تقرير عن تغيير طقم الدبرياج للافيو
السلام عليكم .
من فترة كده و انا حاسس باعراض تلف اسطوانة الدبرياج زى رجرجة فى الطلعة و علو صوت الموتور فى اخر الغيار الاول و التانى ... بعدها بدات الاحظ ان السحب بدا يقل خاصة فى المطالع ... قلت ما استناش اكتر من كده ...:no2:
روحت المنير اللى فى شارع فيصل سألته على طقم الدبرياج ..لقيت عنده نوع اسمه فاليو ب 350 جنيه و الاصلى الGM ب 650 جنيه ( فى التوكيل بيتباع ب 950 جنيه :waaaht:)
طبعا" جبت الاصلى و على فكرة هو مكتوب عليه برضه valeo لكن عليه علامة الدايو و ده نفس اللى شفته مكتوب على الطقم الفابريكة اللى كان فى العربية بعد ما الميكانيكى فكه ..
تم تغيير زيت الفتيس ب موبيل 90 ... جبت 2 كيلو ... الواحد ب 25 جنيه من موبيل اللى جنب معهد ناصر
مصنعية الميكانيكى 200 جنيه ... هى كتير شوية لكن انا باثق فيه و اهو برده ارحم من التوكيل بكتيييررررر ....... و الموضوع ما خدش اكتر من 3 ساعات و الحمد لله
بعد التركيب : اول ما ركبت العربية و بادوس على الدبرياج لاقيته خفيف جدا" .. ميه خالص .. لكن دواسة الدبرياج تقلت شوية بعد يومين من المشاوير .... السحب و الحمد لله اتحسن كتير و ماعدش فى صوت نعرة الموتور فى اخر الغيار الاول و التانى ..
و دى صور طقم الدبرياج لان فى كتير مضروب فى السوق
* الاسطوانة:
http://nileup.com/up/uploads/nilemotors_13713308271.jpg
http://nileup.com/up/uploads/nilemotors_13713308272.jpg
http://nileup.com/up/uploads/nilemotors_13713308283.jpg
* الديسك :
http://nileup.com/up/uploads/nilemotors_13713308284.jpg
http://nileup.com/up/uploads/nilemotors_13713308285.jpg
http://nileup.com/up/uploads/nilemotors_13713308296.jpg
* البلية:( نسيت اصورها من جوه) :grinder:
http://nileup.com/up/uploads/nilemotors_13713308297.jpg
* زيت الفتيس:
http://nileup.com/up/uploads/nilemotors_13713308308.jpg
تقبلوا تحياتى
