معروض عليا كيا سيراتو 2006 - عايز رأيكم

السلام عليكم ورحمة الله وبركاته

أزيكم يا شباب هذا المنتدى العظيم

دلوقتى أنا معروض عليا كيا سيراتو 2006 مانيوال

عاملة 70 ألف كيلو فقط

وفابريقه دواخل بالكامل وراشه حزام فى التوكيل للنظافه فقط

الفرش الاصلى لم يستخدم ومركبه فرش جلد جديد كمان

فيها سنه ونصف فى الرخصه ومتأمن عليها

الحاله العامه ممتازه و انا واثق فى العربيه لانها بتاعه واحد قريبى

السعر المطلوب فيها 60 ألف نهائى

ف السؤال بقى

هل السعر ده كويس ولا لأ ؟؟

هل السياره دى عموما كويسه ولا فيها مشاكل ؟؟

قطع غيار السياره دى غاليه ولا فى الطبيعى وهل متوفره ولا لأ ؟؟

تنصحونى أخدها ولا أشوف حاجه تانيه فى نفس الرينج مع العلم انه العربيه انا واثق فيها وصعب الاقى مستعمل فى المستوى ده لانه صاحبها كل حاجه بيعملها فى التوكيل

شكرا وأرجو الرد

سعر كويس اوي -من العربيات المحترمه - اتوكل علي الله

لو كنت م القاهرة كنت قلتلك لأ ورحت أنا من وراك اشتريتها من قريبك ههههههههه

طالما واثق فيها والعربية كويسة توكل علي الله.. بس بصراحة السعر عالي شوية محتاج ينزل 5 كمان.. ماتنساش ان العربية مش منتشرة أوي غير انها مانيوال.

للأسف موضوع قطع الغيار مقدرش أفيدك فيها بس العربية بوجه عام كويسة جدا في أي نقطة تانية.

مشكورين على التفاعل يا شباب :)

أتمنى أعرف رأى باقى الاعضاء فى السعر وموضوع قطع الغيار

اتوكل على الله السعر مناسب بالنسبة للعداد والعربية متوفر ليها قطع الغيار
ربنا يبارك فيها

استخير وتوكل على الله

العربية من اكتر عربيات كيا المحترمه
ماشية قليل و من كلامك شكل استخدامها كويس جدا توكل على الله فيها و ممكن تقلل من التمن شويه بس حتى لو منزلش فيه الحاله تخليك تدفع 2 او 3 زياده عن رينج السوق

ولا نازله ولا طالعه خمس تلاف جنيه !!!!
اتوكل على الله واشتريها بدل ماتتندم
طالما مضمونه كده

ممتازة ومتضيعهاش منك وتوكل على الله ..... وقطع الغيار متوفرة وكويسة

شكرا يا شباب على الردود

ربنا يسهلها ان شاء الله :)

اتكل على الله و هاتها السعر ممتاز على المواصفات