ميجان هاتشباك فول ابشن بانوراما ولا استرا هاتشباك موديلات 2007 2008
ميجان هاتشباك فول ابشن بانوراما ولا استرا هاتشباك موديلات 2007 2008
opel - astra
انا مالك للعربيتين الميجان افضل في حاجات كتيير بس للاسف التكييف بتاعها زي الزفت والجو عندنا بقي نار فعلشان كده انا ارشحلك الاسترا
الاتنين جامدين جداً ، بس أعتقد ان الأسترا ممكن تلاقيها أغلى شوية نظراً لأن الألمانى واخد سمعة أفضل من الفرنساوى فى مصر ، عموماً العربيتين تحفة بس لو هتختار يبقى تجيب اللى حالتها أفضل عشان متتعبش بعد كده...
متابع
ميجان
أكبر شركة سيارات في العالم جنرال موتورز لا يمكن أن تتساوى مع شركة رينو الفرنسية
مع احترامي لملاك الماركتين ، بس أنا سألت واحد قبل ما اشتري الاوبل وكان رده يتلخص في كلمتين:
الألماني ألماني
بس كده
رأيي ميجان
عربية ثرية جدا , زائد انها منتشرة جدا عن موديل الاسترا ده و اظن قطع غيارها متوفرة استيراد اكتر منه و ارخص (اظن قياسا على الانتشار الكبير للميجان و القليل جدا لموديل الاسترا ده)
الميجان
بالنسبة للفتيس الميجان ماوجهتش في مشاكل خالص غير بس النتشة المعروفة و دي ماتعتبرش مشكلة اما الاسترا مش معايا من مدة طويلة علشان احكم صح بس لحد دلوقتي مافيش مشاكل و في الزحمة مش متعب بس رخم محتاج شوية تعود
بالنسبة للصيانة الميجان فيها اعطال معروفة و كتير بصراحة بس قطع غيارها منتشرة و مش غالية اوي (الكلام علي الاصلي) الاسترا قطع غيارها اغلي شوية و بردو مش هقدر افتي فيها كتير علشان هي معايا من شهرين بس
أنا برشح الاوبل بردو الالماني ألماني زي ما بيقولو بس بشرط انك تجرب الفتيس الاول في الزحمة و في الطريق المفتوح و شوف انت مرتاح في انهي فيهم و بعد كده قرر.