يا جماعة انا مسافر 3 شهور كده و كنت عايز ارفع العربية
عايز اعرف احط الروافع فين بظبط تحت العربية
و اعمل حاجة كمان غير انى ارفعها و اشيل قواشيط البطارية ولا لأ ؟؟
عرض للطباعة
يا جماعة انا مسافر 3 شهور كده و كنت عايز ارفع العربية
عايز اعرف احط الروافع فين بظبط تحت العربية
و اعمل حاجة كمان غير انى ارفعها و اشيل قواشيط البطارية ولا لأ ؟؟
لو ينفع تدور كل يومين ثلاثة لمدة 5 دقائق يكون افضل
حضرتك تفك العجل وتحط على كل طنبوره كيس بلاستيك وتغطيها كويس
وانا شايف تلات شهور مش كتيير اوى
ممكن تخلى بتاع الكاوتش يزود العجل شويه زياده عن المقاس بحيث الفتره ده هيكون الكاوتش ريح شويه وتبقى ريحت نفسك من فكه
فالتريح ما يكنش زياده وتقدر تمشى بيها لما تيجى
وتشيل قطاش البطاريه او تشيلها فى الشنطه افضل
وياريت لو تعرف حد بتاع بطاريات تخليها عنده على شان ما تنمش وتبوظ هو يقدر كل اسبوع يشغلها او يشحنها
وتغطى العربيه كويسه وطربتها لان ممكن الغطا يطيير
وتقفل الدريكسيون
وتركن العربيه فى مكان امن جدا لانها ممكن تثيير الشكوك وتخلى النظر عليها
عموما
تحميل السيارة يكون بعيدا عن بارات الدريكسيون،والمقصات الأمامية أو الخلفية ،ولكن يكون من عند جلبة المقص المتصلة بجسم (شاسي) السيارة السفلي ،أو من عند فارغة محور الكرونة الخلفية ،أو من جوانب السيارة الأمامية أو الخلفية – وتحدد بوجود جزء مشطوف بجسم السيارة ،وهو موضع التقوية بجسم السيارة الذي يكون التحميل من عنده.
ملحوظات مهمة يجب اتباعها عند تخزين السيارة :
1. تخزن السيارة في مكان جيد التهوية،ونظيف .
2. تخزن السيارة في مكان غير معرض لأشعة الشمس المباشرة .
3. تخزن السيارة في مكان، بعيدا عن أعمدة إنارة الطريف العمومية .
4. تخزن بعيدا عن المصانع والأماكن التي ينبعث منها إشعاعات حرارية .
5. تخزن السيارة بعيدا عن الشواطئ ومياه البحار المالحة .
6. تخزن السيارة في مكان نظيف خالي من مكونات القمامة وأماكن تواجد الحشرات،والفئران .
7. تخزن السيارة في مكان بعيدا عن الأشجار،وتساقط ورق الشجر المباشر على السيارة .
8. تخزن السيارة في مكان مغطى بعيدا عن مياه الأمطار المباشرة.
9. تخزن السيارة بعيدا عن أماكن تجمع الطيور وفضلاتها .
10. يراعى المكان المناسب للتخزين بحيث تكون هناك مسافة كافية بين سيارتك وسيارات الآخرين تسمح لفتح الأبواب أو التحرك بين السيارات وبعضها
11. يراعى أن تترك مسافة كافية بين سيارتك وبين جدران مكان التخزين حتى لا تخدش سياراتك.منقول