حادثة كوميديا ومش عارف مين اللي غلطان

**janagabr** · 16-06-2013 02:51 AM

طبعا كلنا حافظين طريق المدرسة بتاعنا وخصوصا لما تقعد عمر علي الطريق ده غير ان المدرسه حنب البيت ده لدرجة انك تسوق فيه وانت مغمض من كتر ما انت حافظه
المهم كان في تقاطع موجود من قبل ما اتولد وكل يوم بعدي من عليه عادي يعني
وكان بقالي كام شهر مامشتش من الطريق ده
فكنت ماشي بالليل بالعربية مع صاحبي ووقفت عادي ماستني لما الطريق يفضي واعدي التقاطع
والمفاجاة بل الصدمة
قفلوا التقاطع ورصفوا التقاطع بالرصيف الخرسانة اللي اصلا مبنقدرش نطلعوا برجلينا مش عارف العيب في ارتفاع الرصيف ولا ركبنا اللي زيقت وعايزة زيت تخليقي
وانا ماشي ومش مدي خوانة وبعدي التقاطع والاقي صاحبي بيصرخ الرصييييييييييييييففففف
وقام مسك الدركسيون ولفه وقمت مفرمل وانا في قمة الذهول
ووقفنا في نصف الشارع وربنا سطر ان مفيش حد دخل فينا
اتاريهم لغوا التقاطع واستبدلوه ب U Turn بعد التقاطع ب 50 متر
مش عارف انا اللي غلطان ولا العبقري بتاع الطريق هو اللي غلطان
ولا مرسي اللي غلطان
ولا بلاش السيرة ده للنور يقطع وتتحرق المازر بورد ولا الهارد يضرب
لحسن التلفزيون اتحرق لما النور قطع
انا بكر اأمن علي الاجهزة الكهربائية في البيت
المهم العربية كانت بتاعت الكبير قوي ( الحاج )
ومن ساعت ما حكيتله علي الحوار ده وانا مابشوفش العربية الا لما انزل اشيل معاه الطلبات من العربية من تحت البيت

**waelfarid** · 16-06-2013 02:58 AM

حمد لله علي سلامتك
بصراحة له حق لان الغلط مش علي الزلط
السواقة عبارة عن لعب اتاري لايف مفيهوش هزار
فــــــــــــــــــــا
دائما كـــــن مستعدا
لكل ما هو جديد

دا كويس انه رضي يخليك تنزل تشيل معاه الطلبات من العربية من تحت البيت
best regards

**Amr Elshamy** · 16-06-2013 03:03 AM

انا لو من الحاج اشيل الشنط لوحدى ليه اخليك تنزل اصلا ... ع العموم حصل خير يا معلم

**adelghanem** · 16-06-2013 03:09 AM

معلش اعذر الحاج
ما أنت من بعد ما حكيتله على اللى حصل معاك
اكيد بيروح ساعتين كل يوم يتدرب على التقاطع الجديد

**checo4lamor** · 16-06-2013 04:26 AM

الحمد لله انك بخير هههههههههه كويس انها محصلتش يعنى الكبير اوى عشان كنت هتخبط معتش بيركب العربية امال لو لقدر الله كنت خبطت كان عمل فيك ايه قول الحمدلله يا عم ههههههههههههه ربنا سترها معاك من كل النواحى

**Muahmmad Honda** · 16-06-2013 06:39 AM

ربنا ستر * بالتاء ..

تانى حاجة عادى يا معلم بس المفروض كدة انك متعرفش تسوق فى اى شوارع تانية ؟! لازم تتعامل مع الشوارع اكنك اول مرة تسوق فيها :) حتى لو حافظها