يوم الجمعه وانا رايح مشوار لمبة الاعطال نورت وقفت وفتحت الكبوت مش لاقي اي مشكله دورت العربيه دارت واللمبه طفت .
يوم السبت نفس القصه تاني .
تمام نيجي للمفيد بقي .............
العربيه عندي جيت ادورها امبارح قعدت ترعش جامد بقيت ازودلها بنزين وادوس علي الدواسه بتزود بالعافيه بطلت ودورت نفس المشكله برده .
بطلت العربيه وجيت ادور تاني حلفت مدور ...... ولاحظت انه الزنه بتاعت طرمبة البنزين مش موجوده (مع اني كنت سامعها الصبح مع اول تدويره ) حاولت يمين شمال مفيش .
فكيت الفلتر وطلعت خرطوم البنزين و فتحت كونتاكت و قعدت ادور وكان معايا جاري قلتله شوف الخرطوم حيرمي بنزين ولا لأ مفيش بنزين بيطلع من الخرطوم ...
قلت يبقي الطرمبه رفعت الكنبه واديتها تخبطيتين فوق الطرمبه وقعدت اجرب ادور مفيييش ....
فتحت علبة الفيوزات اللي عند الموتور دورت علي فيوز الطلمبه اسمه fuel pump لقيته سليم ولقيت حاجه تاني اسمها relay pump بدلتها بواحده زيها وجربت نفس المشكله........
توكلت علي الله وقلت يبقي طرمبه وكمان العوامه عندي كانت بتهييس في النص التاني فقلت اجيب الطرمبه كامله بالعوامه .....
وبعد الفحص والبحث والتمحيص في المنتدي لقيت الافضل اجيبها جديده جي ام اصلي رحت التوفيقيه وجبتها من عزيز سليمان وعلي كلام الاعضاء دوة شبه توكيل يعني وفعلا جبتها منه جي ام اصلي وجبت كمان فلتر 550 +45 ..........
وركبتها بمساعدة الشروحات الموجوده وتركيبها سهل اصلا .........
المفاجأه العيب هوووووووووووووووووووووووو ووووووووه هوووووووووووووووووووووووو ووووووووه
انا لبست في الحيط ولا أيه .........
مستني الرد ارجوكم ايه اللي ممكن اعمله احسن انا في منطقه مفيهاش كهربائي قريب عنده كمبيوتر علشان اكشف علي العربيه ..... حتي الميكانيكي اللي بتعامل معاه في امبابه وانتم عارفيين لو بعت جبته حدبح وكفايه اللي ادفع ........
ملاحظات بسيطه الموبينه لقيتها مشروخه وده شيء جديد والفلتر كان مطلع بلاوي سوده لما فكيته ممكن يكون علشان لسه حاطط stb قريب .........