هو ايه الفرق بين فيرنا وفيرنا ستار يا جماعه
عرض للطباعة
هو ايه الفرق بين فيرنا وفيرنا ستار يا جماعه
اسبويلر وشبكه اماميه
السلام عليكم
خلاص بقيت فيرناوي
بس سؤال
انا حاسس ان العربية خفيفة جدا وخاصة انا شغلي لازم اسافر على طول يعني بعد المائة بحس انها بتعوم ويا سلام لو عديت من جنب تريلا او اتوبيس أحس اني في الملاهي يا تري الكلام ده عادي وأعمل إيه لو مش عادي؟؟؟
شكراً
السلام عليكم
اخوكم أحمد عضو جديد معاكم انا معايا فيرنا 2003 من اول 200 سيارة كورى دخلت مصر رقم 51 من المصنع تأفيل كورى
لسة شريها وبعملها دورة الصيانة المعتادة من سيور
ألان شوية من تغيير سير الكتينة اصل العربية بسم الله ماشاء الله زى الساعة خايف اغيرة يحصل حاجة فى تقسيمة العربية بس لازم اغيرة اعمل إية ارجو الافادة
النور الواطي بتاع كشاف الفيرنا 2014 مش بيوضح اي حاجه علي الطريق خالص هو بالعافيه بينور 3 متر والباقي بيبقي الخط المايل ال بيعمي بس ايه الحل؟؟؟؟؟؟؟؟؟؟
السلام عليكم
1- ممكن يكون عاوز ريجلاش
2-ممكن تكون محتاج تغيير اللمبات الى نوع اقوى مثل فيليبس او اوسرام الالمانى او تنجسرام
فى لمبات فيلبس دارك نايت 90/100
هتلاقى انواع نفس الوات 55/60 ودى بتركب من غير كتاوت تقوية ودى انا مركبها
ولو جبت 200/260 وات يبقي لازم كتاوت تقوية عشان دراع النور ميتحرقش
يارب اكون افدتك
وشكرا
اشكرك جدا جدا جدا لأنك افدتني ولكن عايز اعرف ايه هو الريجلاش والكتاوت ديه
فيرنا 2010 كاملة مانيوال خليجي
لو سمحتم عندي مشكلة كبيرة في الفيرنا مش لاقي لها حل ........... بعد استخدام السياره و تركها نص ساعه مثلا لا تدور من غير زقه و الكلام ده مش بيحصل الا في الوقت ده بس و لمدة ساعه و لو استنيت السيارة تبرد شويه زيادة حوالي ساعتين كدة حتدور عادي من غير اي مشكلة ................................................. ارجو الافادة
لا شكر على واجب
الريجلاش ده اللى بيظبط مساحة الاضاءة ع االارض العالى والواطى
هتفتح الكبوت هتلاقى فوق الفانوس فتحة صغير هتحط مفك بورمة هتلف يمين او شمال هتلاقي النور مسافته بتتغير معاك
لو مش هتعرف لها الافضل تروح لكهربائي يظبطلك كل ده ومش هتتكلف كتير ممكن 10 ج بالكتير
وموضوع الكتاوت ده فى حالة لو هتحط لمبات واتها عالى 200/260
او لو عاوز تحافظ على قوة النور وتحمله ممكن تعملها برده