اوتو
تحياتي واحتراماتي للنمور
ندخل في الموضوع انتوا طبعا عارفين مشكلة استهلاك البنزين العالي ف الريو وطبعا حلها تحديث السوفت وير لهذا انا استنيت لحد ما اكمل الالف كيلو عشان اعمل صيانة الالف وتحديث السوفت وير معا بعض
توجهت لمركز القاهرة اوتو اللي ف الكيلو 4.5 طريق السويس ولقيتهم ناس محترمة جدا جدا وخصوصا المهندس محمد عز وناس فاهمين شغلهم اوي ويجاوبك على كل اسئلتك اجابات مرتبة وبالارقام
المهم حدثنا السوفت وير وتم تضييق سنون البوجيهات وتنظيف بوابة الهواء
النتيجة
انخفاض استهلاك البنزين من 12.9 لتر/100كم الي 7.3 لتر/100كم ده على كمبيوتر العربية بس انا مش بعتمد عليه انا قست الموضوع بنفسي لقيته فعلا انخفض رحت مشوار 140 كم على طريق سريع واستهلك شرطة واحدة فقط قبل كده كان نفس المشوار بالظبط بيستهلك نص التانك
التكلفة
270 زيت شيل الترا هيلكس
30 فلتر زيت
0 تحديث السوفت وير
0 صيانة الالف
....................................
300 المجموع
والناس هناك لما عرفوا اني من نايل موتورز شالوني من على الارض شيل باحترامهم وانا انصح بيهم للصيانات القادمة
ومش بس كده انا كمان اخدت وعد من المهندس محمد عز بخصومات وعروض حصرية لنايل موتورز لاحقا
عندي صور بس للأسف مش عارف ارفعها
سلام يا نمور