إيه اللى ممكن يحصل
لو حطيت القاطش السالب مكان الموجب والقاطش الموجب مكان السالب ؟
عرض للطباعة
إيه اللى ممكن يحصل
لو حطيت القاطش السالب مكان الموجب والقاطش الموجب مكان السالب ؟
ممكن ال ecu يبوظ
لو اخدت بالك بسرعه وشيلته ان شاء الله ما يحصلش حاجه
لو سيبته ودورت على كده احتمال تجيب عربيه جديده احسن :10D5C8w1107::10D5C8w1107:
بهزر :waaaht::waaaht: بس هتبوظ كذى حاجه
معقول مفيش أى حماية ؟
حصلت معى فى ال 128 منذ 17 عاما و إضطريت لتغيير سليكون الدينامو
طيب دورت ولا يا دوب حطيت القاطش ؟
اول حاجة بتبوظ فى اى عربية كومبيوتر العربية بالأضافة للكاسيت والدينامو ده لو طولت فى قلب البطارية لكن لو وصلت وشيلت بسرعة ممكن الدينامو بس اللى يبوظ والله اعلم وسؤال لية تقلب البطارية لية اساسا فية طيش الكهرباء حجمة اكبر من الأرضى وده علشان تحس وانت بتركبهم ان فية فرق فى المقاس وبالنسبة للعربيات الألمانى مش ممكن تتقلب البطارية علشان طول الأسلاك محسوبة بالمللى مفيش طول انك تركبها بالمقلوب ؟؟؟
نفس الكلام عندى طول الأسلاك محسوبة لو قلبت البطارية مش هتعرف توصل
يعنى لو لمست بس مفيش مشاكل لكن لو حطيتها وسيبتها هنا يبقى فيه خطورة ولو دورت يبقى فيه خطورة أكبر
فكرتنى بايام زمان كان عندى كاسيت بانا سونك يابنى كنت بعمل تعديل فى وحدة الصوت وكان بيحصل زى قفله وطرقعه كنت اشيل الفيشه يرجع تانى اكيد فى عربيات نازله لو حصل قفله او اى حاجه خطاء اكيد اتومتك تفصل جميع الدوائر الالكترونيه بس فى الغالب لو حصل كده ممكن الكمبيوتر يودع لانه حساس جدا
وليه اصلا نعمل القلبه دى من اساسه ؟
الضرر يتراوح من ضرب لفيوزات لضياع وحده ال ecu بالكامل
كهربائي نص لبه عملها فيا مره في كرولا 2002 الفيوزات كلها ضربت و البرمجه طارت من ال ecu و لو طول كانت راحت هي كمان
سؤال زكي والله ومعلومات كويسه
حصل معايا نفس الموضوع ... لانى دايما متعود وانا طالع افك البطارية واخدها معايا منعاً للسرقة ... مرة وانا بركبها وصلت السالب بالموجب ولسه هوصل الموجب بالسالب يادوب بلمس لقتها تبعمل شرارة انا استغربت ومخدش بالى برضو المهم رحت موصل بس حسيت وانا بدخل القطاش انه مش على مقاس المكان بتاعه بصيت لقيتنى عاكس رحت فاكك بسرعة وقلبت البطارية ركبت عادى الحمد لله ومظنش ان فى حاجة حصلت الحمد لله هوا بعديها بفترة حصل حاجة كده وانا بدور ... مفروض اول ما ادور المارش يشتغل والعربية تدور ... لا انا حسيت ان صوت المارش كأن ترس مفوت كده ومش صوت العربية بيدور خالص مرتين ورا بعض وبعدين ثالث مره اتعدل ودار عادى مش عارف هل ده من حوار البطارية دى ولا ؟؟؟
لا لا معتقدش ... المارش عايز كشف بصورة دورية لانه موتور كهربائى .. أنصحك تكشف عليه
شكراً يا كبير لردك ... هوا فعلا العربية عاوزة تشك كده كلها فيها شويه حاجات عاوزة تتظبط بس محتاجة كاشات ... واليومين دول زى مانت عارف مفيش فلوس والمعلم محبوس :tongue32:
لا عندى لو عكست البطارية الأسلاك مش هتطول هما عاملينها بالضبط على حسب وضع البطارية السليم
بس أكيد مش فى كل العربيات
الأسلاك الطويلة دى فى العربيات القديمة انما فى العربيات الحديثة عموما بيبقى السلك على المقاس بالظبط مفيش 1/2 سم زياده فى طول السلك حتى فيه عربيات بيبقى مكان البطارية نفسه متفصل والقفيز بتاعها مايقفلش نهائى لو قلبت البطارية وبالنسبة للالمانى طبيعه البطارية مقلوبة بمعنى بتبقى السالب مكان الموجب والبطارية العادية ماتركبش اصلا !!
ربنا يستر على بطاريات الجميع