معلومات لازم تعرفها عن التكيف

**jojooo** · 19-06-2013 12:32 AM

معلومات لازم تعرفها عن التكيف
مكونات التكيف:
[mshosh2]http://img134.imageshack.us/img134/1939/aclayoutks1.jpg[/mshosh2]

1- الضاغط أو الكباس أو compressor
يقوم بضغط غاز الفريون الموجود فى الدورة ويأخد الحركة بتاعتة من الموتور عند طريق سير
2- المكثف أو السربنتينة أو CONDENSER
بتقوم بتقليل حرارة الفريون الناتجة من الضغط وتحويلة من غاز إلى سائل
3- خزان الفريون أو الكوباية أو RECEIVER DRYER
يقوم بتخزين الفريون وتنقيتة من الشوائب وتجفيفة
4- جهاز التمدد أو الخانق أو EXPANSION VALVE
يقوم بتنظيم مرور الفريون عن طريف خنقة ومرورة بفتحة صغيرة جداً ويوجد منة انواع سنتكلم عنها لاحقاً
5- المبخرة أو التلاجة أو EVAPORATOR
يمر بها الفريون البارد بعد تحويل الفريون من سائل إلى غاز
6- المروحة الداخلية اللى بتوزع الهواء البارد إلى كابينة السيارة
طريقة وفكرة عمل التكيف:
لازم نعرف ان فكرة التكيف قائمة على خصائص غاز الفريون وهى البرودة عند الخنق يقوم بها EXPANSION
والسخونة عند الضغط يقوم بها compressor.
[mshosh2]http://1.bp.blogspot.com/_4RPKG5VY7aU/TT8eYl4SVmI/AAAAAAAAAd8/GMZiOgxptwc/s1600/07.jpg[/mshosh2]
كما هو واضح من الرسم الموجود تبدأ دورة الفريون
* عند ضغط الكباس للفريون يخرج منة الفريون ساخن قوى اتبع السهم اللى خارج من الكباس زات اللون الاحمر الساخن
*يمر الفريون الساخن جداً زات الضغط العالي بعد كدة بالسربنتينة (condenses) لتقليل من درجة الحرارة ويكون اللون الاصفر اتبع السهم
*يدخل الفريون إلى الكوباية لتجفيفة وتنقيتة من الشوائب
*يمر الفريون عبر الاكبنشن الموجود قبل التلاجة الداخلية على طول يكون الاكبنشن ملاصق للتلاجة الداخلية ونلاحظ تحول الماسورة من اللون الاصفر إلى الازرق البارد جداً
*يتحول الفريون فى الصورة إلى اللون الازرق الداكن البارد جداً فى التلاجة الداخلية
*يفقد جزء من البرودة ويخرج من التلاجة إلى الكباس اتبع السهم لتبدا الدورة
ملاحظات
1- الفريون اللى داخل إلى التلاجة زات اللون الاصفر الساخن
والفريون اللى خارج من التلاجة زات اللون اللبنى البارد
2 - ضرورة عزل الماواسير وﺫلك لحمايها من العوامل الجوية و سخونة الموتور وتقليل الحمل على الكباس ولا يوجد تأثر من عملة العزل على كفائة التكيف بشكل مباشر
3- النظافة ثم النظافة وبعدين النظافة هى دى كلمة السر فى دورة التكيف تنظبف السربنتينة كويس يزيد من كفائة التكيف تنظيف التلاجة الداخلية (مرة كل سنة) من البكتريا والجراثيم والتراب الحلو بتاع بلادنا يزيد من كفائة التكيف
ومراعاة نظافة الصالون الداخلى للعربية علشان مفيش تراب يدخل جوة التلاجة
4 – التأكد من شخنة الفريون الموجود وكمية مرة كل سنة يزيد من كفائة التكيف
ﻫﻨا الموضوع غير منقول
هانتكلم بعد كدة فى الموضوع دة عن انواع الفريون و الاكسبنشن واية الفرق وعن العزل بتفصيل وطرق الاستخدام الامثل لتكيف العربية وزيوت الكباس علشان محدش يروح لصنايعية يكلفوة على الفاضى
اخوكم جو

**Karim_Monir** · 19-06-2013 12:36 AM

موضوع رائع جدا ومنسق ومرتب
خالص تحياتي يا جو

**aboamina** · 19-06-2013 02:22 AM

موضوع رائع.....تسلم الايادي يا جو

**jojooo** · 19-06-2013 11:36 AM

المشاركة الأصلية كتبت بواسطة karim_monir

موضوع رائع جدا ومنسق ومرتب
خالص تحياتي يا جو

استاذى ا/كريم منير شرف كبير لية المداخلة الجميلة دة ويارب يديم المعروف

**jojooo** · 19-06-2013 12:14 PM

المشاركة الأصلية كتبت بواسطة sunny2010

السلام عليكم ، عندي سؤال سواء كان التبريد بس بعد اذنكم ، هو استهلاك البنزين بيزيد كل ما ازود درجة التبريد ولا ثابت ؟

في عنصر مهم في دورة التكيف متكلمتش عنة ودة فرصة كويسة
وهو الثرموستات او thermostat وظفتة زى التلاجة اللى موحودة في كل البيوت ضبط درجة البرودة على حسب الرغبة
مكانة الحساس بيكون داخل التلاجة و الترموستات جنب التلاجة على طول في معظم الحالات
بيشتغل ازاى بيفصل الكباس عند درجة برودة معينة 2 او 3 مثلا وتشغيلة مرة اخرى عند درجة حرارة 4 او 5 مثلا يمكن ضبطة على حسب الاحتياج
وبكدة كل ما تزود درجة البرودة الكباس هايشتغل اكتر وهايحمل على الموتور فترة اطول هايستهلك بنزين اكتر
وبرضة لما هاتعلى المروحة الداخلية على سرعة 3 او 4 برضة هايخلى الكباس يشتغل فترة اطول وهايستهلك بنزين اكتر
وشكرا

**romany_ac** · 19-06-2013 12:59 PM

موضوع رائع

**dr.hazem** · 19-06-2013 02:33 PM

متابع...
تحياتي

Sent from my Xperia Arc S using Forum Runner

**jojooo** · 20-06-2013 10:30 PM

المشاركة الأصلية كتبت بواسطة michohat

عندي نيواكسنت 2008
لما جربت اضبط درجه الحرارة في نص المؤشر الازرق لقيت الهوا اللي خارج من فتحه واحده هوا دافي في حين ان باقي الفتحات هواها بارد وكويس
ولما بغير درجه الحرارة واجيبها ع اخر الازرق الهوايات كلها بتكون بارده
فايه السبب اللي ممكن يخلي هوايه واحده تجيب هوا دافي وانا ظابط درجه الحرارة في نص التدريج الازرق

ودية كمان فرصة كويسة علشان نتكلم عن حاجة احنا متكلمناش عنها فى الشرح السابق:
وهى التكييف الساخن فى اغلب السيارات دورة التكيف الساخن بتتكون من
1- تلاجة داخلية فى الكابينة (طبعاً الناس زمانها بتقول تكييف ساخن بتلاجة دة اهبل ولا اية) هى فى الحقيقة شبة التلاجة تمام نفس الشكل والوظيفة لكن بتستخدم للتسخين واسمها وحدة السخان الداخلية
2- وصلات وخراطيم الدورة للسخن وصمام غلق وفتخ الدورة
بتشتغل ازاى
فى اغلب الحالات بيكون مكانها بعد تلاجة البارد فى الهواية الداخلية وبتأخد المصدر الساخن من دورة تبريد السيارة (مياة الردياتير) بتمر المياة الساخنة داخل السخان
وبمرور الهواء من المروحة الداخلية من خلال الريش او الزعانف بتاعت السخان ويسخن هواء العربية

دة كلة بيشتغل ازى انا لسة مش فاهم
بص ياسيدى البكرة اللى العضو الكريم اتكلم عنها دة صمام دورة الساخن اللى بتفتح المياة انها تمر داخل السخان او لا

وبكدة حضرتك بتشغل التكيف البارد وبعدين بتفتح صمام الساخن (عن طريق البكرة)
ملاحظات
عند تشغل التكييف البارد قم بغق التام للبوابة التكييف الساخن (البكرة)
التحكم فى دورة التكييف البارد فى الحرارة عن طريق الثرموستات فقط
وشكرا