عرض للطباعة
السلام عليكم
انا عربيتى مقاس الكاوتش بتاعها 14 / 65 / 185
وكنت عايز اجبلها جنوط 15
هل اجيب نفس مقاس الكاوتش 185 / 65 ؟
ولا فى الحاله دى بيتغير ؟
يعنى مثلا 185 / 60 عشان الجنط كبر ؟
مع العلم انى عايز نفس الارتفاع والثبات
وكنت عايز اعرف ايه هو احسن نوع كاوتش وسعره كام تقريبا
ومشكورين مقدما
قبل البدء في عمليه التغيير
يا تري العربيه مصصمه علشان يتركب لها جنط اكبر
لان ده بيكون له تاثير علي العفشه سيئ جدا لو العربيه مش مصصمه لكده
اما بالنسبه لمقاس الكاوتش
ممكن حضرتك ترجع لمواضيع المنتدي حتلاقي اجابه علي السؤال و كمان حتلاقي طرق حساب مقاس الكاوتش في حاله تغييره
من 14" الى 15" مش هتعمل حمل كبير على العفشة.
مقاس واحد ما فيهوش مشكلة, المشكلة لما تكبر مقاسين او 3.
لو هتجيب جنط 15" هيبقى مقاس الكاوتش عشان يديك نفس قراية العداد و نفس ارتفاع العربية هيبقى 195/55/15 و الGoodyear كانت الفردة ب400 من شهرين و كانت الانواع التانية فى حدود 350.
فعلاً المقاس ده هو أقرب مقاساقتباس:
المشاركة الأصلية كتبت بواسطة iBiZa
ممكن تشوف اللينك ده وتشوف المقاسات المختلفى هتعمل أيه ( يعنى هتأثر على قراية عداد السرعة قد أيه وكمان هيكون اجمالى القُطر أكبر ولا أصغر )
http://www.miata.net/garage/tirecalc.html
بص يا سيدي
المختصر المفيد
اولا: ممكن تركب كاوتش 185/60/15
وفي الحاله دي مثلا لو كانت قراية عداد السرعه قبل ما تغير الكاوتش 120كم/ ساعه فهتكون بعد ما تركب المقاس الجديد ده 118.6 كم/ساعه
ثانيا: ممكن تركب مقاس 175/65/15
وفي الحاله دي مثلا لو كانت قراية عداد السرعه قبل ما تغير الكاوتش 120كم/ ساعه فهتكون بعد ما تركب المقاس الجديد ده 117.4 كم/ساعه
وانا رايي ان المقاس الافضل هو الاول 185/60/15
طيب ايه الحكمة انى اركب جنط اكبر و فى الاخر اركب كاوتش نفس عرض الكاوتش القديم؟؟؟
MMamdouh
فعلا المقاس اللي قالك عليه ibiza هو اقرب مقاس وهيدي قرايه العداد بالضبط
اولا بالنسبه لنوع العربيه هى اوبترا
تانى حاجه انا بس حاسس ان مقاس 14 صغير عليها فكنت عايز اجنط 15
والفكره انى عايز احافظ على نفس الارتفاع عن الارض والثبات او لو وطيت توطى حاجه بسيطه اوى عشان المطبات
والعداد لو فرق حاجه بسيطه برضه مش مهم
اسيب العرض زى ماهو 185 واقلل الارتفاع 60 عشان الجنط كبر ؟
ولا ايه ؟
انا لما قعدت اجرب المقاسات فى السايت اللى الاخ ahmed كتبهولى
لقيت ان اقرب مقاس هيدى نفس الارتفاع ونفس قراية العداد هو 180 60
فهل ده صح ولا ايه
انا حاليا ميال اكتر ل 185 60
معندناش مقاس زى دة فى مصر.اقتباس:
المشاركة الأصلية كتبت بواسطة hanboly
ملهاش اى معنى انك تجيب كاوتش نفس العرض على جنط اكبر... كل اللى حيفرق معاك هى الملفات فقط و حيبقى الجنط عرضة للخبط من المطبات
لما تركب 195/55/15 حتزود عرض الكاوتش و بالتالى حيفرق معاك فى التسارع و الفرامل و الملفات... برضة حيبقى الجنط عرضة للخبط زية زى ال 185/60 بس على الاقل انت واخد ممزات اكبر بكتير مقابل المخاطرة دى مع ال 195/55/15
MMamdouh
طيب ايه احسن نوع كاوتش وسعره كام حاليا
البردجستون من احسن الماركات لكن من اغلى الماركات
البريللى فيه حاجات كويسة بس مكلف شوية
الهانكوك و الكومهو و النانكانج و الGT ماركات كويسة و رخيصة
MMamdouh
مشكور جدا يا اخ ممدوح
وياريت لو حد يعرف الاسعار بالظبط يقوللى