حد جربها
و ايه الاخبار و الموتور سحبه و بنزين ايه
و التكيف تاثيره
عرض للطباعة
حد جربها
و ايه الاخبار و الموتور سحبه و بنزين ايه
و التكيف تاثيره
متابع
بس هو فيه حد اشتراها فى المنتدى 2013 ؟؟
معايا ال2012 الموتور سحبه حلو جدا استجابته مع الفتيس سريعه صوته معقول التكييف مابيأثرش عليه خالص من صفر ل 200 تسارع كويس بالنسبة ل1600 سي سي
معدل استهلاك البنزين ( 92 ماجربتش ال95 فيها ) فى نظري عالي شوية يمكن عشان العربيه جديده قالولي هيقل بعد ماتعدي 5000 كيلو بتعمل 10لتر / 100 كيلو على الطريق وفى الزحمه 15 لتر بس انا رجلي تقيله عشان اتعودت على ال6 سلندر
فى نظري كل مشكلتها عزل الصالون ضعيف والشنطه ديقه غير كده كل حاجه فيها حلوه
برا الموضوع ربنا ينتقم من الحكومة اللي عملت نظام الجمارك وجبرانا نركب 1600 سي سي لما جربت ال3500 سي سي فى التويوتا عرفت ان الفرق كبير جدا 286 حصان بالنسبه للانسر 117 حصان واستهلاك البنزين اقل 8 لتر على الطريق و14 فى الزحمه
هى فى السحب فين تقريبا ؟ يعنى مع الكورى و باقى اليبانى ؟
والله انا جبت مازدا 3
و بفكر انها تكون عربيه الشقا بقي لاني مجرب الكريستاله قبل كده
اللي هو تعديل و مشواير و تسقيط و جنوط
في علشان كده باسل عليها و يا ريت سمع اراء كمان
شديت بيها مرة مع النترا 2013 لغاية 120 فضلنا جنب بعض فيعتبر كويس لان مواتير المايفك تورك اكتر من كونها هورس بور
عربية ممتازة و تعتبر الأفضل في فئتها بعد ما توكيل هوندا استهبل في السيفيك الجديدة. العربية كلها مميزات العيب الوحيد العزل الداخلي مش أد كدة و ده عيبها الوحيد!
و اخبار قطع الغيار في مصر ايه
بعد ما كانو بيقولو غاليه الاول
السلام عليكم...
انا معايا 2013 اعلى فئة وبصراحة بصراحة... عربية فوق الممتازة!!! عمري ما ندمت ولا هندم اني فضلتها على كل العربيات في الفئة دي... وعمري ما كنت ماشي بيها وبصيت على كورولا او حتى سيفيك او فانتازيا وحسيت بغيرة.. بالعكس عربية شكلها جبار لا تمل منه وتحس انها لافتة النظر والناس محترماها وعارفة ان اللي راكبها فاهم وغاوي... بس نصيحة يا ريت اعلى فئة علشان تستمتع زيادة...
العربية ثباتها خراااافي بجد (ودة اللي كنت بدور عليه بالسعر دة)... انا بشتغل في مرسى علم وبسافر كل يوم 70 كيلو مرتين على طريق استغفر الله العظيم... انا في شركة سياحة وطبعا بيبقى تحت ايدينا عربيات كتيييير في الشركة او ايجار زي الكورولا والصني والسيراتو والكروز والريو القديمة وغيره... بجد كاداء على الطريق الشارك لا تقل عن الالماني... تجيب 200 عااادي جدا بدون خوف او فرامل رائعة... صوت موتورها انا شايفه ميزة بيحسسك انك معاك وحش... سحبها جميل واستهلاكها في البنزين انا شايفه معقول جدا... اعلى فئة ب168000 فيها جنوط وفتحة سقف وسبويلر وفوجات وابانوس في التابلوه والابواب الامامية وcd شاشة باللمس و6 سماعات زائد صب ووفر جبااار في الشنطة على نظام صوتي rockford مالوش حل واحسن من بتاع الكورولا والفانتازيا بفرق ملحوظ.. طبعا فرامل abs, ebd وسمارت كي وايموبيلايزر وكنبة خلفية تطوى بالكامل الخ الخ... اعتقد دي حاجات مرضية جدا في عربية متينة وقوية واعتماديتها ممتازة بالسعر دة...
النقطة اللي عايز اعيد التاكيد عليها هي ثباااات العربية واللي عايز يتاكد يجرب يسوقها وبعدين يسوق الكورولا والبومة مثلا واي حاجة كوري طبعا وهيحس بالفرق الكبير في التقل ع الارض والاتزان في المنحنيات ومطبات الهوا بفضل العفشة الخلفية الملتي لينك...
اذا كان هناك عيوب في العربية فممكن فعلا عزل الهوا الى حد ما وانا قلت قبل كدة انه كان المفروض يبقى افضل في عربية بالمستوى المبهر ده بس عموما مفيش حاجة حلوة بتكمل... والشنطة اصغر من شنطة البومة... بس!!!! غير كدة فوق الممتازة...
اسف على الاطالة بس حبيت اسهب في تفاصيل علشان فعلا انا صعبان عليا العربية دي في مصر وحاسس ان مش كتير مديها حقها وببقى فرحان لما بشوفها في الشارع او الاقي حد بيفكر يشتريها....
ربنا يوفق الجميع!!