إزاى أزود ال hp لموتور 2e ؟؟
[OVERLINE]
السلام عليكم :)
انا جديد فى المنتدى هنا وإشتركت بعد ما إستفدت بجد إستفاده رهيبه من خبرة الأعضاء بالمنتدى
انا بعشق العربيات والسرعه بس للأسف خبرتى الميكانيكيه زيرو :(
انا إشتريت سيات إبيزا موديل 94 وجبتلها موتور 2000 2E بس عايز أرفه ال HP بتاعه .. أعمل إيه ؟
انا غيرت ماسورة الشكمان بدل 1 بوصه خليتها 2 بوصه وجبت علبة Devil كويسه بروحين
وطقم بوجيهات NGK بلاتينيوم بس أسلاك البوجيهات عاديه
ممكن تقوليلى ممكن أعمل إيه أزود بيه ال HP للموتور مع الشرح
يعنى مثلا تقولولى حط كذا وده بيزود HP قد كذا
بس بلاش حد يقولى تيربو بعد إذنكم علشان عرفت إن مشاكله كتير وصاريفه مش بتخلص .. والعربيه دى الحمد لله خلتنى عالجنط :)
انا أسف عالتطويل بس انا إكتشفت إن الناس هنا عاملين زى vin diesel فى سلسلة أفلام Fast :D
تم نقلة لقسم سيات .
تسلم ياباشا الرد الحلو ده
اقتباس:
المشاركة الأصلية كتبت بواسطة ahmedeihab
خلاصه الكلام بالبلدى كده
نظام دخول هوا رياضى محترم يكون اصلى ( يعنى فلتر بالماسوره بتاعته )
نظام خروج هوا محترم و علبه شكمان اصليه حلو المواسير ال 2 بوصه عليها و تشيل كل العلب اللى فى النص ( يعنى بدون اى عوائق )
سلوك بوجيهات رياضيه بجانب بوجيه رياضى زى اللى انت مركبه ده
الكلام ده كله هيعمل معاك 10 حصان فرق
الكلام ده ممكن يكلفك حوالى 1000 جنيه
بس العربيه هتبقى حاضره معاك على طول يعنى دوسه البنزين جاهزه
اكتر من كده يبقى هتفتح معاك انا بكلمك على قد فلوسك
لما الدنيا تظبط معاك
تبقى تجيب
طرومبه بنزين سبور
كامتين سبور
طقم رشاشات سبور
chip للكونترول
تعمل تتوينه للكونترول علشان تدخل هوا و بنزين اكتر
الكلام ده هيكلفك حوالى 8000 جنيه
و الكلام ده بردو هيبقى فى حدود ال 35 حصان مع ال 10 الاولانيين يبقى وصلنا ل 45حصان
بس الاهم تعديل الفرامل
يعنى كل ما تزود الحصان بتاع العربيه
لازم تركب نظام فرامل اكبر علشان تقدر توقفها
و اظن الاداء ده هيبقى زى الفل على الابيزا :36_1_34[1]:
تحياتى
^_^
تسلم ياباشا عالرد الجامد ده .. هو الطرمبه بتاعة البنزين إللى عندى كهرباء .. دى مختلفه عن الطرمبه الإسبور ؟
تنصحنى بفرامل إيه كويسه وتبقى حنينه فى سعرها .. تغيير الفرامل ده يعنى تغيير الطنابير ولا التيل ولا الإتنين ؟؟
العلبه الوسطانيه انا حاططها علشان تخف صوت الديفيل شويه علشان ميبقاش عالى أوى
أما بالنسبه للرشاشات والكامتين وال Chip Control .. دول لازم يتجابوا مره واحده ؟ ولا ممكن أركبهم حاجه حاجه ؟؟
شكرا ياأحمد باشا ومعلش بقى لو سألتك تانى .. انا طمعان شويه فى خبرتك :)