لو من ولاد ابو اسماعين ممكن نساعدة
عرض للطباعة
الصورة دي أكيد على سفح مش منزل
عيبنا هنا في مصر -و مش باخص حد بكلامي- إن احنا فاهمين ال top speed غلط
top speed دي المفروض تجيبها أي وقت بدام عربيتك تمام و الطريق مستوي
مش اللي تجيبها مرة على منزل و تيجي تصورها
210 كتير جدا جدا على octavia حتى لو جبت 100 صورة
لأن العربية منتشرة جدا ومصر كلها عارفة اخرها
عربية محترمة جدا مفيش كلام بس مش بتاعت جري ولا top speed
اخرها 190-195 ودة مش قليل على عربية بحجمها
قبل ما ترد , إنت راجل ماشي بعربيتك 104 ألف
يعني أكيد سافرت لما قلت يا بس
مشوفناش صورة قبل كده للعربية كاسرة ال 200 يعني
هي صادف بس إن الهوا معاها و الطريق منزل شوية و خلاص على كده
انا معاك فى الكلام دة
انا عربيتى فى طريق مستقيم اخرها 210 فى منزل بوصل 220 ومرتين وصلت 230
بس لو قلت ليا عاوز اشوفك ما شى 220 هقولك صعب الا لما تتوفر نفس الظروف
انما لو قلت ليا اكسر 200 هقولك على اى طريق فاضى بكسرها
وعن نفسى جريت مع اوكتافيا كتير جدا اخرها 190 بالعافيه 195
دة غير انى بخطف الغرز من قدامها
دليل على تسارع بطىء نوعا ما
سيدي الفاضل..كل الإحترام والتقدير لشخصك أولاً..
ثانياً..حضرتك سألتني الأول قبل حكم معاليك إنها علي سفح .. كنت علي طريق إيه ؟؟ ده الطريق الدائري الساعة 2 و نص بالليل..والدنيا فاضية وزي الفل..وأعتقد إنه خالي من السفوح والجبال والهضاب !! إلا إذا كان فيه دائري تاني معرفوش بقا.
ثالثاً .. السرعة دي مش أول مرة أجيبها علي فكرة..بالعربية دي علي طرق السفر ( الصحراوي الغربي - شرم - الغردقة - الإسكندرية ) متوسط السرعات اللي بمشي عليها 180-200-205-210 حسب ظروف الطريق فاضي ولا قافش ولا الهوا معاكس العربية ولا إيه بالظبط - وفي نفس الطرق دي بمشي 240 و 250 بعربية تانية.يعني السرعات دي مش جديدة علي الواحد..ومش بتباهي بيها أكيد.
رابعاً..رداً علي سؤالك حضرتك مشوفناش صورة للعربية كاسرة الـ 200..فأنا مش حاطط الموضوع في دماغي أساساً عشان كل ما أجيب سرعة عالية أطلع الموبايل وأصورها.لو راجعت مواضيعي..هتلاقي التصوير بتاعي للعربية دي عشان أوضح حقايق معينة..يعني ناس كتير اتكلمت في التسارع والسرعة القصوي بحبيت أجيب مواد تثبت وجهة نظر معينة.وما من شخص هيعرف يطلع قدرات العربية دي ( أو الجيتا ) ( أو الجولف ) غير مالكيها فقط واللي فاهمينها فقط.يعني علي سبيل المثال..لو حضرتك سايق العربية دي وزي ما قولت كده مش قادر تتخطي بيها حاجز الـ 195..ولقيت العبد لله معدي من جنبك 200 ولا 205 ولا 210 كان هيتقال منك كلام تاني.كما إن المفروض إن فيه مصداقية في الحوار ما بينا..لأن كلنا كبار مش صغيرين .. ومن ناحية تانية زي ما قولت لحضرتك 210 دي مش أقصي طموحي يعني جنب السرعات التانية اللي بمشي بيها.
ولو حبيت..في أقرب فرصة إن شاء الله فيديو علي السرعة دي..وطريق عادي خالي من السفوح والجبال والهضاب.مفيش مشكلة.
تحياتي..وأرجو أن تتقبل كلامي بصدر رحب..
صدقنى انا لسه مستغرب---
مش عيب يا باشا تسأل فى البورا و انا موجود, الدنجل بالسكاكين بتتكلم من 400 ل 800 على حسب معرفتك ببتوع قطع الغيار و حالة الدنجل طبعا و الديسكات, بس نصيحتى لو جلب الدنجل الخلفية سليمة ميغيرش الدنجل كلو, عشان ممكن الدنجل الجديد جلبو متكونش قد كده, ممكن يشوف حد عاوز دنجل من غير الفرامل و يشتركوا فى تمنو, ياما حد عندو الدنجل جلبو تعبانة و تاخد منو الديسكات. عموما بالفصال متزودش عن 500 ل 600 ج
اهي سفوح ديه عجباني جدا
هوا انا ممكن اقول حاجه
افتكر ممكن
فيه عربيات ذي ما بيقولوا اتفتحت صح من اول استخدامها يعني مواتيرها وفتيسها مش متكتف ذي عربيات تانيه هيه هيه لاكن طبيعه سواقه ونوعيه الاستخدام حكمت عليها انها يكون ادائها كده
ده يخليني ممكن استنتج ان عربيه حضرتك من النوع الاول
ومفيش حد يقدر يشكك في كلام حضرتك
طيب حاجه كمان هل فعلا عربيه تجيب سرعه عاليه وبعدين تيجي في نفس الظروف ومتقدرش تعملها تاني
من واقع خبرتي المتواضعه شوفت كتير
ومش نابعه من انها كوري او اوربي
فالخلاف هنا مش في محله لان كل واحد بيحكم من منطلق اللي يعرفه
المهم فعلا اننا منقللش من مصداقيه بعضينا عشان الاهم الحوار يكون ليه هدف
وشكرا
Sent from my GT-P5100 using Forum Runner
ربنا يباركلك فيها
ومستني ال video :)
الموضوع سهل انا ماتورى بايظ
ولسه فاتح بطنه وعامل عمليه جراحيه
ممكن اجرب مع الاوكتافيا الى جابت 210
للعلم انا لسه مغير صبابات وجوان وش سلندر
بالبلدى العربيه بطنها اتفتحت
وبالرغم من كدة ممكن اجرب مع اوكتافيا
وانا مش واثق فى عربيتى
وبكدة نحسم الموضوع
معلش يا إكسلانس..out منك دي :)
https://www.youtube.com/watch?v=4tPnfPYRXKk
https://www.youtube.com/watch?v=FLR2dpnySXk
https://www.youtube.com/watch?v=DdgKxCv4LlU
لاحظ بقا كده عدد الكيلو متر في كل فيديو وعلاقته بالتسارع
تحياتي
دة الى اسمه تسارع لعربيه من غير تيربو
مع تحيات ابو اسما عيل
Lanos 1.6 16V 106 KM 0-160 km/h acceleration - YouTube
أكيد كنت علي منزل أو سفح .. هههههههههه..ربنا يباركلك فيها يا زعيم..
مع العلم كده الأوكتافيا ماكينتها تكسب عشان أدائها ده مع وزن زي ده مقابل أداء عربيتك بالمكنة دي.
والله أنا ساعات بتعلي في دماغي وأعمل full tune للعربية وأسقط المكنة الـ 2000 الـ 150 حصان.
استاذ احمد المكنه تكسب ازاى
مكنه اسكودا قدرتها 75kw
مكنه الانوس قدرتها 81kw
يعنى فيه فرق فى المكنتين 6 كيلو وات لصالح مكنه الانوس الى هيه اصلا جنرال موتورز
الفرق 6000 وات
يبقه مين يكسب حتى لو الوزن متساوى
انشاء الله لما تدوب المكنه 1600 وتحط مكنه 2000 سى سى فى اللحظه دى ما فيش حد هيسد معاك
بس براحه على الناس
بسم الله ماشاء الله ربنا يبارك لك فى العربيه يابوب
انا بردوا مستغرب زى لانوس
بس استغرابى لان الصوره ما بتكدبش والاستاذ احمد قال قبل كده ان الاوكتافيا مش ممكن توصل ل200 حتى وجاله بالدليل 210 وبدون هضاب ولاسفوح اهرامات ولا زيت صابون على الارض حتى :)
طيب مهو الايه فايف بردوا جايباهم اهو وعلى d كمان
http://nileup.com/up/watermark.php?s...530281.jpg&p=c
متهيالي
موتور بالفتيس بتاعه ومعاه ضفيره وكنترول للأتنين
العفشه متهيالي مش فارقه اوي عشان فرق الوزن مش كبير بين الموتورين حوالي 30 كيلو فقط
ممكن طرمبه بنزين فقط والرشاشات
فكر كده ايه تاني ممكن نحتاجه
https://fbcdn-sphotos-e-a.akamaihd.n...00550246_o.jpg
ياراجل يا طيب انا قولت لما تعلى ف دماغك هتسقط موتور 2.0L سواء TSI او TFSI بمشتملاتهم ,, زى اللى بينزلوا ف ال RS و تبقى بتتكلم ف 200 حصان و 280 عزم او حتى 1.8L TSI بمشتملاته و يبقى الكلام عن 160 حصان و 250 عزم و بالمواتير دى هتوصل لارقام تسارع تحت ال 9 ثوانى و توب سبيد اعلى من 220 بدل المصايب اللى بيعملها الموتور ال mpi 1.6
تحياتى ليك ,,,
في التأني السلامة.
تعديل العربيات المعقدة وجع دماغ وعاوز ناس محترفه
شوف انته تشترى لانوس زى دى وتربنها--وتكسر 270
Lanos 1.6 Turbo Stage 1 VS Golf VI GTI / 2010 Part 1 - YouTube
بارك الله فيما رزق وما تفتحش علي نفسك فتحه