تركيب فلتر رياضى لفيلشيا كربراتير

السلام عليكم ورحمة الله وبركاته

ان شاء الله يا جماعه يوم الثلاثاء 18/6 الفليشيا هتروح للميكانيكى عشان نبدأ مرحله الشد باذن الله

بس فى حاجه كده شغلانى بخصوص الفلتر الرياضى لان ميكانيكى قالى مره ان الفتر الرياضى عاوز انجكشن

بس انا دورت على النت وقريت كتير عن الموضوع ده وعرفت انه ينفع للكربراتير عادى

انا عندى الفلتر راكب على العمه وشكله دائرى اللى هو ده

http://www.kandn.com/images/l/E-2670.jpg

هل لو ركبت الرياضى هشيل ده واحط ده ولا محتاج اى شغل تانى ؟؟

وهل هحس بفرق فى الصوت والاداء ولا لا ؟؟

شكــــــــــــــــرا

تحيـــــــــــــــاتى

ولا انجكشن ولا حاجة ... سيب المكيانيكى دة عشان شكله من اولها كدة هيفتى !!

بيركب عادى جدا .. بتجيبه بالكوعة الكاملة بتاعته و طبعا لازم تكونة الكوعة بنفس قطر الكاربيراتير و بيفضل الاصلى عشان تحس بالاداء ..

فيه حل بلدى كدة بنعمله و بيبقى تمام .. بتجيب كوعة بلاستيك من عند واحد بتاع ادوات صحية ( سباكة ) .. كوعة زى اللى بتركب تحت الحوض بس اكبر شوية .. و تحتار مقاس قطر الكاربيراتير و تربطها بكوليه على الكاربيراتير من ناحية و الفلتر من ناحية تانية .. دة هيخلى الكابوت يتقفل بسهولة و الدنيا تبقى تمام .. و انتظر رد الاعضاء :)

و عموما فيه فلتر رياضى للكاربيراتير .... هوة هوة نفس الفكرة ... بس بيختلف عشان بيبقى شبه العمة .. فبيركب على طول من غير كوعة ولا اى حاجة

متابع معاك لاني كنت هعمل نفس التجربة بس احد الزملاء قاللي مش هيكون فيه فرق واضح من ناحية الاداء والسحب التغيير هيكون اكترفى الصوت بس

منتظرين النتيجة وبالتوفيق

اقتباس:

---

المشاركة الأصلية كتبت بواسطة Muahmmad Honda

و عموما فيه فلتر رياضى للكاربيراتير .... هوة هوة نفس الفكرة ... بس بيختلف عشان بيبقى شبه العمة .. فبيركب على طول من غير كوعة ولا اى حاجة

---

بسم الله الرحمن الرحيم
طيب سؤال علشان انا دايخ على الفلتر الرياضى للكاربيراتير ، تعرف أى مكان بيتباع فيه و تبقى كسبت فيا ثواب ؟:ops:

اقتباس:

---

المشاركة الأصلية كتبت بواسطة muahmmad honda

ولا انجكشن ولا حاجة ... سيب المكيانيكى دة عشان شكله من اولها كدة هيفتى !!

بيركب عادى جدا .. بتجيبه بالكوعة الكاملة بتاعته و طبعا لازم تكونة الكوعة بنفس قطر الكاربيراتير و بيفضل الاصلى عشان تحس بالاداء ..

فيه حل بلدى كدة بنعمله و بيبقى تمام .. بتجيب كوعة بلاستيك من عند واحد بتاع ادوات صحية ( سباكة ) .. كوعة زى اللى بتركب تحت الحوض بس اكبر شوية .. و تحتار مقاس قطر الكاربيراتير و تربطها بكوليه على الكاربيراتير من ناحية و الفلتر من ناحية تانية .. دة هيخلى الكابوت يتقفل بسهولة و الدنيا تبقى تمام .. و انتظر رد الاعضاء :)

---

شكرا لرد حضرتك

هو الفلتر الاصلى بيكون سعره كام تقريبا والاقيه فين وهل فى ماركات مشهوره ؟؟

هو الاصلى غالى يبدا من 400 و افضل الانواع سيموتا و k&n
و فيه المضروب يبدا من 150

اقتباس:

---

المشاركة الأصلية كتبت بواسطة Mostafa.Ramdan

شكرا لرد حضرتك

هو الفلتر الاصلى بيكون سعره كام تقريبا والاقيه فين وهل فى ماركات مشهوره ؟؟

---

من غير ماتغير الفلتر لرياضى انصحك تغير اتجاه البوابة فى عمة الكاربراتير للبارد وتقفل السخن اللى من حوض الموتور وحتلاقى العربية سحبها بقى خطير حتى لو بتحط بنزين 80 ودى قصة الموضوع ده بالصور كمان وحتدعيلى !!!
http://www.nilemotors.net/Nile/355793-a.html

اقتباس:

---

المشاركة الأصلية كتبت بواسطة diablo1978

بسم الله الرحمن الرحيم
طيب سؤال علشان انا دايخ على الفلتر الرياضى للكاربيراتير ، تعرف أى مكان بيتباع فيه و تبقى كسبت فيا ثواب ؟:ops:

---

هتلاقيه فى اى محل فى احمد سعيد من 150 ل 300 : جنيه :) تحياتى

الاصلى يبدأ من 400 فعلا و المضروب بيبدأ من 70 جنيه بدون الكوعة :)