اللى حصل يا رجاله واحد صديقنا هنا عربيته اتسرقت يوم الجمعه اللى فاتت من تحت البيت

الراجل يعنى مقولكوش نفسيته كانت عامله ازاى

المهم قعد يلف على العربيه فى المنطقه لقاها يوم السبت 4 عيال راكبينها و عمالين يلفوا بيها

لاقاهم واقفين عند كشك بيشتروا حاجه

من غبائه طلع جرى عليهم العيال خافت و جريت

المفروض انه يقطرهم لحد ما يعرف العربيه بتتركن فين و بعدين يروح ياخدها

بس تعمل ايه الراجل صارف دم قلبه على العربيه

يوم الاحد ( أمس )

لقا العربيه تحت البيت و هو راجع من الشغل تقريباً العيال خافت او كانوا بيقضوا بيها مصلحه او بيقلبوا حد بيها و بيتاجروا فى المخدرات

لان الشخص ده لما شافهم بيقولى اشكالهم تجار مخدرات

العربيه راجعه الحمد لله و الشكر لله ناقصه نضاره شمس و ناقصه الاكصدام الخلفى تقريبا اتحشر فى حاجه و خلعوه

و الله يا رجاله الواحد كان عامل خطه كده نحاول نرجع بيها العربيه

بس ربنا مبيضيعش حق حد لان الراجل صارف اللى وراه و اللى قدامه على العربيه و مش مخليها محتاجه اى حاجه فى الدنيا و بيحرم نفسه علشان العربيه تبقى كويسه

ياريت كلنا نحافظ على عربياتنا كويس اوى و ياريت نركنها قدام حد فاتح مثلا 24 ساعه

لو مش قادر ادفع فلوس الجراج كل شهر او اقولكوا تعملوا ايه بس فى مقابله لان الكلام ده مينفعش يتكتب على النت حاجه بسيطه هتعملها و يبقى ييجى بقا البيه الحرامى يورينى هيدورها ازاى

و ربنا يكفينا شر الطريق و السرقات و ربنا يسترها علينا جميعاً

تحياتى

^_^