الموضوع: استفسار بخصوص البنزين

كيا كارينز الأفضل ليها بنزين 92
وتدخل عادى جداً تدخل على البنزينة ناحية الطرمبة اللى مكتوب عليها بنزين 92 أو 90 زى ما تحب وهى فرقها بسيط 10 قروش فى اللتر 175 و 185 قرش للتر وتخلى طربمة البنزين ناحية الجنب اللى فيه غطاء تانك البنزين .
ويا إما تقوله فول التانك أو الأفضل ( وأنا شخصياً بعمل كده ) تديله مثلاً 10 أو 20 أو 30 جنيه ( حسب كمية البنزين اللى العربية محتاجها ) وهو يحطلك بالمبلغ بنزين .
ليه بقى ؟ لآن عمال البنزينة لازم يعمل كسر فى عدد اللترات يعنى مثلاً 10.6 لتر عشان يحسابك على 11 لتر وياخد الباقى ليه وعليه ممكن لو قلت ليه فول يفضل يضخ بنزين عشان يكسر الواحد الصحيح ولو حيكب بنزين على الأرض لكن لما تديله مبلغ هو بيظبط نفسه يعنى مثلاً لو أديته 10 جنيه بيحط بنزين ب 9.50 جنيه

المشاركة الأصلية كتبت بواسطة mahmoud85

مانت لو عطيته 20 هيحط ب 19 وياخد الباقي هي هي يعني وبعدين دول ناس غلابه انا بديله جنيه لوحده بعيد عن الحساب
وبقف لحد ما اخد فلوسي وبقوله فاضل كذا واخدهم واديله انا بقا جنيه

مش القصد والله ياخد اللى ياخده بس إنه يحط بنزين لحد ما يقع على الأرض فده بيأثر على دهان العربية وكمان من المعروف إن البنزين ليه بخار فلما تملى التانك للزور مش بيبقى فيه مجال للبخار إنه يتمدد فى التانك ودا خطر جداً وفى الحر قد يؤدى إلى إنفجار التانك لا قدر الله