ازمة بنزين طاحنه تضرب المحافظات .. والسبب !!!! دعوه للنقاش دون انحياز او تعصب

**mhf_77** · 17-06-2013 09:59 PM

ياريت ياجماعه اللى عايز يقول رايه او توقعه بالنسبه لسبب الازمه الحاليه يقوله بمنتهى الحياديه وعدم التعصب لانى واحد من الناس فعلا نفسى اوصل للحقيقه بدون ظلم طرف او مجاملة طرف انا بسمع اسباب كتير من الناس فى الطوابير وكل واحد حسب انتمائه ورؤيته وتحيزه وهضربلكو بعض الامثله لاسباب الازمه واللى الناس بيقولوها واللى سمعتها:

1- ازمة ضمير وتخزين وسوق سودا

2- ازمة ضمير وتهريب لغزه

3- ازمة انتاج لمديونية الحكومه (الدين الداخلى)

4- ازمة استيراد لمديونية الحكومه (العمله الصعبه)

5- ازمة مفتعله من الاخوان عشان محدش يلاقى حاجه يركبها وميعرفش ينزل اماكن التجمعات فى 30/6

6- ازمه مفتعله من الفلول عشان اللى متردد انه ينزل 30/6 يقرر النزول

7- ازمه مفتعله من الجيش نفسه عشان لما ينقلب على الحكم محدش يقوله حاجه ( والدليل ان مفيش ازمات فى محطات الجيش )

8- ازمه بسبب المستهلك نفسه عشان خايف من احداث 30/6 فكل واحد بيفول ويملى زيهم جراكن فيعتبر سكان مصر اتضاعف عددهم فى اسبوع

9- ازمه بسبب الشرطه لانها مش شايفه شغلها عن قصد عشان الناس تحن لايام زمان وتتحايل عليهم يرجعو يشتغلو زى زمان حتى ولو على حساب كرامة الناش
10- ازمة بسبب فشل سياسة الاخوان فى ادارة اى شيئ فى البلد لهمهم الاول وهو السيطره والحكم وتولع الناس بمصالحها

ياريت اللى شايف سبب موجود او مكتبتوش فى العشرة اسباب يقولنا عليه وايه دليله وبكرر تانى بتعقل وبدون تعصب وبدون تجريح ويارب يستر على البلد

**mhf_77** · 17-06-2013 10:17 PM

انا اسف لو كنت كررت الموضوع بس انا عشان متعود اكتب فى قسم كيا فكتبت هناك وبعدين اكتشفت ان الموضوع عام مش خاص بكيا عشان كده نزلته هنا

**EngAhmedSakr** · 17-06-2013 10:40 PM

فعلا الأزمه طاحنه
انا شخصيا بقالي 3 ايام مش عارف امون وفي الغالب هنزل شغلي بكره مواصلات خوفا من انها تقطع مني بنزين وانا راجع .

تحليلي لسبب تفاقم الأزمه حاجتين :
- أولهم ودا السبب الأهم - ودا طبعا مجرد تحليل شخصي - ان موضوع تطبيق نقل وتوزيع البنزين بالكروت الذكيه اللي هيطبق من الشهر الجاي .. دا هيكون سبب في منع تهريب البنزين نهائيا للسوق السودا ... لان التسليم والاستلام هيكون بكرت إلكتروني مش مجرد بنزين مدعم قصاد فلوس ... فقائدي سيارات نقل الوقود واصحاب المحطات بيستغلوا الفتره دي في تهريب معظم الكميات لتحقيق اكبر مكسب ممكن قبل ما السبوبه الحرام دي تتقفل في وشهم .... والدليل ان بنزينات الجيش حصصها ثابته وما بتقلش لانه طبعا مافيهاش سرقه ابدا .

- السبب الثاني هو تخزين بعض المواطنين خصوصا سواقين التاكسي والمواصلات بأنوعها للمحروقات تخوفا من ازمه محتمله بسبب 30/6 ... فدا زاد الطين بله وزود الأزمه

في النهايه ... انا بحمل الحكومه بمؤسساتها كامله المسؤليه وكمان بحمل الرئيس المسؤليه السياسيه عن وقف الحال دا ... لانهم إما مقصرين في الإداره وايجاد الحلول او مقصرين في الرقابه وعقاب المخطئين وفي كلا الحالتين الحكومه لازم تسترجل وتتحمل مسؤليه مصايبها.

تحياتي

**muslim_nsb** · 17-06-2013 10:45 PM

والله الازمه عندنا في قنا ليه اكثر من 15 يوم
كل فين وفين لما يجي بنزين في المحطات والكميه صغيره جدا
تروح تقف في الطابور ساعتين او ثلاث ساعات وقبل ما توصل يقلك البنزين خلص ويكون لسه خلفك ما لا يقل عن 100 او 150 عربيه
والله حرام اللي بيحصل ده
تسيب العربيه و تيجي تركب تاكسي علشان تروح الشغل المشوار اللي كنت تاخده ب 2 او 3 جنيه يقلك 10 او 15 جنيه تيجي تركب سرفيس يبقه لازم تتأخر عن الشغل وكمان الاجره من نصف جنيه بقت تاخدها في 2 سرفيس لانهم قسموا المسافه على مرحلتين مع بعضهم وكل مرحله 1 جنيه يعني تدفع في اليوم رايح 2 جنيه وراجع 2 جنيه يعني 4 جنيه
يبقه حرام ولا حلال وكله ده علشان قمنا بثوره وكنا فاكرين الدنيا هاتبقى وردي
لاكن منه لله اللى لم يعدم المخلوع واعوانه بعد الثورة مباشرتا لانه هدد الشعب بصريح العباره انا او الفوضى
اللي كفيله هذه الجمله بإعدامه
لك الله يا مصر

**Dr.M_baz** · 17-06-2013 10:50 PM

في بلدنا محدش هيعرف يحدد السبب الحقيقي.... كل المكتوب وارد بس معتقدش الجيش له دور فيها جيش مصر هيفضل لحماية مصر.

**hilal** · 17-06-2013 11:05 PM

طيب فين الحكومة من الكلام ده كله؟
مفيش في البلد كلها واحد بيفهم ويحدد حلول للمشكلة؟
يعني احنا عايشين من غير حكومة ، واللي عاوز يعمل أي حاجة بيعملها
ارجعوا لاحاديث الرئيس قبل انتخابات الرئاسة ووعوده بحل مشكلة الطاقة والمرور والنظافة والخبز والامن
فين الحلول؟
أنا لا موالي ولا معارضة ، بس نفسي اعرف فين الحلول؟

**loklok** · 17-06-2013 11:21 PM

الموضوع ابسط مما تتخيل
مفيش مع الحكومه دولار كفايه وبالتالي مفيش استيراد بنزين
بس خلاص (غلي راي شعبولا)

**aboamina** · 17-06-2013 11:49 PM

اهم حاجة نعترف ان فيه ازمة والرئيس وحكومته فشلوا يحلوها زي ما فشلوا في حاجات كتير....
بالله عليكم كفانا دفاع عن الفشلة ومحاولة ايجاد مبررات لفشلهم

**hossam_elwani** · 18-06-2013 12:22 AM

المشاركة الأصلية كتبت بواسطة engahmedsakr

فعلا الأزمه طاحنه
انا شخصيا بقالي 3 ايام مش عارف امون وفي الغالب هنزل شغلي بكره مواصلات خوفا من انها تقطع مني بنزين وانا راجع .

تحليلي لسبب تفاقم الأزمه حاجتين :
- أولهم ودا السبب الأهم - ودا طبعا مجرد تحليل شخصي - ان موضوع تطبيق نقل وتوزيع البنزين بالكروت الذكيه اللي هيطبق من الشهر الجاي .. دا هيكون سبب في منع تهريب البنزين نهائيا للسوق السودا ... لان التسليم والاستلام هيكون بكرت إلكتروني مش مجرد بنزين مدعم قصاد فلوس ... فقائدي سيارات نقل الوقود واصحاب المحطات بيستغلوا الفتره دي في تهريب معظم الكميات لتحقيق اكبر مكسب ممكن قبل ما السبوبه الحرام دي تتقفل في وشهم .... والدليل ان بنزينات الجيش حصصها ثابته وما بتقلش لانه طبعا مافيهاش سرقه ابدا .

- السبب الثاني هو تخزين بعض المواطنين خصوصا سواقين التاكسي والمواصلات بأنوعها للمحروقات تخوفا من ازمه محتمله بسبب 30/6 ... فدا زاد الطين بله وزود الأزمه

في النهايه ... انا بحمل الحكومه بمؤسساتها كامله المسؤليه وكمان بحمل الرئيس المسؤليه السياسيه عن وقف الحال دا ... لانهم إما مقصرين في الإداره وايجاد الحلول او مقصرين في الرقابه وعقاب المخطئين وفي كلا الحالتين الحكومه لازم تسترجل وتتحمل مسؤليه مصايبها.

تحياتي

تحليل تمام

+

ان من ضمن الاسباب هو انه بيتم تحويل البنزين بعد تهريبه الى تربنتينه ( مذيب عضوى) سعر الطن فيه اكتر من 7500 جنيه فى حين ان طن البنزين 1850 الفرق مكسب خرافى

ومازال مسلسل استغلال المصرى للمصرى وطبعا ده فى ظل انعدام الرقابه

**abogogo** · 18-06-2013 12:39 AM

انا معرفش غزة اللى كلها شارعين ومحطة بنزين تكفيها ده غير ان الكويت وقطر مغرقنها سولار وبنزين ايه قصة التهريب لغزة اللى الاعلام هارينا بيها لما وجع دمغنا ... التهريب فوق في دمياط مراكب الصيد بتحمل السولار المدعم وتخش البحر تبيعه للسفن بالاسعار العالمية المفروض المراكب اللى طالعة تصطاد تتفتش ويتشاف كمية السولار اللى موجودة في المراكب فعلاً لتشغيل المركب للصيد ام للتجارة ...
الازمة واضح انها مفتعله للأسف النظام السابق جعل كل مقدرات البلد والسلع الاستراتيجية في يد حفنه من رجال الاعمال بعقود مجحفه واصبح مجموعة من رجال الاعمال تعد على اصابع اليد تتحكم في السلع الاستراتيجية تخلق أزمة وقتما تشاء ويتم حلها ايضاً وقتما تشاء ... تخدم اطراف سياسية بعينها واضح اوي .... ربنا يلعن كل محتكر في قوت الناس والاحاديث الشريفة عن الاحتكار الذي هو حبس السلع والضروريات الحياتية عن الناس بغرض الغلاء او التحكم بها على الرغم من حاجة الناس له ..
(عن معمر بن عبد الله- رضي الله عنه- عن رسول الله صلّى الله عليه وسلّم قال: «لا يحتكر إلّا خاطىء» ) ) مسلم

(عن عمر بن الخطّاب- رضي الله عنه- قال: سمعت رسول الله صلّى الله عليه وسلّم يقول: «من احتكر على المسلمين طعاما ضربه الله بالجذام والإفلاس» ) * ابن ماجة

(عن ابن عمر- رضي الله عنهما- عن النّبيّ صلّى الله عليه وسلّم - ، قال: «من احتكر طعاما أربعين ليلة، فقد بريء من الله تعالى وبريء الله تعالى منه، وأيّما أهل عرصة أصبح فيهم امرؤ جائع فقد برئت منهم ذمّه الله تعالى» ) * أحمد

الموضوع: ازمة بنزين طاحنه تضرب المحافظات .. والسبب !!!! دعوه للنقاش دون انحياز او تعصب

LinkBack

أدوات الموضوع

عرض

-

-

-

-

-

المواضيع المتشابهه

وعادت ازمة البنزين تضرب القاهرة بقوة

ازمة بنزين لا ازمة ضمير

دعوه للنقاش: مصطفي محمود من هو رجل عجيب(ام رجل علم متواضع)

نظرية فى الفرمله - دعوه للنقاش!

الكلمات الدلالية لهذا الموضوع

المفضلات

المفضلات

ضوابط المشاركة