سؤال مهم في ميكانيكا السيارات و ارجو الافادة
اللي اعرفه علي حد علمي ان قدرة الموتور تقدر عن طريق عدد الصمامات و عدد الاحصنة الميكانيكية و سعة غرفة الاحتراق و نسبة الانضغاط و عزم الموتور
طيب هل ممكن لو اتنين بيشدوا بعربيتين مختلفتين
علي سبيل المثال
الاولي ١٤٠٠ و ١١٠ حصان ميكانيكي و ١٦ صمام
الثانية ١٦٠٠ و ١٢٠ حصان ميكانيكي و ١٦ صمام
تطلع الاولي من التانية؟؟
طيب اللي بيحصل في الواقع ان في فعلا عربيات بتطلع من عربيات اعلي منها في السي سي و الحصان
معني كده ان في حاجات تانية تحدد قوة الموتور و احنا منعرفهاش
طيب امال ايه الحكم في الموضوع يعني امتي اكون متاكد ان العربية دي تطلع من العربية دي من مجرد مواصفات الموتور و بدون التجربة العملية ( مع تجنيب احتمال وجود فرق في المهارة في القيادة بين السائقين )
انا علي سبيل المثال عربيتي نيسان صني ٢٠١٠ و مواصفتها كالتالي
١٦٠٠ سي سي
١١٨ حصان
١٦ صمام
نسبة انضغاط ٩.٥ الي ١
عزم ١٦.٥ كج م / ٤٠٠٠ لفة
طيب انا متأكد اني لو شديت مع حد بالعربية دي مع عربية مثلا كيا ريو او هيونداي اكسنت ٢٠١٢ هيطلعوا مني بكل بساطة مع انهم اقل من الصني في السي سي و الحصان
طيب ايه التفسير؟
انا عارف ان كل موتور ليه ديزاين و اسلوب عمل و قصص طويلة مش هنقدر نتكلم فيها كلها لكن ببساطة ما هو الحكم في مواصفات الموتور