عايز أروح 49 ش محمد مظهر في الزمالك من مترو البحوث
عرض للطباعة
عايز أروح 49 ش محمد مظهر في الزمالك من مترو البحوث
انصحك تطلع من المحطه تقف على اول شارع محي الدين ابو العز وتركب تاكسي المسافه مش بعيده
عشان لو هتروح مواصلات مافيش حاجه مباشره
هتضطر تركب مواصله لبولاق
وتنزل جامعة الدول
وتركب تاني لاخر الشارع
او تركب لميدان لبنان
وتاخد اي مواصله رايحه اسعاف او رمسيس وتنزل فوق الكوبري وتنزل الزمالك على رجلك
يعنى هو انت هتركب من محطة البحوث حاجة رايحة للزمالك
بص عل حسب مافهمت انت لو هتستخدم مترو يبقى الافضل تنزل محطة الاوبرا وبعدين تتمشى لغاية مدخل الاوبرا الرئيسى وتعدى الناحية التانية (قدام حديقة الاندلس ) وهتضطر تركب تاكسى لان مفيش ميكروبسات هناك بتدخل الزمالك وبعدين هى حتة صغيرة وتقول للسواق ش محمد مظهر وكلها 10 دقايق بالكتير
بالظبط الزمالك مفيش مواصلات بتمشي فيها
فعلا الاسهل مترو للاوبرا و تاخد تاكسى
لو مش عايز يبقى مترو للاسعاف و تاخد عربيه رايحه ميت عقبه او الكيتكات و تنزل فوق 15 مايو و تنزل السلم و تتمشى
متشكر للمساعدة
كلة رشحلي اني اطلع محطة الاوبرا و اكب تاكسي فعلا بس في سؤال
هوا التاكسي بيطلع كوبري 15 مايو ؟
حسب هتركب التاكسى منين ..ز لو هتركب من عند امتداد كوبرى قصر النيل هيعدى كوبرى الجلاء و يخش يمين على الكورنيش و يطلع 15 مايو و ينزل فى الزمالك ...
لو هتركب من عند الباب الرئيسى (كان التاكسى جاى من على كوبرى قصر النيل و دخل يمين) هيكمل بيك طوالى و مش هيطلع كوبرى 15 مايو
لا قصدى لو كمل طوالى و مدخلش يمين كانه رايح على الدقى .. فى مطلع للمحطه هناك فهيكون فوت الدخله اليمين و هيضطر يكمل و يعدى كوبرى الجلاء و يمشى كورنيش و يرجع للزمالك تانى من 15 مايو عند مسرح البالون ...