يا جماعة انا بعت العربية وحجزت جين تو مانيوال وحستلمها يوم الخميس ان شاء الله قولولي اعمل ايه يا جماعة الله يكرمكوا
عرض للطباعة
يا جماعة انا بعت العربية وحجزت جين تو مانيوال وحستلمها يوم الخميس ان شاء الله قولولي اعمل ايه يا جماعة الله يكرمكوا
مبروك ,,,
بس حضرتك بتستفسر عن ايه بالظبط ؟
يعني اعمل ايه وقت الاستلام ابص على ايه اكشف على ايه كده يعني
اولا : الف مبروك على العربية
ثانيا : واهم حاجة متجريش بالعربية بعد الاستلام لان الفرامل مبتكونش مضبوطة وبتبقى ضعيفة جدا
ثالثا : انا هحكى لحضرتك الى انا عملتة ساعة الاستلام دا طبعا من رارء وكلام كل الاعضاء المحترمين الى هنا
1- كلمهم الاول وقلوهم ان حضرتك هتتفرج على لونين علشان يغسلوا اللونين وتقارن مابينهم على الطبيعة ( دا طبعا لو حضرتك محجزتش لون معين ) كمان دى بتخليك تقارن بين كل حاجة فى عربيت حضرتك والعربية الى جنبها ياعنى انا لما جيت استلم لقيت العربية فى فرق من نحية الباب والرفرف قلتلة مش هستلم لانها كدا مخبوطة قلى الجين كلها كدا ومصدقتش غير لما شفت العربية التناية والتالثة والرابعة
2- لف حولين العربية وشوف فيها خدوش من برة او اى شىء مش مريحك او حاسس انة مش طبيعى كمان افتح المريات واقفلهم واطمن انهم ثابتين مفيهمش حاجة والشبكة وكل الحاجات الى تحس انها مش ثابتة اطلب تغير العربية وارفض انك تستلمها وهو هيجبلك واحد غيرها خلال نص ساعة
3- من جوة العربية افتح شوف فى اى كلبس فاضى اومكان فاضى داخل العربية وحاسس ان فى حاجة مفروض تكون راكبة هنا اسئل عليها ومتقطنعش غير لما تشفها فى كذا عربية حتى شوفها فى عربية جاية تعمل صيانة كمان اتاكد من الكبوت فتحة وشوف العصايا الى بيقف عليها الكبوت موجودة ولا لا وبيبقى فى اخرها جلدة كدا شوفها لان كل الى بقول لحضرتك علية مكنش موجود وانا بستلم كمان شغل التكيف دققتين هو هيقول بلاش تشغلة بس حضرتك شغلة بردة واقعد فى العربية شوية شوف درجتة كويسة ولا
3- شغل المساحات ومياة التنظيف للزجاج الامامى والخلفى
3- كمان شغل الكاسيت على اذاعة القران الكريم علشان ربنا يبارك لك فيها ويحفظك جوها وجرب الكاسيت والسماعات كلها شوفها شغالة ولا لا
4- شوف الابواب بتفتح من السنتر ولا بتعلق شوف كمان الفتاح الاستبن عشان الاستبن بتاعى مكنش شغال وخليتة شغلة
5- افتح الشنطة ممكن تلاقى كلابسات ناقصة جنب المساعدين بتوع الشنطة اطلبها منهم ( هى عبارة عن خرمين بيتركب فيهم كلبسات )
6- شغال انور العربية كلها والاشارات وياريت يبقى حد معاك علشا يبقى شايف كمان شغل كشافات الشبورة وسيب التكيف شغال وشغل النور العالى وشوف الموتور لو لقيتة بيتفض والعربية برجلت بعد تشغيل التكيف والنور العالى انصحك غير العربية لنى والله العظيم ركبت 3 عربيات وانا بستلم الجين بتاعتى بحجة انى بسمع الشرح بتاع الاستلام وفى انا بستلم ركبت بيرسونا العربية كانت دايرة وشغلت التكيف الموتور صوتة على جدا وحاسيت انة اتحمل علية اكنة قاطر عربية تانية نزلت بعد الشرح جربت الموضوع دا عندى الحمد لله كان اقل من صوت البيرسونا بكتير انا مش عارف لية بس انا قلت لحضرتك الى حصل معايا بالضبط والله ( وخدباللك البيرسونا كانت فى الظل ياعنى مكنتش المروحة شغالة علشان محدش يقولى انها المروحة التبريد اشتغلت مع التكيف انا جربت كدا وكدا ومش عارف ايه السبب )
7- شوف السنسور بارك شغال ولا لا ياعنى وقف الصديق الى معاك وراء العربية وارجع وشوف السنسور بارك شغال ولا خد بالك وحضرتك راجع علشان صحبك اهم من العربية
8- لازم تحط بنزين بعد ماتخرج على طول لان اعربية مبيبقاش فى غير حوالى 8 لتر
9- حط مع حضرتك قلم وورقة فى العربية ودون فيها كل ملاحظات علشان تعملها ان شاء الله فى صيانة الالف
10 - متجريش بالعربية تانى علشان الفرامل وربنا معاك
بسم الله الرحمن الرحيم
السلام عليكم ورحمة الله وبركاته
أولاً ألف مبروك عليك ، ربنا يباركلك فيها و يمتعك بكل خيرها و يكفيك شرها
أنا فيه شوية نصائح جمعتها من أعضاء هنا و ربنا يكمرمهم كلهم ، يعنى للأمانة ، الموضوع يعتبر منقول :
هناك بعض النقاط عند استلام السيارة يجب على كل مشترى جديد مراعاتها والتركيز عليها
وقد حرصنا على تجميعها وتقديمها اليكم للمساعدة فى استلام السيارة بدون اى مشاكل او عيوب ظاهرية او جوهرية
1. حاول تستلم العربية بالنهار افضل من الليل عشان تبص على صاج العربية وتطمن انه خالى من اى خرابيش او خبطات
2. انزع عند الاستلام الورق الملزوق على صاج السيارة سواء اللى على الكابوت او على السقف , وذلك للتاكد من بوية السيارة سليمة ولالا , لان الورق ده ممكن يكون مدارى تحت منه فرق لون لا قدر الله
3. شيك على الزجاج الكهرباء كله , وتاكد من فتحه وقفله , و تشوف هل فى صوت تزيق او اى مشكلة فى الزجاج لقدر الله
4. جرب الكاسيت وشوفه شغال ولالا , ومتنساش تسال هل بيجى معاه وصلة يو اس بى مثلا وليه ريموت ولالا بردوا , وياريت تكون واخد معاك اسطوانتين من نوعين مختلفين عشان تجرب الاتنين زي سوني وال جي مثلا, عشان محدش يتلكك ويقولك الاسطوانات نوعها وحش , وكمان خلى معاك فلاشة فيها قران مثلا اذا كان ينفع توصلها عليه
5. اسال على الضمان بتاع السيارة وضمان الكاسيت والكتالوج بتاع العربية
6. شيك على الروافع مثل : الولاعة بتاعت العربية وطفاية السجاير وعلى الاريال
7. شيك وبص على المياة بتاعت السيارة من ميه مساحات والقربة والردياتير والبطارية عشان بس لو فى حاجة نقصة مش تمشى على عماك وتزودها فى اقرب مكان
8. اتاكد من وجود الاستبن (الكاوتش الاحتياطى )
9. نبص على شنطة العدة
10. نقعد على الكراسى اللى قدام ونحرك فيها لقدام وكمان لورا عشان نشوف هل فيها اى مشكلة ولالا , وكمان احزمة الامان
11. تشغيل الانوار كلها ونجربها سواء الانوار الداخلية جوة السيارة من نور الصالون والطابلوه ومن بره الفوجات والكشافات الامامية ولمبة الاستوب والفوانيس الخلفية
12. تتاكد من عمل المساحة وتشغل المياه بتاعت المساحة كمان
13. تفتح الابواب الاربعة والكابوت والشنطة وتشوفهم بيفتحوا ويقفلوا بسهولة ومفيش مشكلة فيهم ولالا
14. نتاكد من ان السنتر شغال ونتاكد من الريموت شغال ولالا
15. ركز فى استلام المفاتيح , فى عدد المفاتيح والريموت اللى بيجوا مع السيارة
16. نبص على عداد الكيلومتر واهم حاجة انه لايزيد عن 70 كيلو وكدا كتير كمان
17. التاكد من ان التكيف شغال ,لانك حتشغله بعد 500 كيلو فتكون مطمن ان مفيش مشكلة .. كفائته مش حتكون قوية لان العربية لسه جديدة ومش حيبان تبريده فى اللحظة دى لانك حتشغله لمدة دقيقة او اتنين بالكتير عقبال ما ترغى مع البائع ,المهم عشان بس تكون مطمن ان كل حاجة تمام .. وتاخد بالك هل فى اى قلق وهى واقفة ولالا مع تشغيل التكيف
18. اتاكد من ان الماتور صوته ناعم وهادى فى بداية التشغيل
19. حرك الدريكسيون يمين وشمال عشان تتاكد من عدم وجود اى مشكلة وصوت تزيق , وكمان شوف ظبط الدريسكيون لفوق ولتحت اخباره ايه
20. سخن السيارة وبعد ماتسخن اتاكد من ان المروحة اشتغلت بتاعت الرديايتير ولالا
21. اذا كان السيارة فيها فتحة سقف , نطمن انها شغالة وكله تمام
تأتى خطوة التليين كاهم خطوة تلى استلام السيارة كما ذكرنا حيث ان قيادة السيارة فى تلك الفترة تؤثر على اداء السيارة
الجيد طيلة فترة قيادتها فيما بعد
ولهذا فقد حرصنا على عرض كل المعلومات المفيدة والخطوات التى يجب علينااتباعها فى تلك الفترة
فى عدد من النقاط التالية :-
1- بعد ما تخرج من المعرض وتركب السيارة وتقرا ادعية مباركة ان ربنا يحفظك ويكفيك شر الطريق تذهب الى محل كاوتش وتظبط ضغط الكاوتش على المقاس المكتوب فى قايم السيارة , ويفضل بعد ملئ الكاوتش تروح عند كام محل اخر للتاكد من ان المقاس مظبوط اللى نفخت بيه الكاوتش , اصل احيانا والله بتلاقى كل واحد عنده مقاس ممكن يختلف عن التانى ويقرالك القياسات غلط , حتى لو كان ديجيتال ,, لان مهم جدا جدا انك تظبط المقاس صح , لان احيانا لو فى خلل فى قياس الكاوتش بيأدى الى بطى فى سحب العربية وايضا ممكن يؤدى الى حدف يمين او شمال للسيارة واستهلاك بنزين حاد
2- يفضل جدا ملئ الكاوتش نيتروجين افضل من الهواء و وذلك لانه يطول عمر الكاوتش ويحافظ عليه كما ايضا يساعد على استهلاك افضل للبنزين , واداء افضل وانعم للعفشة وله فوائد كثيرة
3- التليين الجيد يجب ألا تتعدى سرعة لفات المحرك ال2500 لفة/ دقيقة, أو ال3000 لفة/ دقيقة بحسب قدرة المحرك, وتجنب الحرق على الغيارات والكيك دون
4- مدة التليين أساسية هى تقريبا 1000 كيلو أو حسب السيارة , و يتم بعدها تغيير زيت التليين (و يتم تغييره بعد فترة قليلة لأنه يحمل رايش البساتم وبرادات حديد ) , ثم تستمر التليين والقيادة الهادئة بعدها الى 3000 الاف كيلو لكن بمحاذير أقل.
التليين ليس فقط هام بالنسبة للماتور فقط , ولكن هام جدا لجميع اجزاء العربية وذلك لكى تطبع بعضها على بعض تأخذ كل قطعة موقعها الطبيعي بعد الإحتكاك الميكانيكي .
5-التكييف تشغله عادي مافي اي مشاكل بس حاول يكون بعد 500 كيلو .
6- يفضل في فترة ال-500 كم من عمر السيارة انه ممكن تقرص على الغيار بس خفيف جدا مش بعنف ويكون بتنوع مش باستمرار ويفضل لو قرصت على الغيار توصل الاربى ام الى 4000 مش اكتر من 4500
وده عشان بس تفتح السيارة والماتور ,وده زى ما ذكرنا من بعد ال500 كيلو ومش كتير كمان (يعنى مش بعنف وحرق مستمر)
7- يجب تجنب أن تعامل السيارة فى السلانسيه فترة طويلة أطول من عدة دقائق, فإذا طال الانتظار فى إشارة ولا تتوقع السير لبعض الوقت أطفئ المحرك أثناء فترة انتظار حركة المرور..والسبب فى ذلك يرجع إلى أنه من الصعب على أى طلمبة زيت أن تغطى جميع أجزاء المحرك فى السلانسيه فينخفض ضغط الزيت بين الأسطح المتحركة
مما يتسبب فى اختراق قمم هذه الأسطح لطبقة الزيت لتؤذى بعضها البعض كما أن المحرك الجديد ليس عليه أى رواسب يمكن أن يعلق بها بقايا الزيت مما يجعله جافا باستمرار.
8- ويجب ألا تزيد سرعة السير فى الفترة الأولى لإستخدام السيارة عن 100كم/ساعة وربما يكون ذلك صعبا ولكن تحمل ذلك وأصبر عليه.
9- تجنب السير على سرعة ثابتة واجعل سرعتك ما بين 30كم/ساعة و 100كم/ساعة كلما أمكن ذلك عندما تتاح لك الفرصة وبحيث لا تكون على حساب القيادة الآمنة على الطريق.
10- تجنب الفرامل المفاجئة خصوصا فى الفترة الاولى فى التليين قبل ال500 كيلو الاولى وذلك لتطبع الفرامل مع الطنابير
11- تجنب الحمولة العالية فى السيارة وبلاش تقوم بجر عربية اخرى فى فترة التليين.
12- تجنب الطرق الوعرة والمطبات لأن القيادة فى هذه الطرق تخلق سحابة من الغبار الناعم الذي يمكن أن يسحبه المحرك من خلال فلتر الهواء وتقوم ذرات هذا الغبار أو الرمال الناعمة بالعمل كصنفرة بين الأجزاء المتحركة للمحرك.
13- تجنب المشاوير القصيرة فى فترة التليين لأن المحرك يأخذ مسافة طويلة حتى يمكن توزيع الزيت علي جميع أجزائه , فإذا كانت المشاوير قصيرة بإستمرار نجد أن بعض أجزاء المحرك لا يصل إليها الزيت نهائيا وسوف تتآكل سريعا.
14- فترة التليين يجب أن تكون فى مشوار واحد كلما أمكن ذلك أو عدة مشاوير لا يقل الواحد عن200 كم ولا توزع فترة التليين على عدة أسابيع.
15- سخن السيارة قبل ما تتحرك خصوصا فى فترة التليين والفائدة من ذلك هو انك بترفع حراره الزيت شويه لان الزيت لما بيكون بارد فيسبب اختلاف في وزن البساتم وده يؤثر على المدى البعيد في عزم السيارة .
بس اذا انت مستعجل وحابب تطلع بالسيارة من غير ما تسخنها يبقا متدوسش على طول وتجرى وخلي السيارة تمشى واحدة واحدة مسافة 2 كيلو مثلا .
16- لا تقم بالقيادة على سرعة واحدة لفترات طويلة , سواء كانت السرعة عالية أو منخفضة .ولذلك يجب تغيير سرعة المحرك لتليين المحرك بشكل مناسب.
17- لا تترك المحرك في وضع التباطؤ أكثر من 3 دقائق في المرة الواحدة.
18- كلما أسرعت في إنهاء فترة التليين كان ذلك أفضل لك ولماتور سيارتك
19- بعد ما تغير زيت الالف وتعمل الصيانة الاولى على خير وتحط زيت 10 الاف او حتى 5000 كيلو حتلاحظ وتجد ان صوت الماتور بقا انعم , وادائه اتحسن الى الافضل واستهلاك البنزين بيتحسن للافضل فى الفترة الاولى من الالف الى 5000 كيلو.
20- بعد فترة التليين ارفع السيارة وأكشف عن أى تسرب للزيوت أو مياه التبريد وقم بتربيط العفشة واحتمال تكون العربية محتاجة ظبط زوايا .
ربنا يوفقك و يكرمك بيها يا رب ، و للأمانه مرة أخرى الموضوع منقول ، عشان كمان إدارة المنتدى
بالتوفيق ان شاء الله وخد بالك من كلام الزملاء علشان تنفذه وانت بتستلم ان شاء الله وربنا يديك خيرها ويكفيك شرها
شكرا يا باشا علي الرد لانك افدتني انا كماناقتباس:
المشاركة الأصلية كتبت بواسطة shshtawy
ربنا يكرمك والله شكرا على النصايح دي كلها وان شاء الله استام على خيراقتباس:
المشاركة الأصلية كتبت بواسطة shshtawy
شكرا يا باشا والله تسلم ايدكاقتباس:
المشاركة الأصلية كتبت بواسطة diablo1978
انا كنت قريت الموضوع دا وقعدت ادور لاستاذ الى بيسئل علية ملقتوش بس كويس ان حضرتك لقيتة لانى كنت عمال اعصر دماغى مش فاكر اى حاجة لانى كنت جعان بصراحةاقتباس:
المشاركة الأصلية كتبت بواسطة diablo1978
والف مبروك تانى على العربية ومتنساش تقلنا عن الاستلام وظروفة
مبروك يا باشا و تستلم على خير .
الله يبارك فيك يارباقتباس:
المشاركة الأصلية كتبت بواسطة tutankhamoun
مبروك وربنا يباركلك فيها....معلش استفسار هي عاملة كام مانيول واتو ومنين؟
شكرا
الف مبروك مقدما, و كويس انك جبتها مانيوال, هتلاحظ فرق غريب في السحب عن الماروتي.
ياه روحت لقيت العربية واقفة قلبي انشرح كده قولت ياه بس للاسف مستلمتش العربية لان التكييف طلع مش شغال فبسال الراجل راح قالي علشان البنزين ضعيف بصراحة صدقته قولت من جوايا اروح احط بنزين واجي لقيت واحد صاحبي معايا بيقولي الموضوع مالوش دعوة قولتلوا طب تعالى نشوف عربية تانية شوفنا برسونا التكييف تلاجة راح قايلي استلمها وروح عند امير حوزيف مش عارف مين امير جوزيف قولت لا طبعا قالي طب تعالي نجيب كهربائ قولتلوا ايه يا عم الكلام ده هو انا واخد عربية مستعملة وواحد من نفس المعرض قال نفس الكلام الراجل يا خد عربيته شغالة فيها كل حاجة وطبعا رفضت الاستلام ف الاخر اتفقنا حنروح التوكيل يوم السبت ومعايا الراجل الي مسئول عن العربيات وربنا يسهل
نصايحكوا يا شباب
المانيوال 104 والاوتو 110اقتباس:
المشاركة الأصلية كتبت بواسطة sharksama
من معرض اسمه الاحمدي في شارع داكر حسين في مدينة نصر
يا راجل انت بتتكام ف ايه انا بس بس جبت بيها الاول كانت حاجة ما شاء الله ما شاء الله يعنيىاقتباس:
المشاركة الأصلية كتبت بواسطة raul_7
بس عايز اعرف حاجة هو السنسور صوته مكانش عالي قوي ده كده طبيعي ولا
الف مبروووك وربنا يباركلك فيها ويديك خيرها
الف مبروك ياباشا وربنا يكفيك شرها ويديك خيرها ومتاخدش العربية غير لما تكون متظبطة مية مية ومش ملعوب فيها انت بتشترى جديد وان معجبتكش شوف اتوماجد انا شارى منهم عربيتى مانيوال بصراحة ناس محترمين مع انهم تعبونى فى الاجراءات بس همة معزورين وعندهم مركز صيانة لبروتون فى جسر السويس وبالتوفيق
والله ربنا يسهل ان شاء الله حروح بكرة مع الراجل التوكيل ونشوف ايه الاخبار يارب تكون على خير واستلم بقهاقتباس:
المشاركة الأصلية كتبت بواسطة amrrageb