عملت عمره لموتور سيفك 83 و ظهره شويه مشاكل

**totti78ali** · 15-06-2013 11:48 PM

الحمد لله استلمت العربيه من الميكانيكى
الشغل الى اتعمل
تغير بساتم و شمير و و بيلات و سبيكه و و خراتط الكرنك و البلوك
بعد ما استلمت العربيه بتسخن و المروحه علاطول شغاله و صوت الموتور عالى
روح فكيت الردتير (اول مره اعمل حاجه بايدى ) و غسلتو بالبنزين الاول نزل كميت زيت و شحوم صدا و حجات تانى معرفش دى ايه و بعدين غسلتو بميا سخنه لحد متاكدت انو مفيش فى اى بنزين او رواسب و ركبتو تانى
النتيجه صوت الموتور هدى اوى و الحراره نزلت النص
الاساله باء
فى اربع خرطيم طلعين من الكربرتير 2 دخلين الموتور و 2 دخلين الفتيس الى دخلين الفتيس كانو بيسربو بس بيسربو زيت لونه احمر مش مايا انا وقفت التسريب بس مش عارف هو كده فى مشكله فى الفتيس مع العلم انى لمه بجيب الفتيس على البركن بيعمل صوت (انا مغيرتش الزيت ومحتاج اغيرو بس عاوز اعرف اجيب اى نوع )
فى كمان صوت خبطه منطظم مع صوت الموتور و رجه
و لمه بدور و العربيه لسه برده بيكون فى دخنه بتختفى علطول

**ahmedeihab** · 16-06-2013 02:08 AM

المشاركة الأصلية كتبت بواسطة totti78ali

الحمد لله استلمت العربيه من الميكانيكى
الشغل الى اتعمل
تغير بساتم و شمير و و بيلات و سبيكه و و خراتط الكرنك و البلوك
بعد ما استلمت العربيه بتسخن و المروحه علاطول شغاله و صوت الموتور عالى
روح فكيت الردتير (اول مره اعمل حاجه بايدى ) و غسلتو بالبنزين الاول نزل كميت زيت و شحوم صدا و حجات تانى معرفش دى ايه و بعدين غسلتو بميا سخنه لحد متاكدت انو مفيش فى اى بنزين او رواسب و ركبتو تانى
النتيجه صوت الموتور هدى اوى و الحراره نزلت النص
الاساله باء
فى اربع خرطيم طلعين من الكربرتير 2 دخلين الموتور و 2 دخلين الفتيس الى دخلين الفتيس كانو بيسربو بس بيسربو زيت لونه احمر مش مايا انا وقفت التسريب بس مش عارف هو كده فى مشكله فى الفتيس مع العلم انى لمه بجيب الفتيس على البركن بيعمل صوت (انا مغيرتش الزيت ومحتاج اغيرو بس عاوز اعرف اجيب اى نوع )
فى كمان صوت خبطه منطظم مع صوت الموتور و رجه
و لمه بدور و العربيه لسه برده بيكون فى دخنه بتختفى علطول

اولا ألف مبروك يارب العمره تطلع زى ما انت عايز

ثانيا مفيش خراطيم فيتيس بتدخل على الكربيراتير

ممكن اختلط عليك الامر خراطيم الفيتيس بتتوصل بالريدياتير فقط

اتأكد بس ان تمام مفيش تسريب فى الخراطيم دى علشان تروح تغير زيت فيتيس و انت متطمن

هاته شل هتلاقى العلبه لونها اسود ب 35 جنيه الكيلو

و انت هتاخد عندك 4 كيلو لو فضيت الزيت تماماً

صوت خبطه و رجه ده يبقى فيه قعده عندك مقطوعه و ياريت تغيرها بسرعه

الدخنه دى عادى لانك لسه عامل عمره و فى التليين

و الف مبروك مره تانيه و ان شاء الله تبقى زى ما بتتمناها

^_^

**totti78ali** · 16-06-2013 02:18 AM

الله يبارك فيك
الى انا متاكد منو ان فى 2 خرطوم خرجين من الردتير و كان فيهم تسرب ة التسريب مكنش مايه كان زيت لونه احمر من نحيه الفتيس بس انا منعت التسريب ده (انا اقصد الردتير مش الكربرتير )
لو انا غيرت الزيت بتاع الفتيس ممكن تظهر مشاكل وله اغيرو وانا مطمن (الفتيس بيعمل صوت لمه بجيبو على البركن )

**Ahmed Nasser** · 16-06-2013 10:12 AM

الخرطومين اللى طالعين من الرديتير
ويسربو زيت احمر

الخرطومين دول رايحين لسلابنتينة الزيت الخاصة بتبريد الفتيس
شوف لو الخرطيم دى مشققة او عايز يتربط عليها كويس
لان اللى بينزل دة زيت فتيس

**SAMEH_FOUAD** · 16-06-2013 01:01 PM

المشاركة الأصلية كتبت بواسطة totti78ali

فى اربع خرطيم طلعين من الكربرتير 2 دخلين الموتور و 2 دخلين الفتيس الى دخلين الفتيس كانو بيسربو بس بيسربو زيت لونه احمر مش مايا انا وقفت التسريب بس مش عارف هو كده فى مشكله فى الفتيس مع العلم انى لمه بجيب الفتيس على البركن بيعمل صوت (انا مغيرتش الزيت ومحتاج اغيرو بس عاوز اعرف اجيب اى نوع )
فى كمان صوت خبطه منطظم مع صوت الموتور و رجه
و لمه بدور و العربيه لسه برده بيكون فى دخنه بتختفى علطول

1- شوف ياباشا اى فتيس اتوماتيك لازم يكون لية تبريد , فبياخد تبريدة عن طريق الريدياتير

انت بتقول ان التسريب كان زيت لونة احمر , عشان كدة بقى ياريت تكشف على الفتيس كويس

2- طبعا مش طبيعى ( الصوت اللى بيجى مع ال p

3- هتجيب موبايل atf-220 او شيل الاسود atf والاتنين سعرهم 32 جنية للتر والفتيس بتاعك هياخد 3 لتر

4- صوت الخبط دة , اتأكد من القواعد او احكام ربط القواعد

5- يعنى انت غيرت كل دة , وماغيرتش كاوتش الصمامات ؟؟؟؟؟؟؟؟؟؟؟؟؟ جاوبنى على السؤال ولو ماتغيرش يبقى هو السبب , لو اتغير , يبقى دة تخزين زيت فى الشكمان من الماتور قبل مايتعمل عمرة

**totti78ali** · 16-06-2013 01:53 PM

المشاركة الأصلية كتبت بواسطة ahmed nasser

الخرطومين اللى طالعين من الرديتير
ويسربو زيت احمر

الخرطومين دول رايحين لسلابنتينة الزيت الخاصة بتبريد الفتيس
شوف لو الخرطيم دى مشققة او عايز يتربط عليها كويس
لان اللى بينزل دة زيت فتيس

هو كان فى قطع فى الخرطوم و كان محتج لكور و غيرتو و التسريب وقف خلاص

**totti78ali** · 16-06-2013 02:03 PM

المشاركة الأصلية كتبت بواسطة sameh_fouad

1- شوف ياباشا اى فتيس اتوماتيك لازم يكون لية تبريد , فبياخد تبريدة عن طريق الريدياتير

انت بتقول ان التسريب كان زيت لونة احمر , عشان كدة بقى ياريت تكشف على الفتيس كويس

2- طبعا مش طبيعى ( الصوت اللى بيجى مع ال p

3- هتجيب موبايل atf-220 او شيل الاسود atf والاتنين سعرهم 32 جنية للتر والفتيس بتاعك هياخد 3 لتر

4- صوت الخبط دة , اتأكد من القواعد او احكام ربط القواعد

5- يعنى انت غيرت كل دة , وماغيرتش كاوتش الصمامات ؟؟؟؟؟؟؟؟؟؟؟؟؟ جاوبنى على السؤال ولو ماتغيرش يبقى هو السبب , لو اتغير , يبقى دة تخزين زيت فى الشكمان من الماتور قبل مايتعمل عمرة

لو غيرت زيت الفتيس الصوت ده هيختفى وله دى عيب تانى
و القواعد هخلى الميكانيكى يغيرها
بالنسبه لكوتش الصمامات انا معرفش هو اتغير وله لا الميكانيكى هو الى جاب كل حاجه و ركبها انا استلمت ديره هتاكده منو ولو متغيرش هخلى يغيرو

**totti78ali** · 16-06-2013 02:05 PM

المشاركة الأصلية كتبت بواسطة ahmedeihab

سامح باشا جاب المفيد

و متقلقش من تغيير الزيت بس الانواع اللى قولنا عليها دى

^_^

هغيرو بنوع من الى قولتو عليه و يارب الفتيس ميكون فى حاجه

**SAMEH_FOUAD** · 16-06-2013 03:04 PM

المشاركة الأصلية كتبت بواسطة totti78ali

لو غيرت زيت الفتيس الصوت ده هيختفى وله دى عيب تانى
و القواعد هخلى الميكانيكى يغيرها
بالنسبه لكوتش الصمامات انا معرفش هو اتغير وله لا الميكانيكى هو الى جاب كل حاجه و ركبها انا استلمت ديره هتاكده منو ولو متغيرش هخلى يغيرو

لأ طبعا هو لو عيب زيت مش هيعمل معاك كدة عيب الزيت بيكون فى الاتى :

1- عدم النقل بسلاسة

2- تأخر فى النقلات

3- سحب ضعيف

- القواعد بقى دية مشكلة خصوصا قاعدة الفتيس بص عليها كويس

هو انت فاكر ياباشا ان كاوتش الصمامات دة بيتغير ببساطة , اولا تمنة غالى يعنى انت عندك 16 صمام هيتغيروا سعر الواحدة يابانى مش اصلى ب 18 جنية يعنى الطقم هيكون فى حدود ال 288 جنية

غير انك هتغير جوان وش السلندر معاها ب 85 جنية يابانى , لكن لو هو ميكانيكى متطور فية جهاز بيفك كاوتش الصمامات من غير مايفك وش السلندر

-

الموضوع: عملت عمره لموتور سيفك 83 و ظهره شويه مشاكل

LinkBack

أدوات الموضوع

عرض

-

-

-

المواضيع المتشابهه

اللى ناوى يعمل عمره لموتور الانوس

عملت عمره للموتور بعد صراع سنه مع ريحة الدخان

موتور هوندا سيفك 83 ( عمره وله التغير )

موتور هوندا سيفك 83 ( عمره وله التغير )

بخصوص عمره كاملة لموتور sir

الكلمات الدلالية لهذا الموضوع

المفضلات

المفضلات

ضوابط المشاركة