الموضوع: محتاج مساعدة

بعد التحية والسلام

انا بصراحة غاوي تعديل في العربية كل شوية بس انا الي بعدل بنفسي مش عند حد
المهم اني عايز اغير لون الجنوط من الاسود للنحاسي او الدهبي
فكنت حابب اعرف ايه الخطوات يعني انا بنزل او بعمل سنفرة للون الاسود الي موجود وبعد كدة برش ولا برش علي طول مع العلم هو مرشوش قبل كدة اسود مطفي

السؤال التاني بقي
اجيب الخامات منين وعل بحتاج مثبت للون ولا لا
وهل اجيب الدهان من عند اي حد بتاع دهانات عادي زي بتاع الحوائط وكدة ولا في حاجة مخصوصة للجنوط مختلفة

اخر حاجة بقي

انا عربينتي لونها زيتي ايه رايكوا في اللون النحاسي للجنوط

يالا عايز اراء وتشجيع بقي عشان دي اول مرة ارش جنط وان شاء الله اعمل تقرير بالشغل والنتيجة

المشاركة الأصلية كتبت بواسطة أحمد جودة

جنوط نحاسي على زيتي يبقي تمام

بس اكيد هتجيب الخامات من عند متخصص ( بتاع بوية سيارات )
منتظرين النيجة ونشوف الصور
بس خد بالك من حاجة الجنوط لو نزل عليها بنزين اللون هيطفي وشكلها مش هتبقي حلو خالص دة عن تجربة

انا هنزل التوفييقية كمان شوية عشان اشوف الموضوع دة وبالمرة هجيب كام حاجة كمان ان شاء الله
وهصور العربية قبل الشغل وبعده ان شاء الله