الموضوع: تركيب اكسسوارات لتويوتا كورولا 2013

تحياتي لحضرتك اوﻻ :)

شوف اخوك معاه 2012...ركبت فالتوكيل سينسور ب 650 عشان كان بيترش نفس اللون...نفس الطقم لقيته فطنطا ب 140 جنيه

ركبت زينون ب1200 تقريبا...امكانياته ضعيفة وبياخد وقت عشان يسخن...لقيته هنا ب 250 جنيه

من بعدها حرمت اركب حاجة هناك...اللي عاوز اقولهولك عشان تبقي حريص جدا ..اذا حتركب حاجة بره ﻻزم تكون عند حد موثوق منه جدا وراجل حرفي عشان مايسببش مشكلة ف العربية

ﻻني سالتهم مرة قلتلهم علي صفحتهم عالفيس اني ركبت دي في دي بﻻير بره التوكيل هل كده حطلع بره الضمان؟..وانا ماركبتش بس كنت بسال

ردوا قالوا طالما ماحصلش مشاكل خالص يبقي الضمان ساري والعكس صحيح......
يعني...لو روحت اشتكيت من مشكلة انت ركبتها بره التوكيل الضمان حيروح...عشان كده بقولك ركبها فمكان مضمون.....واسف عالاطالة :)

شاكر حضرتك جداً على التوضيح والافاده
يعنى من رأي حضرتك اركبهم بره التوكيل عند حد موثوق منه ؟ لان انا خايف اركب حاجه بره تتطلعنى من الضمان
وسؤال معلش السينسور اللى حضرتك ركبته معاه شاشه ولا صوت بس ؟
وحضرتك فيه حاجه معينه ركبتها تانيه شايفها مهمه جداً فى العربيه ؟

المشاركة الأصلية كتبت بواسطة medo2_0

شاكر حضرتك جداً على التوضيح والافاده
يعنى من رأي حضرتك اركبهم بره التوكيل عند حد موثوق منه ؟ لان انا خايف اركب حاجه بره تتطلعنى من الضمان
وسؤال معلش السينسور اللى حضرتك ركبته معاه شاشه ولا صوت بس ؟
وحضرتك فيه حاجه معينه ركبتها تانيه شايفها مهمه جداً فى العربيه ؟

الشكر لله يافندم :))،،،بص حضرتك لو فيه امكانية عندك انك تركب حاجات التوكيل باسعاره عشان تريح بالك خالص ويبقوا مسؤولين عنها فمفيش مشاكل عشان ما يتلككوش....بس لو عايز توفر فرق السعر ممكن تركبهم فمكان موثوق ومش حيجوا ناحية الضمان اﻻ لو روحت اشتكيت بحاجة حصلت من تركيبهم.....اللي ركبته تاني وده اخر حاجة ركبتها بعد السينسور والزينون هوا الانذار كان ب 1200 ...بس انا الصراحة ماشفتش الجهاز بيتباع علي الاقل فطنطا...علي حسب كﻻمهم انه ايطالي تقريبا ...وبيشتغل علي ريموت العربية....اما الزينون فكنت مركبه عشان كنت حاطط فيلم لحماية الفوانيس من الرمل علي الطريق السريع كان لونه غامق وماكنتش بشوف حاجة لحد ما جيت القاهرة وركبت واحد شفاف


رأيي المتواضع السينسور والانذار اهم شئ حاليا وممكن تيجي علي نفسك وتركبهم فالتوكيل وتريح بالك.....العربية فيها ايموبيﻻيزر مانع سرقة....لكن الانذار عشان ﻻقدر الله لو حد حاول يخبطها او يكسر حاجة ينبهك...وأي استفسار تاني انا في الخدمة :)

اسف نسيت....السينسور معاه شاشة مستطيلة صغيرة بتبينلك المسافة والشئ ورا العربية يمين وﻻ شمال

بسم الله الرحمن الرحيم
انا بشكر الأستاذ sonaeg
لأنه بلغ حضرتك بكل كبيرة و صغيرة فى هذا الموضوع
ولو حابب بردوا تركب الفوج لايت على الرغم من انه غالى فى التوكيل بس هتكون مطمئن على العربية بالكامل بخلاف الفك و التركيب لن تلاحظ به إلى تغيير ( شغل توكيل نظيف جدا جدا ) بخلاف زرار تشغيل الفوج سيكون بجانب تحريك المرايات الجانبية وبه ايضاءه بخلاف انهم بالتوكيل ايضا بيوصلوه بضوء تنبيهى بالتبلوه كأنه فبريكه
وشكرا

المشاركة الأصلية كتبت بواسطة sharkass

بسم الله الرحمن الرحيم
انا بشكر الأستاذ sonaeg
لأنه بلغ حضرتك بكل كبيرة و صغيرة فى هذا الموضوع
ولو حابب بردوا تركب الفوج لايت على الرغم من انه غالى فى التوكيل بس هتكون مطمئن على العربية بالكامل بخلاف الفك و التركيب لن تلاحظ به إلى تغيير ( شغل توكيل نظيف جدا جدا ) بخلاف زرار تشغيل الفوج سيكون بجانب تحريك المرايات الجانبية وبه ايضاءه بخلاف انهم بالتوكيل ايضا بيوصلوه بضوء تنبيهى بالتبلوه كأنه فبريكه
وشكرا

العفو،الشكر لله يافندم وشكرا للاضافة المفيدة جزاك الله خير :)

الف شكر ليكم وربنا يباركلكم ... ان شاء الله هركب الحاجات فى التوكيل معادا السبويلر وشكر خاص ليك يا استاذ sonaeg