| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 4 1 2 3 4 الأخيرةالأخيرة
النتائج 1 إلى 10 من 32

  1. #1

    الصورة الرمزية MohammedAladel

    رقم العضوية : 120598

    تاريخ التسجيل : 17Feb2012

    المشاركات : 7,632

    النوع : ذكر

    الاقامة : المنيا

    السيارة: لا يوجد

    السيارة[2]: Megane II 2007

    دراجة بخارية: عجلة فاين آند فاين

    الحالة : MohammedAladel غير متواجد حالياً

    افتراضي فك علبة فيوزات ميجان بالتفصيل بالصور - Facebook Twitter whatsapp انشر الموضوع فى :

    hasad">

    السلام عليكم

    سمعت كتير عن علبة فيوزات ميجان وإنها صعبة ومش أى حد يعرف يشتغل فيها و... و...و .... حصلت مشكلة عندى فى العربية قلت جايز يكون العيب من علبة الفيوزات وفكيتها وتعرفت عليها بالكامل ... والعيب واضح إنه مش منها
    أهم حاجة أنا هشرح طريقة فكها بنفسك وهى سهلة إن شاء الله

    بالنسبة لميجان نزلت بنوعين من علب الفيوزات نوع نزل فى عربيات 2005 و 2006 ونوع ابتدى ينزل من أواخر 2006 وانت طالع بقى

    العلبة القديمة ظهر فيها بعض المشاكل من سيحان الفيش أو انصهار بعض التراكات فى ظهر ال Mother board بتاع ال upc اللى هى علبة الفيوزات نفسها

    وأنا شايف دا بسبب رداءة الموصلات بتاعتها مكنتش بتستحمل الحمل فكانت بتسيح وتخلى الفيش تسيح

    عشان كدا عالجوها ونزلوا العلبة الجديدة فى 2007 ..... ودى مشاكلها قليلة جدا .... زى اللى عندى فى العربية اللى أنا فكيتها

    طبعا فيه فرق بين العلبتين سواء فى الفيوزات اللى فيهم أو الفيش بتاعتهم أو حتى المظهر بتاعهم
    العلبة القديمة لونها أسود بالكامل والجديدة ضهرها اللى هو الغطاء بتاعها لونه أسود وهى نفسها لونها أبيض

    زى ما قلت طريقة الفك واحدة لكن تقسيمة العلب مختلفة

    وبما إنى اللى عندى العلبة الجديدة فأنا برضه جبت للناس اللى عندهم علب قديمة صورة للعلبة نفسها وصورة للخريطة بتاع الفيوزات بتاعها واستخدام كل فيوز قبل ما نبدأ موضوع الفك لكن تابعوا معايا الفك لأنه نفس الخطوات ......ممدوح قال لى ان العلبة القديمة مكسيكية الصنع
    دا شكل العلبة القديمة
    Uploaded with ImageShack.com
    ودى الخريطة بتاعتها مكتوب عليها أرقام الفيوزات ... والعلبة نفسها بيبقى مكتوب عليها الرقم برضه جنب كل فيوز
    Uploaded with ImageShack.com
    ودا شرح وظيفة كل فيوز منهم ورقم أمبيره
    Uploaded with ImageShack.com
    تمام قوى
    نبدأ الفك

    مبدئيا هنحتاج طقم ألانكيه نجمة
    نفصل قواطش البطارية السالب أولا ... أنا خلعت الغطاء الأحمر اللى مغطى فيوزات البطارية فى الناحية الموجب وحطيته تحت القاطش السالب بعد ما فكيته عشان أعزله بعدين فكيت القاطش الموجب
    Uploaded with ImageShack.com
    فى الصورة السابقة علبة الفيوزات تقع يمين البطارية وليها مسمارين زى ما إحنا شايفين بيتفكوا بألان كى نجمة نفكهم
    بعدين نخلع الحتة الفبر دى عشان نعرف نخلع الغطاء بتاع العلبة اللى فيكنا مساميره
    Uploaded with ImageShack.com
    بعد ما خلعنا الغطاء هنلاقى فيشتين من فوق أهو
    الفيشتين دول يخصوا الإضاءة بتاع العربية
    Uploaded with ImageShack.com
    بعدين نفك البطارية بتبقى متثبتة بمسامر نجمة وحتة حديد زانقاها فى قاعدة البطارية
    دا المسمار نفكه ونطلع البطارية ونحوش الحتة الحديد ونشيل البطارية من مكانها
    Uploaded with ImageShack.com

    بعدين هنفك قاعدة البطارية زى ما أحنا شايفين فى الصورة ليها 3 مسامير ألان كي نجمة هنفكهم
    Uploaded with ImageShack.com
    Uploaded with ImageShack.com

    بعدين هنفك صامولة 10 بمفتاح بيبة اللى ماسكة ضفيرة الكهرباء فى قاعدة البطارية أنا صورتها وانا حاطط فيها المفتاح البيبة عشان تبان لان المسمار صغير
    دا مكانه وفيه مكان لصامولة 10 تانى مشاور عليها برضه بالأحمر نفكها ونطلع الضفيرة من مكانها فى القاعدة ونربط الصواميل مكانهم عشان مننساش حاجة ولا حاجة تضيع
    Uploaded with ImageShack.com
    Uploaded with ImageShack.com
    هنحتاج نفك كابل من القاطش الموجب وواحد من القاطش السالب عشان نطلع القاعدة بسلاسة والكابلات متزنقناش
    فى الصورة دى مشاور على الكابلات اللى هنفكها
    Uploaded with ImageShack.com

    سبحان الله والحمد لله ولا إله إلا الله ولا حول ولا قوة إلا بالله العلى العظيم


  2. #2

    الصورة الرمزية MohammedAladel

    رقم العضوية : 120598

    تاريخ التسجيل : 17Feb2012

    المشاركات : 7,632

    النوع : ذكر

    الاقامة : المنيا

    السيارة: لا يوجد

    السيارة[2]: Megane II 2007

    دراجة بخارية: عجلة فاين آند فاين

    الحالة : MohammedAladel غير متواجد حالياً

    افتراضي -

    نروح للقاطش الموجب ونفك الصامولة اللى مشاور عليها بالأحمر عشان نهوى الفردتين اللى راكبين عليها عشان لما نيجى نطلع القاعدة السلوك متغلسش عليك ... ونربط الصامولة تانى مكانها هما بيبقوا كابلين تحت بعض Uploaded with ImageShack.com
    نفس الكلام نخلع الكابل دا من القاطش السالب ونربط الصامولة مكانها عشان متضيعش
    Uploaded with ImageShack.com


    بعدين نفك مسمار 10 فى المكان دا اللى رابط الكنترول فى القاعدة
    Uploaded with ImageShack.com
    هنشد الكنترول لفوق ونطلعه فيه 3 فيش نفكهم من على الشمال نشوف الموضوع دا أحسن

    http://www.nilemotors.net/Nile/329249-a.html
    بعد ما فكينا فيش الكنترول زى ما الموضوع شارح بالضبط وحفظنا كل فيشة ومكانها
    نطلع الكنترول برا
    Uploaded with ImageShack.com
    نطلع القاعدة من مكانها ودا المنظر
    Uploaded with ImageShack.comنرجع تانى لفيش النور اللى ذكرناها فى أول الموضوع
    Uploaded with ImageShack.com
    نطلع الفيشة البيضاء الكبيرة فيه لسان فى الغطاء الاسود شابكة فيه نرفعه حاجة بسيطة بإيدنا ونشدها هتطلع
    وفكها ظريف جدا ..... بيبقى فيه حتة من على الجنب مربعة بتشدها اثناء الشد بتلاقى الفيشة طلعت من بيتها
    مشاور عليه بالأحمر
    Uploaded with ImageShack.com
    Uploaded with ImageShack.com
    الفيشة التانية الرمادى بتبقى فيها كلبسة بنضغط عليها ونفكها من بعضها وبتبقى داخلة فى مجرى ليها مثبتها على العلبة من فوق بنشدها بتتخلع معانا

    عشان نفك العلبة نفسها بيبقى فيه المسمار ال 13 دا هحتاج بيبة أو مفتاح 13 عشان نفكه
    Uploaded with ImageShack.com
    غلبنى جدا كان صعب جدا فى فكه ماسك بطريقة غبية المشكلة أن الحتة اللى راكب فيها بقت تنحنى وأنا بفك وهو مش راضى يتفك ! جبت ولاعة سخنته بتاع 5 دقايق لولا رضى يفك طبعا بحذر شديد عشان الأجزاء البلاستيك ........ على العموم المسمار دا بيبقى راكب تحته كابل برضه وهو موصل بين علبة الفيوزات وبين الكام فيوز اللى برا العلبة تحتها هنشوفهم لما نفك دلوقت
    بعدين هنشد العلبة بطريقة أفقية هتطلع معانا
    Uploaded with ImageShack.com

    سبحان الله والحمد لله ولا إله إلا الله ولا حول ولا قوة إلا بالله العلى العظيم


  3. #3

    الصورة الرمزية MohammedAladel

    رقم العضوية : 120598

    تاريخ التسجيل : 17Feb2012

    المشاركات : 7,632

    النوع : ذكر

    الاقامة : المنيا

    السيارة: لا يوجد

    السيارة[2]: Megane II 2007

    دراجة بخارية: عجلة فاين آند فاين

    الحالة : MohammedAladel غير متواجد حالياً

    افتراضي -

    يتبع

    سبحان الله والحمد لله ولا إله إلا الله ولا حول ولا قوة إلا بالله العلى العظيم


  4. #4

    الصورة الرمزية dedo_ryo

    رقم العضوية : 129788

    تاريخ التسجيل : 29Sep2012

    المشاركات : 532

    النوع : ذكر

    الاقامة : ِِAlexandria,Egypt

    السيارة: Megane II 06

    السيارة[2]: بيجو 405- 307SW

    الحالة : dedo_ryo غير متواجد حالياً

    افتراضي -

    الله العلبه بتاعت ال 2007 حلللللللللللللللللللللللل لللللوه اووووووووووووووي
    ده احنا اللي عندنا عايزه الحرق " هي كده كده بتتحرق لوحدها "
    الله ينور يا محمد و عقبال باقي الصور و طمني عليك

    مصري و أبتكر


  5. #5

    الصورة الرمزية MohammedAladel

    رقم العضوية : 120598

    تاريخ التسجيل : 17Feb2012

    المشاركات : 7,632

    النوع : ذكر

    الاقامة : المنيا

    السيارة: لا يوجد

    السيارة[2]: Megane II 2007

    دراجة بخارية: عجلة فاين آند فاين

    الحالة : MohammedAladel غير متواجد حالياً

    افتراضي -

    عشان نطلع العلبة بيبقى فيها شوية فيش 7 فيش لازم يتفكوا

    Uploaded with ImageShack.com
    Uploaded with ImageShack.com
    كل فيشة من دول ليها مشبك أو ودان ينضغط عليه بأى حاجة ونفك
    أنا كنت بضغط بمفك واخلع الفيشة
    Uploaded with ImageShack.com

    Uploaded with ImageShack.com
    بس ناخد بالنا من الفيشيتين اللى فى الصورة زى دى لأنهم زى بعض فى المقاس فنحفظ أماكنهم كويس عشان محدش يركب واحدة مكان التانية بالخطأ
    اللى من برا لونها اسود جنب الحتة الحديد اللى فيها صامولتين راكبين واللى من جوا لونها رمادى

    Uploaded with ImageShack.com

    زى ما احنا شايفين فى الصورة دى من قوة ربط المسمار حتة الحديدة متنية مع الفك !
    نفك الصامولتين اللى فيها دول ونطلعها برا
    Uploaded with ImageShack.com
    Uploaded with ImageShack.com

    العلبة فيها غطاء أسود من ورا راكب ضغط فى كل جنب من الأجناب فيه منطقتين متعلق فيهم بإيدنا أو بمفك ندخله بين جسم العلبة الأبيض وبين الغطاء عشان نفكه من الأربع جوانب ونطلعه
    Uploaded with ImageShack.com

    بعد ما شلنا الغطاء دى البورة بتاع ال upc من ورا فى العلبة القديمة كان بعض التراكات بتشيط وكانت بتتوصل بتراكات و تتلحم عادى بقصدير وتركب تانى وتشتغل أنما عندى مكنش فيها أى حاجة
    Uploaded with ImageShack.com
    تعالوا بقى نشوف تقسيمة الفيوزات اللى فيها دى
    أنا ملقتش صورة وخريطة للعلبة دى فرسمت صورة مبسطة للفيوزات اللى عليها لكن موصلتش لصورة توضح استخدام كل فيوز ياريت اللى عنده صورة لاستخدام الفيوزات فى العلبة دى يرفعها ضرروى لأفادة الجميع
    دى الصورة اللى رسمتها مرقم فيها الفيوزات من 1 ل 23 يعنى فيها بس فيها 22 فيوز فقط لأن فيه مكان فاضى مفيهوش فيوز اللى هو الصف الثانى الترقيم دا مش من دماغى يا جماعة مكتوب على العلبة نفسها الأرقام دى
    أول صف فيه 9 فيوزات وكاتب فى المربعات الأمبير بتاع كل فيوز
    تانى صف فيه 7
    بعدين فيه 4 فيوزات على اليمين عموديين تحت الصف الثانى مباشرة وفيه 2 فيوز أفقيين من على الشمال تحت الصف الثانى مباشرة
    وراسم فى الصورة ال 7 فيش واماكنهم فى العلبة
    Uploaded with ImageShack.com
    عشان نطلع البوردة لازم نشيل الفيوزات دى عشان كدا الصورة اللى جبتهالكم دى مهمة جدا اعتبرها مرجع عند تركيب الفيوزات حتى لا تخطئ وتركب فيوز مكان فيوز لأن أحجامهم واحدة لكن شدة التيار اللى بيتحملها كل واحد منهم مختلفة عن التانى فلا مجال للخطأ هنا
    انا استعنت بالمشبك الأصفر اللى بيبقى فى الغطاء اللى مغطى علبة الفيوزات اللى جوا العربية دا لكن منفعش معايا لأن الفيوزات كانت ماسكة قوى
    Uploaded with ImageShack.com
    عشان كدا استخدمت الكماشة وخلعتهم بسهولة بس إوعى حد يضغط عليه جامد لا يتكسر الفيوز فى بق الكماشة
    ونخلع الغطاء اللى الأسود اللى من تحت زى ما وضحت فوق اللى راكب ضغط
    Uploaded with ImageShack.com
    هنطلع البوردة فى إيدنا ودا شكلها من جوا .... المكعبات اللى جوا البوردة دى ايا كانت ريليهات أو آيسيهات فيه منها مكتوب عليها الفلبين وفيه منها مكتوب عليه تايلاند ... وتقريبا العلبة من صناعة شركة اسمها Hella
    Uploaded with ImageShack.com
    Uploaded with ImageShack.com
    Uploaded with ImageShack.com
    Uploaded with ImageShack.com

    سبحان الله والحمد لله ولا إله إلا الله ولا حول ولا قوة إلا بالله العلى العظيم


  6. #6

    الصورة الرمزية MohammedAladel

    رقم العضوية : 120598

    تاريخ التسجيل : 17Feb2012

    المشاركات : 7,632

    النوع : ذكر

    الاقامة : المنيا

    السيارة: لا يوجد

    السيارة[2]: Megane II 2007

    دراجة بخارية: عجلة فاين آند فاين

    الحالة : MohammedAladel غير متواجد حالياً

    افتراضي -


    طبعا أنا راجعت كل الفيوزات دى فيوز فيوز كلها سليمة البوردة مش باين عليها أى شياط أو أى مناطق سايحة وكلها سليمة دا الظاهر يعنى ليا
    ودا الغطاء اللى بتبقى راكبة جواه البوردة واللى شلنا منه الفيوزات عشان نقدر نطلع البوردة منه بسهولة

    Uploaded with ImageShack.com

    طبعا أنت ممكن متفكهاش كلها لو عايز تشيك ع الفيوزات بس براحتك
    نرجع تانى للعربية لأن لسة باقى فيوزات تانى
    علبة الفيوزات اللى طلعناها بيبقى ليها بيت صغير تانى بلاستيك جوا العلبة الكبيرة اللى شايلة كل حاجة نطلع البيت الصغير دا
    Uploaded with ImageShack.com

    دى بقى باقى الفيوزات
    عددهم 7 فيوزات أول فيوز دا بيبقى فردى بيركب على الهيكل البلاستيك فى أول فتحة ... بعديه تانى وتالت مكان فاضيين بعديه 6 فيوزات ورا بعض
    Uploaded with ImageShack.com
    ودى خريطة ليهم مع شرح استخدام كل فيوز بس معرفش الخريطة دى بتاع العلبة الجديدة ولا القديمة بس شكلهم متشابهين
    Uploaded with ImageShack.com
    أحنا ممكن نشيل أى فيوز منهم باستخدام المشبك الأصفر اللى وضحته سابقا الموجود فى غطاء علبة فيوزات التابلوه
    وال 7 فيوزات عندى كانوا تمام
    بس أنا بقى حبيت أفصص الحتة البلاستيك اللى فيها ال 7 فيوزات دول وأشوف فيها إيه

    عشان نطلع الخط اللى راكب فيه ال 7 فيوزات لازم نفك علبة فلتر الهواء والماسورة اللى د اخلة عليه وحاجة هم عشان الضفيرة اللى داخلة ليهم مزنوقة تحت العلبة دى وعشان تطلعهم لازم نرفعهم شوية لفوق ومش هنقدر إلا لما نفك علبة فلتر الهواء
    أو حاجة نجيب مفك وهنلاقى الخط بتاع الفيوزات متثبت فى جسم العلبة بمشابك هنبعدها شوية ونشده لفوق سنة
    بيبقى فيه مشبكين Uploaded with ImageShack.com
    Uploaded with ImageShack.com
    طبعا مش هنقدر نطلع خط الفيوزات دا هنيجى نرفعه هنلاقى الضفيرة مزنوقة عند علبة فلتر الهواء
    Uploaded with ImageShack.com

    نفك فلتر الهواء ننضفه بالمرة ليه مسمارين قلاووظ
    Uploaded with ImageShack.com
    الماسورة دى اللى راكبة فى علبة الفلتر بتتلف بنلفها ونطلعها وبيبقى راكب فيها من الناحية التانية الجزء الكاوتش بتاع الهواء اللى راكب فى الأكسدام وراكب فيها ماسورة تانى من على جنب
    Uploaded with ImageShack.com

    الموضوع دا شارح فك علبة الفلتر بشكل أكثر تفصيل ياريت نقرأه
    http://www.nilemotors.net/Nile/329249-a.html

    سبحان الله والحمد لله ولا إله إلا الله ولا حول ولا قوة إلا بالله العلى العظيم


  7. #7

    الصورة الرمزية MohammedAladel

    رقم العضوية : 120598

    تاريخ التسجيل : 17Feb2012

    المشاركات : 7,632

    النوع : ذكر

    الاقامة : المنيا

    السيارة: لا يوجد

    السيارة[2]: Megane II 2007

    دراجة بخارية: عجلة فاين آند فاين

    الحالة : MohammedAladel غير متواجد حالياً

    افتراضي -

    بعد ما قرأنا الموضوع وفكينا علبة الفلتر كنت عايز أنوه عن شئ مهم
    علبة الفلتر من ورا بيبقى فيها دليل أو مسمار بلاستيك بيبقى راكب فى جسم العربية فى الجلدة دى
    الجلدة دى ممكن تقع وانت بتطلع علبة الفلتر وهى بتبقى راكبة ورا السيرفو ناخد بالنا منها
    Uploaded with ImageShack.com
    Uploaded with ImageShack.com
    دا مكانها ورا السيرفو

    Uploaded with ImageShack.com

    بكدا نقدر نطلع خط الفيوزات بسهولة هنرفعه لفوق Uploaded with ImageShack.com
    هنبتدى بقى نشيل كل الفيوزات من مكانها الفيوز الأول الفردى ال 40 أمبير دا راكب لوحده بمشبك كدا هنشيله بعدين نشيل باقى الفيوزات باستخدام المشبك الأصفر اللى فى غطاء علبة فيوزات التابلوه نشيلهم واحد واحد
    Uploaded with ImageShack.com
    بعد ما شلنا كل الفيوزات هنجيب مفك ونبص فى الصورة دى هنلاقى فيها 3 فتحات مستطيلات فيهم مشابك بسن المفك نحاول نبعدها لتحت
    Uploaded with ImageShack.com
    من على جنب بيت الفيوزات دا من تحت فيه 3 مشابك تانيين ظاهرين جدا هنبعدهم لتحت عشان نخلع الغطاء اللى ماسك فى بيت الفيوزات من تحت بس لازم نفك ال 3 اللى قلت عليهم سابقا أولاااااااااا
    Uploaded with ImageShack.com

    Uploaded with ImageShack.com

    هنلاقى جواها حتة الحديد دى اللى فيها الألسنة اللى بيركب فيها اطراف الفيوزات بس كدا أنا قلت أفكها أشوف جواها يمكن ألاقى حاجة بايظة ولا حاجة طلعت حتة حديد موصلة
    Uploaded with ImageShack.com

    لو عايزين نفك العلبة البلاستيك اللى شايلة الليلة دى كلها
    جواها بيبقى فيه مسمارين 10 محتاجين بيبة 10 نفكهم ونطلعها بجنب كدا قرفتنى بصراحة بسبب السلوك الكتير
    Uploaded with ImageShack.com
    دى المسامير لقطتلها صورة من جوا
    Uploaded with ImageShack.com
    بيبقى فيه فيشتين جوا العلبة دى عايزين يتخلعوا
    الفيشة دى ليها مجرى فى العلبة نشدها ونخلعها بعدين نخلعها هى نفسها من بعضها
    Uploaded with ImageShack.com وفيه فيشة تانى جنبها مش راكب فيها حاجة فيها طرف واحد نخلعها برضه
    Uploaded with ImageShack.com

    بعدين نطلع العلبة نفسها

    Uploaded with ImageShack.com
    Uploaded with ImageShack.com
    تحتها مباشرة كرتيرة العجل اللى فيها غطاء مدور اللى بنفكه عشان نغير لمبة الفانوس Uploaded with ImageShack.com

    Uploaded with ImageShack.com

    طبعا أهم حاجة تركيب كل فيوز فى مكانه الصحيح والخريطة والصور اللى أنا منزلها موضحة كل حاجة وترتيب الفيوزات زى ما فى الصور با لضبط

    سبحان الله والحمد لله ولا إله إلا الله ولا حول ولا قوة إلا بالله العلى العظيم


  8. #8

    الصورة الرمزية shawkylotfy

    رقم العضوية : 45834

    تاريخ التسجيل : 31Aug2009

    المشاركات : 990

    النوع : ذكر

    الاقامة : Alexandria

    السيارة: .

    السيارة[2]: Octavia A4

    دراجة بخارية: No

    الحالة : shawkylotfy غير متواجد حالياً

    افتراضي -

    استاذ ياعمنا والله الله ينور عليك ياهندسة وعلى فكرة هو فى الميجان الى بيعمل مشاكل على طول هى القاعدة الحديد الى شايلة الفيوزات الكبيرة بتاع البور وال abs الخ بتحتاج الفيوزات تتسنفر والبناب تتضيق تانى انما العلبة الكبيرة نفسها مفتكرش انها عملت مشاكل مع حد باستثناء فيشة الانوار الى بتسيح ومشكوووور يا هندسة


  9. #9

    الصورة الرمزية monamize4

    رقم العضوية : 121411

    تاريخ التسجيل : 06Mar2012

    المشاركات : 3,625

    النوع : ذكر

    الاقامة : assiut

    السيارة: --

    السيارة[2]: --

    دراجة بخارية: --

    الحالة : monamize4 غير متواجد حالياً

    افتراضي -

    الله عليك يا فنان ,,
    طب فاضل ايه مصلحتوش و عملت عنه تقرير مفصل ؟؟؟؟؟
    ,
    ,
    ,
    ,
    ,
    هو مش انت يا باشا كنت منسق رينو ؟

    الحمد لله عدد ما احصى كتابه و الحمد لله على ما احصى كتابه
    الحمد لله ملء ما فى السموات و ملء ما فى الارض و ملء ما بينهما

    [img2]http://nileup.com/up/uploads/nilemotors_13651184541.jpg[/img2]
    You decide on your speed. Physics decides whether you live or die(بأمر الله طبعا)


  10. #10

    الصورة الرمزية hossam_elwani

    رقم العضوية : 13051

    تاريخ التسجيل : 16Jun2008

    المشاركات : 10,009

    النوع : ذكر

    الاقامة : اسكندريه

    السيارة: كروز هاى لاين 2013 بفضل الله

    السيارة[2]: هوندا ثم مرسيدس ثم بيجو 504 ثم نوبيرا 2 ثم نيسان صنى

    دراجة بخارية: no

    الحالة : hossam_elwani غير متواجد حالياً

    افتراضي -

    hasad">

    موضوع رائع احييك على الصبر والهمه عشان تفيد اخواتك

    بس هو فيه اى عيب عندك عشان تفك ده كله

    ده حكايه طويله اوى

    الى عمل الميجان ده معقد نفسى

    بس برضه هيا عربيه ممتازه



 
صفحة 1 من 4 1 2 3 4 الأخيرةالأخيرة

المواضيع المتشابهه

  1. علبة فيوزات بيجو 307
    بواسطة ladanow في المنتدى بيــــجو
    مشاركات: 5
    آخر مشاركة: 06-06-2013, 04:52 PM
  2. فك مراية ضم ميجان بالتفصيل بالصور
    بواسطة MohammedAladel في المنتدى ريــــنو
    مشاركات: 12
    آخر مشاركة: 30-07-2012, 02:26 PM
  3. علبة فيوزات الميجان
    بواسطة gefoo في المنتدى ريــــنو
    مشاركات: 3
    آخر مشاركة: 27-07-2011, 04:01 PM
  4. علبة فيوزات اوكتافيا a5
    بواسطة ayoussef في المنتدى سكودا
    مشاركات: 0
    آخر مشاركة: 07-09-2010, 03:44 PM
  5. للبيع : شكمان ميجان Ii كامل (علبة بيئة - علبة وسطية - علبة خلفية)
    بواسطة momo10000 في المنتدى قســم خاص لبيع السيارات فقـــط
    مشاركات: 12
    آخر مشاركة: 09-05-2010, 06:43 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2