الله يبارك فيك :)
عرض للطباعة
مبروك
بالنسبة لفلاشة النت
طبعا الجهاز بيدعم mini usb مش ال usb بتاعت الكمبيوتر .. فالموضوع ابتدى انى عايز وصلة بين ال mini usb من ناحية و usb كبيرة بتاعت الكمبيوتر من ناحية تانية بس female او نتاية يعنى بيدخل فيها ال usb مش هى نفسها usb ء
رحت راديو شاك ادور و يقولى مفيش حاجة كدة .. يعم دى مرمية على النت .. اطلبها من برة .. لا حول ولا قوة الا بالله .. اطلب حاجة ب 1 دولار !! و الصراحة كانول مستفزين جدا .. فرع عمار بن ياسر
رحت رايح على كمبيو مى .. مول الكمبيوتر اللى جنب السراج مول , اول محل لاقيتها عنده و زى الفل و موجود عنده جميع الوصلات اللى فى العالم .. جبتها ب 20 جنيه
وصلت فلاشة اتصالات مبتديش منطق ولا اى حاجة .. بتنور مرتين فى الول اخضر و بعدين تسكت خالص .. ولا عايزة تتقرى ولا اى حاجة .. قلت ساعتها عوضى على الله .. كدة التابلت فى الشارع زى قلته و هو اصلا مش بيدعم اليو اس بى مودم ..
روحت قلت اخش على النت اشوف ايه الدنيا و عملت سيرش على النت .. و الحلول اللى لاقتها .. حلول معقدة جدا و اكواد عشان تهاك ال يو اس بى و اكواد عشان تهاك ال تابلت و شغل عك .. قلت يبقى هما مش بيقبلوا فعلا !!
لاقيت فى موقع مصرى للموبايلات و الاجهزة الالكترونية واحد بيقول .. كل تابلت ليه ال مودم اللى بيقبل عليه .. هتلاقي قائمة بالمودمات اللى بيقبلها جهازك فى الكتالوج بتاعه او فى الموقع بتاعه او على العلبة او فى الجهاز نفسه ..
انا اعدت ادور لاقيت حاجة اسمها 3g information فى التابلت نفسه فى العدادات !!
لاقيت فيها كل ال مودمات اللى بيبقلها الجهاز .. و منهم مودم كان معايا زمان و لسة عندى الحمد لله موبينيل موديل : e156g هواوى
وصلت و استنيت دقيقة .. و اخيرا ظهرلى الشبكة و كلمة موبينيل و 3g .. شحنته و دخلت على النت زى الفل الحمد لله ..
باختصار عشان انا طولت العملية جدا .. لو معاك تابلت و مش شغال عليه ال مودم بتاعك .. جرب مودمات كتييير ..واحد فيهم هيشتغل معاك ان شاء الله ..
اسف على الاطالة :)
الف مبروك يا باشا ..
الف مبرووك ياباشا
عاوز اجيب تاب بس 10 بوصة ويكون فيه 3g
انا سمعت عن ماركة xtouch??
ايه رايكم؟