صيانة 1000 للقشقاى فى يونيتد جروب
السادة الصقور المحترمين كل عام و الجميع بخير
ذهبت امس لعمل صيانة ال 1000 للقشقاى فى يونيتد جروب وهذا تقرير مفصل عن الصيانة
- قابلت مهندس الاستقبال و اخبرتة انى حاجز ميعاد صيانة الساعة 2.30 ظ و عندى بعض الملاحظات و الاستفسارات فقعد معايا و كتب الملاحظات وهى صوت ونة فى الماتور - تفعيل السنتر - صوت الزجاج عالى عند الفتح او الغلق العفشة ناشفة و بتدب - النور الواطى عايز يظبط -مع تغيير زيت الماتور وعمل الصيانة العادية
فقام و استلم منى العربية و قالى انى هستلمها بعد 2 ساعة و فعلا انتظرت الساعتين فى استراحة شيك و مكيفة لكنها لا تكشف صالة الصيانة و بعد ساعتين ابلغنى المهندس ان العربية خلصت وممكن استلمها وقالى انة لا يوجد ونة و ان الماتور كويس جدا و العربية 100% و تم تشحيم الزجاج و ظبط الكاوتش و النور --اما السنتر مينفعش يبقى مع الفرامل وكمان مينفعش تتحكم فية من جوة بمعنى مينفعش تقفل اللوك للبيبان كلها و انت جوة العربية - ماشى استلمت العربية ومشيت لقيت الونة زى ماهى و النور زى ما هو و صوت الزجاج عالى على الرغب من انهم بهدلو اللزجاج بالشحم و مش شايف حاجة منة وزاد و غطى مرحلة الغسيل للسيارة سيئئئ - و النتيجة انى قررت مش هروح التوكيل دة تانى
-سالت عندهم على الانزارووحدات الرفع فقالوا ان نيسان منعة تركيب الانزار و لو ركبتة برة تخرج الضفيرة من الضمان
سالت مودرن سيرفس فقالوا انهم بيركب الانزار ب1350- وحدات الرفع و السنسور ب 780
اية رايكم اركبهم و للا و هل اركبهم برة و خلاص
