ضرورى وهام جدا يا جماعه علشان نازل النهرده الحرفين

انا رحت النهرده باليل الحرفين اشوف قصه العفشه بتاعتى زى ما قولتلكوا وانتوا قولتوا شوف فيها
ايه الاول

بسم الله

اول حاجه اكتشفت ان كان فيه صوت زنه كده عرفت ان قاعده التكيف على كلام الراجل ملاحمه و بتاع ولزم تتغير

و علشان تتغير هيفضى الفريون الاى فى العربيه طبعا ده اول حاجه

تانى حاجه العربيه عايزه فى العفشه

كوبلن شمال سائق
مستر الاى هو بيمسك العجل الاى قدام علشان الفرامل الاتنين بيعملوا صوت الجلد بتاعتهم باظت
صليبه دريكسيون او علبه دريكسيون


المهم ياريت الاى يعرف اسعار الحجات ديه يا جماعه يقولى قبل ميضحك عليا

والاى عايز يسال على سعر حاجه هو مش عارفها يكتبلى فى الموضوع و اما انزل الحرفين هساله هى بكام علشان برده افيد الجميع

وكان عندى استفسار بخصوص الفوانيس انا هسال بكره اذا كان ينفع اعملهم كريستال ولا لا بيكون شكلهم انضف بكتير

ولو حد يعرف هل ممكن اغير الفوانيس بفونيس شكلها انضف من كده ابيزا حديث يعنى والاى يعرف يقولى بكام

ومعلش طولت عليكما

كده مطلوب معرفه اسعار الاشياء الاتيه

1. قاعده التكيف
2. كوبلن شمال
3. متسر الاى بيمسك العجل الاى قدام
   
4. علبيه دريكسيون
5. صليبه دريكسيون

عموما انا نازل إن شاء الله الحرفين النهرده الاى عايز يسال على حاجه ده رقم تليفونى ممكن تكلمنى وانا هناك اسالك و تحت امركم
امير المصرى : 01144481209

انا هنزل تقريبا بعد الساعه 12 الظهر ان شاء الله

يا باشا بلاش تكتب باللون الأحمر عشان مشاركتك متتحذفش

انا مش مرتاح لكلام الراجل ده
جرب تروح لواحد تاني وشوف هيقولك ايه بس طبعا متقولوش علي الكلام بتاع الاولاني

اقتباس:

---

المشاركة الأصلية كتبت بواسطة karim ibiza

يا باشا بلاش تكتب باللون الأحمر عشان مشاركتك متتحذفش

انا مش مرتاح لكلام الراجل ده
جرب تروح لواحد تاني وشوف هيقولك ايه بس طبعا متقولوش علي الكلام بتاع الاولاني

---

انا اسف على اللون الاحمر مكونتش اعرف والله العظيم و هعمل زى مانتا بتقول اروح لحد تانى و اشوف ربنا يسهلها ان شاء الله لو عوزت تسال على سعر حاجه قولى

السلام عليكم

الاسعار اللى اعرفها هاكتبها لحضرتك وفقا لاخر تعامل فى الحرفيين واعتقد انها نفس الاسعار حاليا

1. قاعده التكيف مش عارف
2. كوبلن شمال ودا عبارة عن الكوبلن الداخلى والخارجى (اعتقد بيقولوا عليها الراس بالاكس)150 -175 جنية
3. متسر الاى بيمسك العجل الاى قدام الجانبين كاملين امامى 250 - 300 جنية حسب الحالة اعتقد ان الماستر فقط هيبقى فى حدود 50-60 جنية
   
4. علبيه دريكسيون 250 جنية
5. صليبه دريكسيون مش عارف

ربنا يوفقك وتجيب اسعار افضل من كدة وقطع الغيار تكون بحالة جيدة

خد جوله وانتا تعرف أخر ما وصلت أليه الأسعار
ومش هتبعد بعيد عن اسعار الى قلها أ/ أحمد
ومنا مع راى أ/ كريم روح لواحد تانى وشوف هيقلك ايه
فى واحد فى اخر شارع الى فيه سيد جلف بعد مركزالزاوايه والجامع الى فى الشارع اسأل عليه متخصص عفشة فولكس محل صغير مش كبير بس عنده حاجة الأستيراد يعنى هيركب الحاجه على ضمنته أمين وسريع واسعاره ممتازه


ربنا يوفقك أن شاء الله

انا بصراحه مش عارف اي اسعار عن عربيتك بس بالنسبه للفوانيس انت ممكن تعدلهم في الحرفيين وش كريستال و عدسات وحجات كتير في هناك اتنين معروفين بيعدلوا الفوانيس جنب بعض واحد منهم اسمو وائل عوف (بلوك 12 الدور التاني ) والتاني في العماره الي لازقه فيه , وفي ناس بتعدل فوانيس توصلهم عن طريق النت وبالنسبالي انا عدلت الفوانيس بايدي وعملتلهم وش كريستال وكل حاجه في البيت بس اشترتلها العدسات بس

ولو هتغير الفوانيس في استيراد كريستال بس بيبقوا لقط وفي جديد عامل الجوز من 1500وطالع

بص علبة الدريكسيون جبتها من 3 شهور 350 جنيه من أحمد رضوان ف الحرفيين

الصليبة بــ 100 جنيه بس مش فاكر اسم المحل

ونصيحة لوجه اللى تأكد قبل ما تدبس فى الفلوس دى ع الفاضى ان العيب من العلبة والصليبة ..

لأنى انا كان عندى علبة الدريكسيون فيها عضه ، غيرتها لاقيت ان المشكلة من الصليبة راكبه بتاعة حاجه تانية فكانت بتفوت !! والعلبة كانت ممكن تمشى عادى

تانى حاجه لاقيت ان الدريكسيون بقى تقييييييل جدا .. فمن المحتمل يكون المساعدين زى ما كتير قالولى .. الشاهد من كلامى ان ممكن يكون العيب بسبب حاجه تانية

شكرا يا جماعه جدا على النصايح ديه