“eba” تطلق سيارة “mg 750 “ المجمعة محليا تحت شعار “صنع في مصر”

**ahmedalaahosny** · 16-06-2013 01:38 AM

تسلم ايدك ياكبير شكلهامن الامام عامل شبه الكريسلر c300 ومن ورا شبه الكراون فيكتوريا بس شكلها مش هتنجح لان ال1800 و ال2500 اكيد استهلاك البنزين عالى واحنا اساسا مش لاقيينه لا 80 ولا 90 ياطوابير لاتنتهى ده غير الدعم كمان ولسة لما يحددوا الكميات ياحلالالاوة عايزين يكسبوا بجد يعملوا عربيات شبابية بموتور اخره 1000او 1300 سى سى وتكيف وشكرا على كده وتوكيل محترم وقطع غيار ف الحنين هتلاقيها انتشرت زى اللانوس كده وتكون زيرو ف رينج 30 او بالكتير40 الكلام ده لو هنصنعها احنا زى الماروتى ال800 سى سى واهى بيقى فيها برده شئ من الرفاهية بتمن مناسب

**Mzeid** · 16-06-2013 02:18 AM

دي جيلي أيميجراند EC8

اوجد الفرق بين الصور

و للأسف رأيي ان النوع دة من التجميع مش بنستفيد منه في سبيل تصنيع سيارة مصرية كاملة لأن المكونات بتيجي كلها من الخارج و تتجمع هنا بالإضافة للمكونات المصرية

ا يحي في الموقع القطري غير العملة من على الشمال فوق من جنيه مصري لريال قطري

**eng.m7md.ali** · 16-06-2013 12:15 PM

المشاركة الأصلية كتبت بواسطة horas3000

تسلم علي التقرير
و دي استنساخ للروفر ال 75 سالفة الذكر
و مش فاهم الجدوي من تصنيع عربيات بمواتير كبيره بره الدعم و في ظل ازمات البنزين المتكرره
ما هي mg عندها كذه عربية 1500 و 1600 سي سي
اشمعني دي يعني
تفكير عقيم

الله يفتح عليك

كنت داخل اقول كدة

العربية دي كانت مع والدي زمان في قطر

**S O P H O S** · 16-06-2013 01:19 PM

مشكورر علي الموضوع ..

**M I D O** · 17-06-2013 07:24 PM

تقرير ممتاز و عربية شكلها الخارجي ياخد 5/10 و الداخلي 5.5/10

**elferekiko** · 24-06-2013 03:48 AM

انا شايف العربية ممتازة لان حسب معلومات ويكيبيديا الشركة الام الانجليزية واجهت مشاكل مالية واشترتها بي ام دبليو احتفظت باسم الميني وانتجته بمحركاتها وباعت شركة ام جي للشركة الصينية وهي نفس الشركة اللى اشترت شركة فولفو التي لم تعد سويدية زي زمان التصميم هو نفسه تصميم روفر 75 مع اطالة قاعدة العجلات اللة مش واضح حتى الان الموتور تصنيعه ايه

بالنسبة للناس اللى بتقول انها مش حتنجح انتوا ما شفتوش مبيعات البريليانس جالينا ومدى شعبيتها ؟؟؟؟ ووكمان السبيرانزا 620 والاتنين بموتور 2000 !!!!

الوكيل دا بالنسبالى هو الممشكلة لانه كان واخد توكير عربية صيني قبل كدا ولما حصل فيها مشاكل ولم يوفر قطع الغيار قفل الشركة وفتح التوكيل الجديد EBA يا ترى حيعمل ايه مع العربية دي ؟؟ اعتقد الفيصل في الانتشار هو السعر لان في ناس كتير عايزة عربيات بموتور كبير وله عزم وللعلم المواتير الجديدة عموما استهلاكها من النزين معقول جدا لحد 2500 cc ودا نقلا عن واحد جاري ثقة معاه نيسان x-trail وبيتشدق بان استهلاكها للبنزين اقتصادي جدا بش المشكلة ضريبتها 4500 جنيه سنويا لانها اعلى من 2000 سي سي يعني الاقل من 2000 سي سي ضريبته مش عالية وانا معايا اوكتافيا a4 1800 سي سي 20 صباب ضريبتها السنوية650 جنيه