فيرنا vs فيفا ...عايز نصيحتكم ضرورى...

السلام عليكم اخوانى الكرام....
انا قرفت الناس بصراحة بموضوعاتى بس بصراحة ماليش غيركم استشيره لانى مبفهمش فى العربيات ...
انا معايا حوالى 50 الف ل55 فقلت اشترى عربية مستعملة لانسر مثلا بس الكل قالى اشترى اى عربية زيرو اريحلك فبعد تفكير لقيت ان الفيرنا انسب حاجة و كنت بفكر فى الافيو شيفرولية
بس لقيتها اغلى من الفيرنا و مفيهاش كمان كماليات فقررت ان شاء الله اشترى االفيرنا او الفيفا
و اقسط الباقى ...
فالسؤال هنا ايه الاحسن ما بين الفيرنا و الفيفا ؟؟؟
و هل هم عربيات كويسة تستحمل و لا هيتعبونى و انا قلتلكم مفيش خيرة فى العربيات و ديه اول مرة اسوق عربية ؟
و مين المعرض الكويس اللى ممكن اشترى من عنده بالتقسيط و هم اسعارهم كام ؟؟
و شكرااا جزيلا...

من حيث الاستحما فهي بتستحمل توكل علي الله
روح اي محافظه هتلاقيها مرطرطه هناك تاكسيات و ده دليل علي انها بتستحمل
اما الفرق بين الفيفا و الفيرنا فمن الاخر
الفيرنا موتور
الفيفا تقفيل
غير كده واحد
اختار انت اللي يهمك اكتر

شكرااا Nile_Storm على ردك ...
طيب بالنسبة لكماليات الاتنين بيجوا ازاى لو full option>>>???

بالنسبة للكماليات:
الفيفا1500cc : زجاج كهرباء4_ 2مرايا كهرباء_ سنتر _ردايو كاسيت مع 2 سماعة امامية بالباب وفى مكان تركب اتنين فى الخلف_ ساعة رقمية _أر بى أم_ ستوب خلفى_أكر نكل داخلية_فتح الشنطة و تنك البنزين من الداخل

الفيرنا1600cc : زجاج كهرباء4_ سنتر ريموت_ جهاز انذار_ راديو وكاسيت سى دىمع 4 سماعات_اريال كهربائى_ساعة رقمية_ أر بى أم_ ستوب خلفى_ مرايا جانبية بلون السيارة _اوكر نيكل داخلية_ فتح الشنطة و تنك البنزين من الداخل_ أكر خارجية بلون السيارة


يارب بس مكنش نسيت حاجة:smartass:
:victory:

بص يا سيدي انا حاتكلم بالنسبة للفيرنا المصري ال full option الكماليات كالاتي :
طبعا فيها تكييف وباور بالاضافة الي 4 زجاج كهربا وعداد rpm وكاسيت سي دي رودستار (كاسيت تعبان حايحتاج يتغير قريب ) فرش الابواب قماش مع اكر نيكل من الداخل وفيها لمبة ستوب في الخلف وكمان فتح شنطة وتانك من الداخل واريال كهربا ومتهيألي ان موديل 2008 فيها مرايات كهربا بس مش متأكد من الموضوع ده
بالنسة للفيفا ممكن حد من اصحابها يفيدك في كمالياتها

شكراااا يا رجالة جداااا...
بس انا مايل اكتر للفيفا فهل الاخوة لهم ملاحظات عليها ...ارجو النصيحة يا رجالة ضرورى والله

يا رجالة هو الفييفا ديه هى الاكسنت و لا ايه ..؟؟!!!! واضح كده من موقعها...
لانى انا فاكر ان الفيرنا هى الفيفا بس التقفيل هندى ...
ياريت حد من الاخوة يوضح النقطة ديه و يجاوبنى على تساؤلاتى اذا سمحتم...

يا باشا كل العربيات دي اكسنت اساسا ،،

الفيفا اكسنت من 2000 ل 2002

الفيرنا هيا الاكسنت من 2002 ل 2005

النيو اكسنت هيا الاكسنت من 2005 لحد دلوقتي

شكرااا يا احمد بس يعنى ايه من 2000 ل 2002 يعنى موديلها قديم و لا ايه بالظبط...معلش استحملنى شوية ...مفهمتش..و ياريت بما انك عند عربية فيرنا تجاوبنى على باقى اسئلتى و تنصحنى اشترى ديه و لا ديه...

اه موديل قديم ،،

بس يفرق في ايه مقدرشي افتيك غير ان الشكل مختلف

و الموتور 1500 بتاع الفيرنا ال 1500 و بتاع الاكسنت القديمة

هل فيه فرق في عفشة او فتيس أو تفاصيل تانية معرفشي ،،

بس اللي اعرفه انه كان مجرد فيس ليفتد زي مثلا الماتريكس الجديدة و الماتريكس القديمة

يعني مش تغيير جذري

بخصوص انصحك بانه منهم ،،

فمش عارف الصراحة المصري ميزتها في انها منتشرة في فترة طويلة و قطع غيارها رخيصة فوق ما تتخيل و موجودة بكل درجاتها ، و موتور اقوي و اعتقد اعادة بيعها مضمونة جدا

و طبعا عيوبها ممكن تعمل سيرش في المنتدي هتلاقي ما قال مالك في الخمر

الفيفا ميزتها انها مستوردة ، صالونها لونه بيج و افضل شوية من صالون المصري ،

انا شفتها في بورسعيد و دمياط و اسماعيلية عليها اقبال فظيع كتاكسي ،،

و حتي الآن معرفتشي حد اشتكي منها للدرجة ،،


و ربنا يوفقك لما فيه الخير و لا تنسي الاستخارة

ِشكرااااااااااااااااااااا اااا جدااااااااااااااااااااا يا احمد على نصايحك الغالية و معلوماتك المفيدة...

انا مفيش كلام اقوله غير الاخوه قالوه بس احب اضيف حاجه

لو يهمك اوى اوى فرق ال 100 cc فى الموتور اشترى فيرنا

لو عاوز تقفيل نضيف اعطال منعدمه - يدوب صيانه دوريه ومتفرقش معاك الموتور اشترى فيفا تكسب طبعا

اقتباس:

---

المشاركة الأصلية كتبت بواسطة kind

انا مفيش كلام اقوله غير الاخوه قالوه بس احب اضيف حاجه

لو يهمك اوى اوى فرق ال 100 cc فى الموتور اشترى فيرنا

لو عاوز تقفيل نضيف اعطال منعدمه - يدوب صيانه دوريه ومتفرقش معاك الموتور اشترى فيفا تكسب طبعا

---

كلام سليم مية فى المية

فيرنا فيفا تكسب وعن تجربة

:auto:

viva better than verna