فى بنزينة شل ف شارع احمد عرابى فى المهندسين على طول فيها بنزين وغاز بيبقى فى طابور على الغاز بس انما البنزين لا بس ساعات بتبقى زحمة وقت ما بيقفلو البنزينه عشان التفريغ بس...
و فى 2 موبيل فى البطل احمد عبدالعزيز فى المهندسين برضه على طول بموّن منهم..
و موبيل جامعة الدول اللى فيها اون ذا رن فيها بنزين برضه ومش بتتزحم غير ساعت التفريغ
وبرضه موبيل اللى فى صلاح سالم (العروبه) قبل المركزى للاحصاء
البنزينه اللى على طول مفهاش بنزين بقى فى شارع السودان عند ميدان لبنان فيها غاز بس وساعت ما بيبقى فيها جاز بتوقف شارع السودان فى الاتحاهين بس ده بيكون غالبا فى وقت متأخر
والبنزينه اللى عند مسرح البالون على طول فاضيه برضه بس فى وراها محطه غازتك فا بتبقى عامله زحمة تاكسيات
والبنزينة اللى اول شارع المنصوريه فى الدراسه قدام مستشفى الحسين
وبرضه البنزينه اللى فى ميدان الحلبى عند الجامعه العماليه دى ساعات وساعات
دول اللى فاكرهم دلوقتى لو افتكرت حاجه تانيه هكتبها