الموضوع: تحذير لكل القادمين على طريق شرم الشيخ -ومعلومة عن سرقة البنزين

اقسم بالله كنت راجع من شرم بالعربية الصيف الى فات انا ومراتى وعيالى
فولت من شرم وكل ما اقابل بنزينة افول تانى حتى لو ناقصة 10 لتر كل دة خايف من الطريق


تخيل بقى لو صاحبك كان معاة مراتة اية هايبقى شعورة ربنا يسترها علينا كلنا

انا مش عارف لحد امتى هانبقى فى المرار دة

الظاهر انه المرار اتكتب علينا يا فندم :)

ومين اللي قال انه بنزين 90
اكيد 80
لعربيه كوبر
صفقه رابحه مفيش كلام

هوة لونه اصفر وده هوة الغريب في الموضوع :d

موقف لايحسد عليه وكويس ان ليه واحد صاحب زيك

بس هى المينى كوبر بنزينها 95 ؟؟

هوة بيحطلها اعتقد 95 بس احنا فولناها 92 عادي

ههههههههههههه انا هموت من الضحك الموضوع على اد مهو مؤلم الا انك خليته مسرحية كوميدية ،، بس اخره كام الجيركن ده وشكلو كده مش فبريكا .

والله يا فندم انا اديته للمزارع وقولته حطه في مكنة قص النجيلة وخلاص :d

هو دخل العربية الصحراء يخبيها جوه ياسيد؟

لا خالص ده احنا حطيتها على الرمل بس جنب الطريق :) مدخلناهاش جوة خالص

اجمل ما في الموضوع انك وضحت ان بقى فيه رقابه على محطات البنزين دا مؤشر على صلاح الاحوال الايام الجايه ان شاء الله

خايف تكون حركة وشكل ومنظر

للاسف لسه متعرض للموقف ده من اسبوع
و حاجه يعني اخر ذل
و فعلا البنزينات بقت تقلق جدا من موضوع الجراكن ده
و مش عارف اخرتها ايه

بس انت كنت بعد ما فولت عربيتك كان ممكن بالخرطوم تنقل له بنزين
بس طبعا فيها كميه ظروته لا باس بيها

يلا الحمد لله
و موفق في بيع الجركن بس اتاكد انه بنزين اصلا
لا يكون سولار و يبهدل حد

حاولت والله يا استاذ شريف بس عربيتي فيها حاجة زي سدادة كده وانتا داخل على التانك فمهما زقيت الخرطوم وبطلع مش بيبقى مبلول فمعنى كده انه مش بيوصل للبنزين :( وبصراحة كان صدري باظ من كتر شد البنزين :d

رغم الكوميديا اللى انت حاولت تضفيها على الموضوع الا ان القصة حزينة و كان ممكن تنتهى نهاية غير سعيدة..... الحمد لله ان ربنا سترها معاكم

احنا كل ما نشوف عربية بتهدي جنبنا اقوله يالله يا جعفر اجهز عشان ها نتثبت اهو :d