مشكله في مياه في السيراتو

**shehabsho** · 16-06-2013 06:23 PM

انا معايا سيراتو 2012 رحت عملت لها صيانه 40 الف في مركز خدمه معتمد و طبعا غير الميه الخضرا اللي في الردياتير و من بعدها الميه في القربه بتنقص كتير و كل ما ازودها بعدها بيوم او اثنين الاقيها نقصت اكتر من 3 سم رجعت لهم مرة ثانيه و المهندس قالي هنحلها و بعدها بساعه سلمني العربيه و قالي المشكله اتحلت لكن للاسف تانى يوم لقيت المشكله زي ما هي مفيش تغير ده غير ان العربيه صوتها بقي اعلي و سحبها بقي وحش اكتر من قبل ما اعمل الصيانه ايه الحل لو ممكن مساعده لانى خايف جدا

**moha4tec** · 16-06-2013 06:59 PM

انت عملت صيانتك فين ؟؟؟
شكلهم منظفوش الدوره كويس او الدوره فيها هوا .اتاكد ان المروحه بتاعة الردياتير بتلف لما العربيه تكون سخنه و جى من مشوار .
و ممكن حطولك ميه عاديه .جرب تروح مكان تانى و تغير مية الردياتير صح و تشوف كده .

**shehabsho** · 17-06-2013 04:17 PM

انا عملت الصيانه عند عيسي في المنصورة

**Dr.M_baz** · 17-06-2013 10:07 PM

أنا عملت صيانة ال1000 عند عيسى في المنصوره و حصل معي موقف سبيه مش لاقي تفسير ليه:
اول ما جبت العربيه sx 2013 الميه في القربه كانت ثابته على النص بين العلامتين و مفيش نقص خالص و لما تمت 1250 روحت عملت الصيانه في عيسى وصممت اني اقف معاهم لاحظت الفني قام بملئ جيركن من عبوه كبيره عندهم زي برميل كده وزود بيه مياه الريدياتير والمساحات وغسل بيه الموتور ولما سالت المهندس مزودش ميه خضرا ليه قالي ديه ميه مقطره وعليها مانع صدأ بس طبعا انا مش مقتنع.... المهم من بعدها الميه بتنقص بس بمعدل قليل جدا حوالي 1 سم كل 3-4 اسابيع ولما سألت سمعت كلام كثير ناس بتقول هتفضل تنقص لحد اما توصل للنص بين العلامتين وهتثبت وفيه تفسير تاني أن الميه المستخدمه خففت الميه الأصليه فمعدل البخر زاد
انا مش عارف ده طبيعي أم لا
بعد إذن صاحب الموضوع انا كتبت مشكلتي مع ردي عليك نظرا لتشابه المشكلتين ونفس مركز الصيانه.