صوت غريب طالع من منطقة سير الكاتينة + استهلاك عالى للبنزين

**meda2711** · 16-06-2013 04:51 AM

بسم الله الرحمن الرحيم

انا العربية فوكاس 2003 بسمع صوت غريب زى نحرة كده طالع من منطقة سير الكاتينة ,, بس ده لما تكون باردة اول ما تسخن بفترة قليلة الصوت ده يروح ,, روحت لاحمد فرج وطبعا العربية كانت سخنة فمفيش صوت ولما حكتله قالى كده كده نغير سير الكاتينة والبلى مع سير ادارة علشان انا مغيرتهمش لما جبت العربية وفعلا البلى كان خشن

النهاردة وانا بسخن العربية الصوت بس خف شوية بس مسموع بوضوح وبرضوا بيروح لما تسخن .. ده ايه الصوت ده + المرة دى مش قادر احدد اذا كان جاى من عند السير ولا من نص العربية ... ده ممكن يبقى صوت ايه

+ العربية بتاكل بنزين بطريقة بشعة " على ما اعتقد" ربع تانك اللى هو 13.75 لتر فى ال 60 كيلو !!!! وهى كانت بتاكل اه بس مش كده

علما انى كده مغير سير الكاتينة والبوجيهات لما جبت العربية موتوركرافت بلاتنيوم بقالهم 4 الاف كيلو ومغيرتش لا فلتر هوا ولا بنزين من ساعة ما جبتها ,, بس فيه حاجة مش عارف ليها علاقة ولا لأ مع الطلعة الاولى بحس ان العربية بتبقى مخنوقة لحد سرعة 20 كده بعدين تنطلق وكمان بشم ريحة عادم من الشكمان مع العلم ان مفيش اى دخان طالع ,, اداء العربية طبيعى جدا وعالى اوى ,, فممكن ايه السبب فى المشكلتين دول

وشكرا مقدما

**MohamedSotohy** · 16-06-2013 06:02 AM

بص اعتقد ان النحره دي يا بليه يا سير
بالنسبه لاستهلاك البنزين
غير فلتر
وبص علي الجاب بتاعه البوجيهات بالفلر
ونظف رشاشات بالجهاذ الالتراسونيك
وبص علي سلوك البوجيهات وشوف المقاومه بتاعتهم

**mido51eg** · 16-06-2013 11:15 AM

المشاركة الأصلية كتبت بواسطة mohamedsotohy

بص اعتقد ان النحره دي يا بليه يا سير
بالنسبه لاستهلاك البنزين
غير فلتر
وبص علي الجاب بتاعه البوجيهات بالفلر
ونظف رشاشات بالجهاذ الالتراسونيك
وبص علي سلوك البوجيهات وشوف المقاومه بتاعتهم

روح مركز الصفا لمعالجة العادم علشان تشوف حكاية استهلاك البنزين دي. عندهم كل اجهزة الكشف والصيانة وان شاء الله المشكلة تتحل.

**waley** · 16-06-2013 02:27 PM

الى ركبلك الكاتينة لو قسمها غلط هاتعمل كل الى بتقول عليه ده

**meda2711** · 16-06-2013 04:57 PM

المشاركة الأصلية كتبت بواسطة mohamedsotohy

بص اعتقد ان النحره دي يا بليه يا سير
بالنسبه لاستهلاك البنزين
غير فلتر
وبص علي الجاب بتاعه البوجيهات بالفلر
ونظف رشاشات بالجهاذ الالتراسونيك
وبص علي سلوك البوجيهات وشوف المقاومه بتاعتهم

انا غيرت سير الكاتينة والادارة بالبلى بتاعهم وبرضوا له فيه صوت
مع العلم انى لاحظت ان الصوت بيزيد اوى مع حركة الدركسيون , كده ممكن طرمبة باور ؟

طب حضرتك انضف الرشاشات فين لانى معرفش اماكن اللى بتنضف الرشاشات بالالتراسونيك

**meda2711** · 16-06-2013 05:00 PM

المشاركة الأصلية كتبت بواسطة mido51eg

روح مركز الصفا لمعالجة العادم علشان تشوف حكاية استهلاك البنزين دي. عندهم كل اجهزة الكشف والصيانة وان شاء الله المشكلة تتحل.

ممكن تقولى على مكانه علشان معرفوش ,و وشكرا ليك جدا

**meda2711** · 16-06-2013 05:02 PM

المشاركة الأصلية كتبت بواسطة waley

الى ركبلك الكاتينة لو قسمها غلط هاتعمل كل الى بتقول عليه ده

انا مركبه عند احمد فرج اللى هو حافظ العربية جدا , معقول يكون ركبه غلط ؟

**mido51eg** · 16-06-2013 08:21 PM

المشاركة الأصلية كتبت بواسطة meda2711

ممكن تقولى على مكانه علشان معرفوش ,و وشكرا ليك جدا

في جسر السويس بعد مزلقان سوق القنال الدولي ، هتلاقي على اليمين مجمع عمارات اسمه عمارات الفاروقية قدامها الناحية التانية فيه محطة بنزين واخدة ناصية ، ادخل الشارع اللي على ناصيته محطة البنزين دي وامشي فيه حوالي 200 متر هتلاقي المركز على شمالك. المركز ده متخصص في مشاكل استهلاك الوقود والعادم وان شاء الله هتلاقي حل المشكلة عندهم.

**meda2711** · 22-06-2013 12:58 AM

عيب الصوت اللى مع الدوارة كانوا كارتيرة العجل بتحك وقاعد موتور يمين بايظة

وبالنسبة للبنزين انا فولت ومشيت 100 وقيست تانى طلع الاستهلاك 11 لتر اللى هو معدل كويس بس المؤشر مش مظبوط لان لما فولت على الاخر والبنزين بقى يطلع من فتحة التانك المؤشر كان قبل الاخر بشوية فتقريبا العيب من المؤشر

**aYaBooY** · 29-06-2013 09:42 AM

اعتقد انت محتاج عملية نظافة للعربية فلاتر و بوابة منافولد و بوجيهات و ماف و هاتلاقى موضوع البنزين افضل

الموضوع: صوت غريب طالع من منطقة سير الكاتينة + استهلاك عالى للبنزين

LinkBack

أدوات الموضوع

عرض

صوت غريب طالع من منطقة سير الكاتينة + استهلاك عالى للبنزين - انشر الموضوع فى :

-

-

-

-

-

-

-

-

المواضيع المتشابهه

استهلاك عالى للبنزين 128 موديل 2006

استهلاك عالى نسبيا للبنزين فى سيارتى m11

استهلاك عالى للبنزين lancer 1.3 auto

ترشيح زيت فى منطقة الكاتينة بعد تغيير السيور

ملاحظ استهلاك عالى للبنزين فى السيراتو حد ممكن يفيدنا

الكلمات الدلالية لهذا الموضوع

المفضلات

المفضلات

ضوابط المشاركة