الموضوع: اقتراح ممكن يكون مفيد جدا في مصر

الان وانا في الصين من حوالي 20 يوم لاحظت ان معظم الصينيين يركبوا وسائل النقل المختلفة ويتم الدفع عن طريق كارت شحن وقمت بشراء الكارت ده من محطة المترو ب20 يوان (حوالي 22 جنيه ) وشحنته داخل المكتب اللي اشتريته منه ب50 يوان وقمت باستعماله كما يفعل الصينيين
المهم والملفت للنظر ان الحكومة هناك علشان تشجع الناس على ركوب المواصلات العامة عملت اول 15 رحلة بالكارت في الشهر في كل وسائل المواصلات الداخلية (مترو انفاق او اتوبيس او حتى تاكسي ) بخصم 5% وبعد 15 رحلة يكون الخصم 40% مع العلم ان سعر لتر البنزين في الصين 9 يوان ( اضرب في 1.25قرش) يعني التفويل للتانك 40 لتر حوالي 300 يوان (علشان نعرف النعمة اللي احنا فيها) وتذكرة المترو مش ورقية لا دي حلقة ممغنطة والحساب للتذكرة بعدد المحطات والحلقة الممغنطة تستمر ممغنطة لمدة 3 ساعات فقط (علشان محدش ياخدها ويروح)
يعني التوفير في الورق والماكينات العاملة على بوابات المترو
ياريت موضوع الكارت ده يطبق في مصر اكيد هيوفر كتير