الموضوع: إستفسار مكرر عن لانسر 98

بسم الله الرحمن الرحيم
السلام عليكم ورحمة الله وبركاته
يا شباب المنتدى الكرام و وحوش الكرستاله
انا معايا لانسر 98 ، بجد مهما قولتلكو بحبها قد إيه مش هوصف صح
المهم ، انا عندى تجديد فى شهر 8 ، فقررت طبعاً أعمل السمكره و الدوكو ، بس قررت كمان أدلعها صح
قررت شراء طقم سيرفيس كامل من سيور ، فلتر زيت و بنزين ، بوجيهات ، تيل فرامل امامى و خلفى ، غسيل رادياتير ، تنظيف كاربيراتير ، تغيير وش غطاء التاكيهات ،تغيير لمبات الفوانيس الأمامية بلمبات ليدات .تركيب رنجات للفوانيس ، و حتى هجيب فرد كاوتش جديده

هل فيه حاجه تانيه يفضل عملها علشان العربية أداءً و شكلاً تبقى مضبوطة ؟
حاجه كمان ، انا لسه مغير عفشه كاملة من سنه و جايبها جديدة زيرو ، من شهر حسيت بتقل سيكا كده فى الدركسيون ، العفشجى قاللى حرام تجيبلها عفشة جديدة ، لازم إستيراد ، و طلب منى مساعدين إستيراد و علبة دركسيون و قواعد موتور !!!!!! ، الكلام ده صح ولا إشتغاله و أهى سبوبه ليه ؟

بجد أعتذر لو طولت ، بس ما صدقت لقيت ناس فاهمه زيكوا أستشيرهم

ايه يا شباب ؟؟ ولا رد نهائى ؟؟؟؟