تحذير لكل القادمين على طريق شرم الشيخ -ومعلومة عن سرقة البنزين
بسم الله الرحمن الرحيم
السلام عليكم ورحمة الله وبركاته
والله الواحدد ما بيصدق ينصح الناس هنا كعيلته واخوانه في الله ويفيدهم زي ما بيستفيد منهم دايما :)
النهاردة بتاريخ 16\6\2013 على حوالي الساعة 6.30 لقيت واحد من صحابي العزيزين عليا جدا بيكلمني
هو : سيد انتا في الرحاب ؟
انا : اه يا حوبي
هو : طيب ونبي ضروري ونبي تقوم دلوقتي تجري لحسن العربية قطعت مني بنزين في طريق السويس قوم هات جركن وخرطوم وتعلالي بسرعة
انا :حاضر ربع ساعة وهاكون عندك
هو : سيد انجز الدنيا لو ليلت عليا هنا محدش ها يعرفلي سكة
انا : يا عم كلها ربع ساعة وها اكون عندك
انا اخدت جيركن صغير وخرطوم الجنينة وطرت عليه :D
هوة وصفلي الطريق قالي خلص الشروق وبعدها بـ 10-15 كيلو ها تلاقي نقطة شرطة عسكرية انا بعدها بـ 5 كيلو الناحية اللي جي من السويس متجه للقاهرة انجز يا سيد التكاتك شايفها بتحوم من الجبل ومش ها يطلع عليا نهار
طبعا عشان احنا في عصر التكنولوجيا عشان اقوله يبعتلي اللوكيشن بتاعه عشان اوصله اسرع بدال ما انا مش عارف مكانه بعتهولي
Bing Maps - Driving Directions, Traffic and Road Conditions
وادي المكان اللي يحب يشوفه زي ما انتو شايفين مكان في وسط الصحرا وراكن على جنب :)
طلعت احط بنزين في الجركن كل البنزينات رفضت قالولي الرقابة مشددة علينا وها نتأذي قولت اروح للمسكين ده الأول وبعدين نشوف المشكلة بتاعت البنزين
لقيته بيكلمني وبيقولي
سيد فيه توكتوك وقفلي بيقولي اشتري جركن البنزين بـ50 جنيه
انا : بنزين ايه ده يا جعفر ؟
هو : مش عارف هوة جركن اسود مكتوب عليه زيوت سيارات النقل
انا : قولتله بنزين تلاقيه 90 :) يعني انتا راكب minicooper S وعايز تحط فيها بنزين 90 ياخي حرام عليك ! اثبت مكانك انا جيلك يا جعفر
بعد 20 دقيقة وصلتله لقيته واقف بالشورت جنب العربية :D
انا : مش قولتلك يا ابني عربية بـ 100 الف جنيه زي عربية بـ مليون جنيه في البلد دي :D كله بيركن على جنب في الأخر عطلان :]
انا : ايه اللي حصل
هو : كنت راجع من شرم يا عم ومن بعد النفق مفيش بنزينة واحدة فيها بنزين يا سيد مفيش بنزينة توحد ربنا شغالة حتى
انا : يا عم اكيد فيه بس انتا مخدتش بالك
هو : انتا غبي يعني ها اجي 500 كيلو من غير ما افكر احط بنزين تاني ! ده اول خازوق تاني خازوق هو انه العربية كانت كاتبة distance to empty 19 كيلو ! وماشي قارص وفجأة لقيتها بتزمر وبتبطل رحت راكن
ازاي العربية تكتب 19 كيلو وتقطع مني من غير اي تنبيه
انا : ابقى روح حاكم البافارية يا حزين زق زق خلينا نبعدها عن الطريق
اخدته وروحنا اقرب بنزينة بعد العربية بـ 7-8 كيلو فولت عربيتي وبقوله املالنا الجركن ده العربية قاطعة بنزين على الطريق بالمناسبة البنزينة ( تعاون ) قالي يا بيه مينفعش قولتله مفيهاش بقولك العربية مرمية على جنب الطريق حرام عليك انا لا شكلي سفاح ولا حرامي عشان الـ5 لتر دول همة اللي ها ابيعهم سوق سودا
قالي مليش دعوة روح قول لمدير المحطة
رحتله قالي يا بيه تعالا وخدني من ايدي وراني الآتي
كاميرات متركبة مراقبة المحطة كلها اونلاين :)
قالي التموين لسة مركبين الكاميرات دي من اسبوع عشان يراقبوا المحطة قولتله ياخي اعتبرها عربيتك بقولك ميني كوبر S حرام عليك مش عجلة هيا وبعدين ده انا ها ادورها واجيلك مش رايح في حتة وربنا بعد محايلة ومدادية ساعة قالي طيب ممكن اشوف بطاقتك :) لقى البطاقة الوظيفة ( طالب بالخارج ) قاله املاله الجركن بس على جنب كده افتح باب العربية وكانك واقف بتبص على العامل يملاهولك عشان منتإذيش
ملخص ( اللي عايز يسرق برضوا ها يسرق حتى مع وجود الكاميرات والله يا جماعة :) ) والحمد لله دورنا العربية ومشيت صحيح العربية بقت ماشية عاملة كمية ايرورز غريبة على الشاشة الكبيرة اللي في النص ( ما شاء الله ) عنده شاشة عالمية تقريبا اكتر حاجة عجبتني في العربية :D
النصيحة ( لو جي من شرم الشيخ متمشيش الا لما تتأكد انك معاك بنزين يكفيك طريقك على الأقل عشان فعلا اتأكدت من عامل المحطة عربيات كتير قطعت اليومين اللي فاتو من صحابهم على الطريق لنفس السبب )
الهدف ( متشتريش ميني كوبر عشان كمبيوترها بيهيس :36_1_34[1]: الشتيمة عيب يا جماعة :)
+ انها كونفريتبول يعني اكيد العزل وحش يعني مفيش نقاش :10_1_104v[1]:
:D
بالنسبة لجيركن البنزين جعفر بيقولي سيد : الواد شكله سفاح وقالي اشتري الجركن كده بالأمر :]
قولتله دفعت كام
هو ( وعنيه في الأرض ) : 50 جنيه :D
انا : طبعا مهو بشورتك ده كان المفروض يبيعهولك بـ 100 اصلا :D
والسلام مسك الختام :)
