يا جماعة انا بفكر ابيع الميجان و اجيب ميني كوبر مستعملة 2005 ولا حاجة كدة محدش عندة اي فكرة عن قطع غيارها انا قلبت الدنيا و موصلتش لحاجة في الاخر انتو اية رايكوا انا الميني دية عجباني اوي بس خايف منها
عرض للطباعة
يا جماعة انا بفكر ابيع الميجان و اجيب ميني كوبر مستعملة 2005 ولا حاجة كدة محدش عندة اي فكرة عن قطع غيارها انا قلبت الدنيا و موصلتش لحاجة في الاخر انتو اية رايكوا انا الميني دية عجباني اوي بس خايف منها
قطع غيار الميني كوبر نار
غطا العربيه لوحده من التوكيل 3500 جنيه (وده حته غطا لا راح ولا جه)
ودي بقى مش هتلاقي ليها قطع غيار في التوفيقيه وشارع دمشق والجو ده
يعني من الاخر الميني كوبر عاوزه واحد مش فارقه معاه الفلوس
لو النقطه دي مش فارقه معاك يبقى توكل على الله بس متجيبش أقل من ميني كوبر اس عشان تحس انك بجد راكب ميني غير كده يبقى بلاش
وعلى العموم شوف برضوا راي الناس ايه ممكن يفيدوك أكتر
و الله انا بفكر في الاس اسعارهم حلوة بس محدش جايب سرتها في اي مكان بس انا نفسي اعرف اسعار الصيانات و الكلام ده
فيه واحد زميلي في الشغل كان قالي عن اصحابه بيقابلوا مشاكل كتير في الكوبر s .. سألتوا على العادية .. قالي لا اللي معاهم العادية مقابلوش اي مشاكل
بس متطرقتش معاه في تفاصيل المشاكل اللي واجهتهم في ال s
نقلتلك الموضوع قسم بي ام عشان يعرفو اكتر عنها
كانت مع واحد صاحبي ال S
قبل ما يشتري كان في التوكيل وكان عاملها Special Order فامية وعلم بريطانيا عال سقف وجنوط وباي زينون.
كان ناوي عال عادية وكان بيتكلم مع مدير التوكيل أيامها مش فاكر أسمه دلوقتي كان الكلام دا في 2007
قاله بالنص " الميني كوبر يا تركبها S يا متركبهاش "
وبصراحة الفرق كان واضح ويستاهل.. الميني العادية منظر وأي عربية تطلع منها,
أما ال S كانت بتفرك بينا من الثبات لحد 60 كيلو,
وما بين الغرز لما كنا ندوس كيك داون كانت بتاخد الغرزة وتطلع منها وهيا بتفرك في الأرض..
والعربية مكنش فيها أي مشاكل, وصيانتها في التوكيل كانت في رينج صيانة ال BMW 320 تقريباً
شكرا ا يا باشا لنقل الموضوع
شكرا يا باشا لافادة بس طيب رنج ال320 ده الي هو ايه بالظبط انا الي يهمني حتي لو غالية تبقي اعتمادية علشان انا بسافر كتير و بعيد عن التوكيل و هل ليها حجات في الحرفين و كدا و شكرا ليك مرة تانية
خلي بالك الشنطة صغيرة جدا 160 لتر بس والاعدة ورا انا جربت اعد ضيقة جدا في السفر هتبقي متعبة اوي للي قاعدين ورا انما هيا كثبات وهاندلنج ومتعة قيادة ممتازة
هقول لحضرتك حاجه العربيه مينى كوبر ماشاء الله عليها فى الجرى و الشكل والثبات مفيش كلام يقدر يوصفه قمه فى الثبات و كل حاجه وبالنسبه لقطع الغيار زى ما الاخ الفاضل قالك هتبقى فى حدود اسعار ال e90 و ممكن تبقى اقل شويه لان حضرتك بتتكلم على موديل 2005 و الاسعار هتكون فى المتوسط يعنى مثلا تيل الفرامل ممكن يعمله فى حدود 600 جنيه (ده افتراض والله اعلم) و قطع غيارها فى كل حته فى الحرفين عادى جدا ... اى تاجر bmw (موديلات بعد 2000) عنده قطع غيار مينى ولو حضرتك دخلت الحرفيين و كملت على طول هتلاقى قبل حاتم واحد متخصص مينى و لو خليت حاتم على يمينك و دخلت شمال فى اتجاه العالميه بتاع قطع غيار اليابانى هتلاقى واحد على اليمين كده عنده قطع استيراد مينى من كل حاجه و أعذرنى مش متذكر اسماء
وبالنسبه للاعتماديه ... هى العربيه ألمانى فمش هيقابلك اى مشاكل لو حافظت عليها و عملت صيانات فى مواعيدها و اهتميت بيها لكن حضرتك بتقول بتسافر كتير فدى مشكله فى اعاده البيع لان معظم الناس مش بيحبو يجيبوا مينى ماشيه كتير و بيهتموا أوى بالعداد عامل كام كيلو و ده نفس الكلام إلى انا هقولوا لحضرتك علشان تجيب واحده
وطبعا ابعد عن المينى كوبر و لازم تبقى Mini cooper S علشان تحس فعلا انك راكب مينى .... لان الفرق فى الاداء شاسع و رهيييب بين الاتنين و انا عن نفسى بعتبر المينى العاديه مجرد شكل و اسما ان العربيه مينى و تتجاب لبنات مثلا إلى كل هيهمهم الشكل و مش فارقه الاداء
يعنى حضرتك لو عايز تجيب واحده و مش عايز يحصل مشاكل فيها يبقى لازم تجيب حاجه نضيفه و هتتفضل تدور كتير مش مشكله بس تجيب حاجه كويسه و اهم حاجه الكشف ثم الكشف ثم الكشف فى التوكيل علشان يطلعلك تقرير كامل عن حالتها و أهم حاجه تتأكد انها مش نصين أو متهربه لان الفتره إلى فاتت المينى النصين زادت أوى لان تقطيعها و تلحيمها مفيش اسهل منه
فنهايه الكلام لو حضرتك مش هتفرق معاك حجم العربيه (لانها مش عائليه نهائى عن تجربه) و محتاج ثبات و عربيه محترمه فى كل حاجه يبقى أتوكل على الله
يا رجالة انتوا متحاملين على الكوبر العادية ليه ؟
ال claimed من التوكيل ان العادية تسارعها في 9.1 و ال S في 7 ثواني يعني برضو العادية مش وحشة
و الله بالنسبة للحجم مش فارقة انا اهم حاجة بالنسبالي قطع الغيار اسعرها اية و هل فية مشاكل مشهورة ولا لا هو التوكيل بيبع مستعمل محدش عارف اسعارة اية و شكرا لحضراتكم
و اللة لو جربت العادية و لقتها كويسة انا معنديش مانع
بس الاسعار متفاوتة اوي ملهاش علاقة ببعض كول واحد طالب علي مزاجة
إيه يا جماعة دا أنتو خليتوها 128 ....... مش هيكون تسارعها أحسن من ميجان على الأقل ؟
طيب محدش عندة فكرة كدة عن الاسعار العادية و الاس 2005 و 06 مثلا
السلام عليكم بص يا سيدي انا معايا ميني 2005 ومعايا من الزيرو بس مش اس العربية مش وحشة خالص كاداء وتسارع بالعكس دي رهيبة في التسارع اكيد في فرق بينها وبين الاس بس العادية مش هتكسفك ابدا .الهاندلينج بالميني والثبات روعة انا معايا e36 وw124 ميجوش جنبها حاجة وممتعة جدا في القيادة بس هي ناشفة شوية زيادة عن لللزوم وده بيخليها متعبة شوية في المطباط وبالذات مطباط الهوا ومش مريحة اوي في القيادة داخل المدينة على سرعات منخفضة عكس السرعات العالية بتكون اريح كتير نيجي بقا للاهم قطع الغيار انا مش فاكر اسعار اوي هحاول انزلك اسعارها على بكرة بس هقولك على مثلا التيل الخلفي 750 من التوكيل من غير سعر التركيب طبعا ومن غير للسنسور بتاعو السنسور لوحده 150 والتيل للامامي 1040 من غير السنسور والتركيب فلتر الزيت 80 من برة التوكيل طرمبة الباور 4000 برة التوكيل وفي نوع كان من سنة ب 3500 مروحة الرادياتير 3800 برة التوكيل مش فاكر الباقي بس هحاول انزلك اسعار حاجات في العفشة وبالمناسبة في حاجات زي الكبالن مش بتلاقيها بسهولة انا عندي عاوز اغيرهم وموصي عليهم بايرن في شارع دمشق بيجيبهم بالطلب تقريبا هيعملو 6000 مش متاكد من السعر الاهم بقا من كل ده الميني مش هتنفع للاستخدام اليومي مش هتريحك هي للخروج للفسح ده راي الشخصي بس ارجع واقولك الميني عربية ممتعة جدا بالذات في الرعات العالية والشد والهاندلينج مفيش عربية جربتها بتديك نفس الاحساس بتاع الميني.البقية تاتي.سلام موءقتا.
انا متشكر لحضرتك جدا جدا انا فعلا حوار العفشة الناشفة دة متعب بالنسبالي جدا كان معايا لانسر سبورت كنت اعد اطنطط في مطبات الهوا مع الفارق طبعا انا كدا خليني في الميجان احسن عفشتها جميلة و شكرا جدا لحضرتك بس فعلا قطع غيارها كدة غاليا علشان انا عارف كمان المصنعيات عاملة اذاي .
فعلاً مطبات الهوا في الميني صعبة شوية, عاملة زي مطابات الهواء في الطيارة بالظبط بس أشد طبعاً.
لما كنا بنروح الساحل الميني الأس اللي قولت عليها كانت موديل 2007 كنا بنبقي ماشين 170 190
مكنتش العربية بتتحرك وتتنطط عال أرض زي باقي العربيات ولا حتي الانسر, اللي بتلاقيها طالعة ونازلة علي مطبات الهوا وانت ماشي من ورايا.
العربية ثابتة جداً بس لما ألأسفلت بيعلي مرة واحدة ويوطي تاني الحركة دي كلها هتحسها في ضهرك, لدرجة أنك لو عايز تمد أيديك تحطها عال طابلوة مش هتعرف تلمسه بسهولة ولا تمسكة من كتر حركة أيدك جول الكابينة وأنت لابس الحزام, بس العربية بتبقي مكلبشة في الأرض وثابته جداً.