الموضوع: الزيت بيسود من ايه؟

دلوقتى يا جماعه فى العربيه الماروتى اللى مدوخانى دى كل لما اغير الزيت اجى ابص عليه كمان تلات اربع ايام الاقيه اسود مع انى اول لما بطلع من البنزينه بتتقلب معايا العربيه هيونداى فى النعومه الجرى لكن بعدها بيومين ترجع تانى وكانك يا ابو زيد ماغزيت قولولى ايه سبب ده وازاى اعالج المشكله دى

مع أحترامى للكلام الجميل اللى أتقال من الأعضاء ده :
معنى ان الزيت بيسود هو أن عمليه الأحتراق غير تامه و فيه كربون بيترسب على الزيت يخلى لونه أسود .
أعمل check على الكاربراتور و الهوا و كبس الموتور ( علشان لو فيه مشكله فى الشنابر ) و لو الزيت بينقص و لا نفس الكميه .

شوف يا سيدى الفاضل

أسوداد الزيت نوعين، نوع عبارة عن اسوداد يبدأ باحمرار لون الزيت تدريجا لحد ما يوصل للأسود وده سببه هروب جزء من الكربون الغير كامل الإحتراق الى الزيت وده عادة بيكون سببه ان الإحتراق مش مظبوط اوى الى جانب ان شنبر الحريق مهرب، بس حكاية شنبر الحريق دى مش عيب لأن فيه عربيات كتير تصميمها كدة من الأول

والنوع الثانى عبارة عن نوع يبدأ بان الزيت يغمق بدون احمرار لحد ما يوصل للأسود وده بيكون بسبب عدم كفاءة فلتر الهواء وفلتر الزيت مما يحمل ذارت تراب الى الزيت

هاقترح عليك الآتى:

1- اعمل دورة غسيل محرك (اللى هوة زيت المحرك الخفيف اللى بتحط على الزيت القديم فى البنزينة وتدور العربية 10 دقائق سلانسيه وبعدين تنزل الزيت كله وتحط زيت جديد-ملحوظة ممنوع نهائيا محاولة السير بالسيارة اثناء وجود زيت الغسيل فى المحرك) وبعدين غيرالزيت قبل ما تحرك العربية
2-طالما الزيت بيسود بلاش موبيل، لو انت بتستخدم زيت تخليقى (اللى هو 10 آلاف كيلومتر) عندك شيل ألترا وتوتال كوارتز12000 ، لو انت بتستخدم زيت مخلوط استمل شيل هيليكس او توتال 5000 ألاف، بس لو عايز الخلاصة خليك فى توتال 5000 وغيره كل 3500-4000كيلومتر
3-لما تيجى تعمل الصيانة دى اضبط الكاربراتير وغير البوجيهات

- اعمل دورة غسيل محرك (اللى هوة زيت المحرك الخفيف اللى بتحط على الزيت القديم فى البنزينة وتدور العربية 10 دقائق سلانسيه وبعدين تنزل الزيت كله وتحط زيت جديد-ملحوظة ممنوع نهائيا محاولة السير بالسيارة اثناء وجود زيت الغسيل فى المحرك) وبعدين غيرالزيت قبل ما تحرك العربية
2-طالما الزيت بيسود بلاش موبيل، لو انت بتستخدم زيت تخليقى (اللى هو 10 آلاف كيلومتر) عندك شيل ألترا وتوتال كوارتز12000 ، لو انت بتستخدم زيت مخلوط استمل شيل هيليكس او توتال 5000 ألاف، بس لو عايز الخلاصة خليك فى توتال 5000 وغيره كل 3500-4000كيلومتر
3-لما تيجى تعمل الصيانة دى اضبط الكاربراتير وغير البوجيهات

سؤال هو اية زيت المحرك الخفيف (هل هو زيت الشمبر )
و العملية دى وقائيه ولا تتعمل لو فى مشكلة بس
يعنى لو معنديش مشكلة الاسوداد دى اوى ممكن احسن الوضع شوية لو عملتها؟