ازمة بنزين طاحنه تضرب المحافظات .. والسبب !!!! دعوه للنقاش دون انحياز او تعصب

**shaikh_tamer** · 18-06-2013 02:10 AM

انا جاري مراقب بنزينة في شركة بتروتريد, وزراة البترول من ايام سامح فهمي قررت انها تراقب البنزينات علشان التهريب, باكلمه عن الازمة قالي ان المحطة اللي هو بيراقب عليها و كذلك كل المحطات اللي حواليه لم تنقص لتر واحد من الكمية المخصصة ليها, الموضوع ليه علاقة بالتهريب و الخوف من اي نقص مستقبلي.

**hemaa80** · 18-06-2013 02:35 AM

من الاخر مفيش مع الحكومة فلووس عشان تجير بنزين
وعلى فكرة التهريب لية دور مش كبير فى الموضوع بس للتوضيح السولار المصرى والبنزين بيوصل لتركيا واسرائيل والاردن وغزة لانو مدعوم وبيتباع برخيص وحتى عن طريق البحر
بس للتوضيح كل غزة الى داوشين دماغكم فيها يسكنها مليون ونص فلسطينى وعندهم يجى الف ولا الفين عربية يعنى محطة بنزين فى مصر بتبيع اكتر من من الى بياخدوة
شكرا

**casperinoo** · 18-06-2013 04:11 AM

ايه ده !!!!!!!!!!!!!!!!!!
[youtube]http://www.youtube.com/watch?v=AvavOeRXu3A[/youtube]
‫مهزله البنزين في المنصوره 15/6/2013--مصر في زمن الاخوان‬&lrm; - YouTube

**mhf_77** · 19-06-2013 01:00 PM

المشاركة الأصلية كتبت بواسطة casperinoo

ايه ده !!!!!!!!!!!!!!!!!!
[youtube]http://www.youtube.com/watch?v=avavoerxu3a[/youtube]
‫مهزله البنزين في المنصوره 15/6/2013--مصر في زمن الاخوان‬&lrm; - youtube

دا اطول طابور عربيات فى العالم وعامل رقم قياسى عالمى

**S O P H O S** · 19-06-2013 07:24 PM

ايا كانت الازمة ايه
الحل عند الحكومة بردوا
وان كان الشعب مشارك ولكن بنصيب صغير
لان بدون رقابة او خطة ممنهجة فأفعل ما شئت لان لا يوجد عقاب

**demonarundo** · 25-06-2013 04:37 PM

المشاركة الأصلية كتبت بواسطة engahmedsakr

فعلا الأزمه طاحنه
انا شخصيا بقالي 3 ايام مش عارف امون وفي الغالب هنزل شغلي بكره مواصلات خوفا من انها تقطع مني بنزين وانا راجع .

تحليلي لسبب تفاقم الأزمه حاجتين :
- أولهم ودا السبب الأهم - ودا طبعا مجرد تحليل شخصي - ان موضوع تطبيق نقل وتوزيع البنزين بالكروت الذكيه اللي هيطبق من الشهر الجاي .. دا هيكون سبب في منع تهريب البنزين نهائيا للسوق السودا ... لان التسليم والاستلام هيكون بكرت إلكتروني مش مجرد بنزين مدعم قصاد فلوس ... فقائدي سيارات نقل الوقود واصحاب المحطات بيستغلوا الفتره دي في تهريب معظم الكميات لتحقيق اكبر مكسب ممكن قبل ما السبوبه الحرام دي تتقفل في وشهم .... والدليل ان بنزينات الجيش حصصها ثابته وما بتقلش لانه طبعا مافيهاش سرقه ابدا .

- السبب الثاني هو تخزين بعض المواطنين خصوصا سواقين التاكسي والمواصلات بأنوعها للمحروقات تخوفا من ازمه محتمله بسبب 30/6 ... فدا زاد الطين بله وزود الأزمه

في النهايه ... انا بحمل الحكومه بمؤسساتها كامله المسؤليه وكمان بحمل الرئيس المسؤليه السياسيه عن وقف الحال دا ... لانهم إما مقصرين في الإداره وايجاد الحلول او مقصرين في الرقابه وعقاب المخطئين وفي كلا الحالتين الحكومه لازم تسترجل وتتحمل مسؤليه مصايبها.

تحياتي

كلام مظبوط 100 الـ 100
وضيف على سبب الازمة والازمات سلبية الناس
اللى بقت تشوف واحد بيتسبت وتقف تتفرج
وعربية نقل بترول بتفضى حمولتها او تبيعها فى السوق السودا وتتفرج
ولا لما سواق مكروباص يتخانق مع راكب ويشتمه ويقل ادبه عليه , وتلاقى الناس اللى فى المكروباص كلها بتهدى فى السواق عشان يمشى بيهم

يبقى تستاهل ولا متستاهلش ؟

**sasatony** · 25-06-2013 04:53 PM

وجهة نظري دي ازمة مفتعلة عشان الناس تنزل تتظاهر يوم 30/6

**ahmedsrs** · 25-06-2013 05:32 PM

التهريب كان موجود وموجود وهيفضل موجود عشان انت بتبع سلعة مدعمة وفى فرق سعر مغرى للكسب ولكن نسبة التهريب لن تتعدى ١٥٪ والسبب الرئيسى فى الازمة الحالية هو وصول الدين الداخلى والخارجى على وزارة البترول الى ارقام كبيرة فبتالى مفيش بترول كافى فبتحصل الازمة

**ekmarei** · 25-06-2013 05:43 PM

المشاركة الأصلية كتبت بواسطة hemaa80

من الاخر مفيش مع الحكومة فلووس عشان تجير بنزين
وعلى فكرة التهريب لية دور مش كبير فى الموضوع بس للتوضيح السولار المصرى والبنزين بيوصل لتركيا واسرائيل والاردن وغزة لانو مدعوم وبيتباع برخيص وحتى عن طريق البحر
بس للتوضيح كل غزة الى داوشين دماغكم فيها يسكنها مليون ونص فلسطينى وعندهم يجى الف ولا الفين عربية يعنى محطة بنزين فى مصر بتبيع اكتر من من الى بياخدوة
شكرا

السولار المصرى والبنزين بيوصل لتركيا واسرائيل والاردن وغزة يعنى مصر بتصدر السولار والبنزين المصرى و تستورد للشعب منجات مستورده ؟؟؟؟؟؟؟؟؟؟؟؟؟؟؟؟؟؟؟
ايه الى جاب القلعه جامب البحر