عملت كل اللي يتعمل ولسة الريحة موجودة؟
زملائي اللانوسية
من فترة بشم ريحة بنزين ني من عربيتي ، مش ساعة الصبح بس لا دي طول النهار، كان عندي الموبينة تعبانةة حبتين قلت منها، رحت مغير موبينة، الريحة برضة موجودة قلت غير بوجيهات وسلوك بوجيهات، برضة الريحة موجودة، رحت عملت سكان للعربية طلع حساس الأكسجين حركته ضعيفة جداً يعني تقريباً ثابت250-300، رحت جبت واحد جديد وشغال زي الفل لما عملت سكان تاني بقى شغال 250-700 ، لكن ما تزال الريحة موجودة، كشفت على الرشاشات كويسة ومفيهاش حاجة مليكة ولا بتنقط، طيب يا ترى أعمل إيه تاني؟ مع العلم إن ريحة البنزين دي مش مفارقة العربية وده من فترة بسيطة حوالي شهر فقط، ده خلاف الاستهلاك العالي للبنزين، الصفيحة مش مكملة 150 كيلو بعد ما كانت تعمل أكتر من كده بكتيير؟
أرجو النصيحة
