بي ام دبليو قديم ولا سيتروين ax ولا 128

السلام عليكم

طلب مساعدة منكم لو سمحت

انا قدامي 3 عربيات والتلاته بنفس السعر تقريبا ومحتار حيرة التنين وطالب مساعدتكم

العربيات هي:-
1- 128 موديل 1990 مسقط موتور ريجاتا وتابلوه اوبل كورسا ومظبط العربية جامد قوي .. بس راشش جوا عشان كانت لونها ابيض ومغيره لونها -علي كلام صاحبها-
2-بي ام دبليو موديل 1980 والعربيه كويسه ومش محتاجه اي مصاريف خالص ومجهزه تكييف وزجاج كهربا وكده
3-سيتروين ax موديل 1998 وعربية كويسه برده بس محتاجه شوية مصاريف خفيفه تظبيط للصالون بس مش اكتر

انا عن نفسي بميل للسيتروين عشان موديل حديث نوعا ما ومش قلقان من قطع غيارها ولا ميكانكيتها ولا حاجه عشان سالت وعرفت عنها كل حاجة
ومش بحب ال128 خالص بس هيا متظبطه وشكلها حلو بس في الاخر 128 برده
والبي ام دبليو بقي عربية مفيش عليها كلام بس معرفش حاجه عن قطع غيارها وكده

ياريت اسمع رأيكم

ابعد عن ال 128 دى ومتجبشى حاجه راشه دواخل مهما حصل خاصه ان ال 128 الشاسيه بتاعها ضعيف جدااا ومبيستحملشى موتور 1300 سىسى وعلى طول بيتشرخ فبالك بقى بموتور ريجاتا 1500 سىسى

يالنسبه للبى ام حلوه واسمها شارك او e21 عيبها الوحيد قطع غيارها خاصه فى الاكسسوارات تقدر تقول اسسواراتها ززى الشبكه الاماميه والفوانيس وغيره اغلى مس سعر قطع غيار واكسسوارات العربيات العاديه ب 10 اضعاف لدرجه ان الشبكه الاماميه بتاعتها لو اتكسرت هتجبها ب 700 جنيه والله حراام جحدددداااااااااااا وغير كدا استهلاكها للبنزين عالى اوى

بالنسبه للاستروين هى احسن حاجه فى اللى انت قولتهم هى عيبها الوحيد لو مشيت مسافات طويله فى جو زى صيف مصر ممكن تسخن يعنى لو هتسافر بيها من القاهره للاسكندريه لازم تريحها ولازمها تخلى بالك من الميه بتاعتها بس بالنسبه لعزمها حلو لان موتورها 1400 سىسى بيتركب عليه تكيف وجسمها صغير فالموتور حلو على جسمها مبيتعبشى لو مشغلتش التكيف بس سرعتها التوب معتقدشى هتقدر تعدى بيها ال 120 ده لو جابتهم اصلا

انا من راى دور على ابيزا سيستم بورش موديل 89 90 91 92 او واحده من دول وبنفس السعر او لادا سمارا لو مش بتحب االجرى وهى تعتبر زى الستروين AX او شوف بيجو 205 وفى رجاتها بنفس السعر واحسن من 128

والله يا باشا انا حقولك على اللى اعرفه انا ركبت ax سنين4 وكنت مبسوط منها جدا ومظبطها وعمرها مزعلتنى وكبرتها بعد كده بال zx وشايف ال27 وال28 من افشل العربيات والاختيار ليك

اقتباس:

---

المشاركة الأصلية كتبت بواسطة nesr6060

بالنسبه للاستروين هى احسن حاجه فى اللى انت قولتهم هى عيبها الوحيد لو مشيت مسافات طويله فى جو زى صيف مصر ممكن تسخن يعنى لو هتسافر بيها من القاهره للاسكندريه لازم تريحها ولازمها تخلى بالك من الميه بتاعتها بس بالنسبه لعزمها حلو لان موتورها 1400 سىسى بيتركب عليه تكيف وجسمها صغير فالموتور حلو على جسمها مبيتعبشى لو مشغلتش التكيف بس سرعتها التوب معتقدشى هتقدر تعدى بيها ال 120 ده لو جابتهم اصلا

---

لا العيب ده مع الرداتير بتاعها انا كنت مركب رداتير نحاس عليها كانت سخونتها زى الفيات 70 وبالتكييف 80 بعد ما كانت 90 و95 ومن قوه الموتور مفيش فرق فى السحب مع التكييف
والسرعه انا كنت بخاف اعدى ال140 لاكن هى اخرها كام مجبتش اخرها الكلام من خبره 4 سنين معاها اهم حاجه الحاله السليمه

اقتباس:

---

المشاركة الأصلية كتبت بواسطة nesr6060

ابعد عن ال 128 دى ومتجبشى حاجه راشه دواخل مهما حصل خاصه ان ال 128 الشاسيه بتاعها ضعيف جدااا ومبيستحملشى موتور 1300 سىسى وعلى طول بيتشرخ فبالك بقى بموتور ريجاتا 1500 سىسى

يالنسبه للبى ام حلوه واسمها شارك او e21 عيبها الوحيد قطع غيارها خاصه فى الاكسسوارات تقدر تقول اسسواراتها ززى الشبكه الاماميه والفوانيس وغيره اغلى مس سعر قطع غيار واكسسوارات العربيات العاديه ب 10 اضعاف لدرجه ان الشبكه الاماميه بتاعتها لو اتكسرت هتجبها ب 700 جنيه والله حراام جحدددداااااااااااا وغير كدا استهلاكها للبنزين عالى اوى

بالنسبه للاستروين هى احسن حاجه فى اللى انت قولتهم هى عيبها الوحيد لو مشيت مسافات طويله فى جو زى صيف مصر ممكن تسخن يعنى لو هتسافر بيها من القاهره للاسكندريه لازم تريحها ولازمها تخلى بالك من الميه بتاعتها بس بالنسبه لعزمها حلو لان موتورها 1400 سىسى بيتركب عليه تكيف وجسمها صغير فالموتور حلو على جسمها مبيتعبشى لو مشغلتش التكيف بس سرعتها التوب معتقدشى هتقدر تعدى بيها ال 120 ده لو جابتهم اصلا

انا من راى دور على ابيزا سيستم بورش موديل 89 90 91 92 او واحده من دول وبنفس السعر او لادا سمارا لو مش بتحب االجرى وهى تعتبر زى الستروين ax او شوف بيجو 205 وفى رجاتها بنفس السعر واحسن من 128

---

انت راجل زي الفل والله وجبت الخلاصه من الاخر
بس انا مش حابب الابيزا الموديل ده .... بحب الابيزا من اول 1994 .... والبيجو صغيرة وملقيتش عربية نضيفة خالص

انا كده دلوقتي المقارنة بين الشارك والسيتروين

اقتباس:

---

المشاركة الأصلية كتبت بواسطة rotanamasoud

والله يا باشا انا حقولك على اللى اعرفه انا ركبت ax سنين4 وكنت مبسوط منها جدا ومظبطها وعمرها مزعلتنى وكبرتها بعد كده بال zx وشايف ال27 وال28 من افشل العربيات والاختيار ليك

---

انت من الناس اللي مخلياني عايز اجيب السيتروين علي فكرة :)

انا متابع لمنتدي الستروين وعرفت كل حاجه عن العربية منكم

نصيحة مني ماتجبش ولا وحده في 3
اولآ 128 رشه وكمان عيوبها بتشرخ شاسية وكمان فجئة وانتا ماشي ماتفهمش العربية بتتشقلب لو حدها ابعد عنها احسن
نمرة 2 البي ام الشارك عربية جميلة جدآ وكانت معايه عربية في الثبات حدث ولا حرج وقوة الصاج والماتور قوي جدآآ وعربية جميلة بس قطع غيارها استيراد ومش هتلقيها متوفرة هتعزبك
اما نمرة 3 ستروين نصيحة السوق المصري غير معترف بيها ليه تجيب عربية تتمني تبعها بي اي سعر يجلك فيها والله اعلم بي مشاكلها ايه لي ان الناس غير متابعه لي الستروين
نصيحة اصبر شوية وجمع قرشين حلوين واركب حاجة حلوة بس ماقولتش انتا معاك كام اصلآ علشان ممكن الاعضاء ترشحلك حاجة افضل ؟
انا شايف ومن وجه نظري في عربيتن افضل من الي ذكرتهم وهم بيتلز وجولف 1 هتلقي فيهم حالات حلوة وقطع غيارهم منتشرة وكل الميكانكية بتوعها في جسر السويس ولك حرية الاختيار

اقتباس:

---

المشاركة الأصلية كتبت بواسطة mahmoud_anwar

نصيحة مني ماتجبش ولا وحده في 3
اولآ 128 رشه وكمان عيوبها بتشرخ شاسية وكمان فجئة وانتا ماشي ماتفهمش العربية بتتشقلب لو حدها ابعد عنها احسن
نمرة 2 البي ام الشارك عربية جميلة جدآ وكانت معايه عربية في الثبات حدث ولا حرج وقوة الصاج والماتور قوي جدآآ وعربية جميلة بس قطع غيارها استيراد ومش هتلقيها متوفرة هتعزبك
اما نمرة 3 ستروين نصيحة السوق المصري غير معترف بيها ليه تجيب عربية تتمني تبعها بي اي سعر يجلك فيها والله اعلم بي مشاكلها ايه لي ان الناس غير متابعه لي الستروين
نصيحة اصبر شوية وجمع قرشين حلوين واركب حاجة حلوة بس ماقولتش انتا معاك كام اصلآ علشان ممكن الاعضاء ترشحلك حاجة افضل ؟
انا شايف ومن وجه نظري في عربيتن افضل من الي ذكرتهم وهم بيتلز وجولف 1 هتلقي فيهم حالات حلوة وقطع غيارهم منتشرة وكل الميكانكية بتوعها في جسر السويس ولك حرية الاختيار

---

الف شكر لحضرتك
بس صعب قوي حوار البيتلز ده
وبالنسبة لميكانيكة الشارك او السيتروين مش قلقان منهم .... في صقر قريش عندنا في المعادي موجودين
وقطع غيار السيتروين مليانة ومش غالية ولا حاجة
انا اللي مقلقني قطع غيار الشارك بس .... خايف اجيبها وتعذبني

b m w