الموضوع: هو ممكن توكيل كيا يغش فى مواصفات عربياته !!!؟؟؟

بص حضرتك علشان ما تحيرش نفسك طالما العربيه وكيل يبقي الفئات اللي فيها هما :-
LX مانيوال
LX اتوماتيك
EX فول اوبشن
هاي لاين

الهاي لاين تميزها عن الفئات التانيه بانها فيها زياده
- ايرباج للراكب الأمامي (ودي تقدر تتأكد من وجودها)
- ABS ( و ده له لمبه في التابلوه)
- EBD ( ده مش متأكدين منه)
- إشارات LEd بالمرايات الجانبيه (دي طبعا واضحه)
- طي المرايات بالكهرباء (سهل التأكد منها)
- بلوتوث و تجكم في الراديو من عجله القياده (سهل التاكد منه)
- فتحه سقف كهرباء (واضح)
- مثبت سرعه بتحكم من عجله القياده (سهل التاكد منه)

الموضوع باختصار ان حضرتك تراجع علي الحاجات دي و تتأكد انها موجوده عندك و في الاغلب هتلاقيها كده اذا تبقي العربيه highline و يبقي فيها بالتبعيه EBD و خاصه كمان ان ال ABS موجود فقط في ال highline يعني الفئات التانيه فراملها عاديه اصلا و بالتالي وارد بسبب الحكايه دي ان لمبه ال ABS تعبر عن الاتنين طالما ان الفئات التانيه مفيهاش اصلا و طبعا الوكيل بيستورد بمواصفات قياسيه يعني ما ينفعش عربيه تيجي بشويه اوبشنز و شويه لأ و ده يمكن الفرق بينه و بين الخليجي اللي ممكن تكون مواصفاته متنوعه اكتر حسب البلد اللي جاي منها و كمان مش منطقي ان الوكيل يحط الحاجات دي كلها و بعدين يشيل ال EBD علشان يوفر و يغامر بسمعته علشان حاجه زي كده هو بيفتري في السعر اكيد و مش محتاج يغش في مواصفات و خاصه زي ما قلتلك علي موضوع ان ABS في الهايلاين فقط

المشاركة الأصلية كتبت بواسطة yasserelsayad

يا باشا باين اوى فى السواقة يعنى بعد لما تاخد غرزة لو شلت ايدك من على الدريكسيون ودوست فرامل على الاخر العربية هتقف فى خط مستقيم
وبعدين البروشور اللى معايا لما اشترينا العربية مكتوب فيه EBD
وكمان الموديول بتاع الـ ABS فى الريو Mando MGH-60 ودا فيه ABS وEBD
والـ EBD ملوش لمبة لوحده فى التابلوه .. لو فيه مشكلة فيه لمبة الهاند بريك بتنور
بس انت بتشوف مواصفات التوكيل ليه ما انت خليجى يعنى الكلام دا مينطبقش عليك اصلا

ياسر باشا اولا انا عندي نفس الموديول ..... ثانيا انا نقلت اللي شفته وقلت في اخر كلامي انا ده اللي شفته في البروشور عشان انا كنت هناك وبالصدفة والله بصيت عليه عشان انا كنت عاوز اشتري كشافات ليدات للعربية ورا وقدام وعاوز اعرف الفرق بيني وبين الوكيل ايه لقيت ان البروشور مفيهوش ebd بس كده ونقلت اللي انا شفته .... حضرتك مش مصدقني تقدر تروح تتأكد .... بس ملوش لازمة صيغة الهجوم اللي انت بتتكلم بيها دي احنا بنتناقش ليس إلا ..... وعموما انا غلطان ومتأسف ان انا اتكلمت على عربية وكيل وانا معايا خليجي......