السلام عليكم ، استفسار هام للخبراء

السلام عليكم

تحية طيبه وبعد

ليا فتره نفسي احيب عربيه الماني ودائما كنت معجب بالاوبل استرا

بفكر اشتريها مستعمله ولقيت عند واحد معرفه اوبل استرا هاتش باك 2008 بيقول انه بيبعها علشان الشنطه ضيقة وعايز حاجه شنطتها اوسع ، هيا فابريقة ومش عامله كيلوهات كتير بتهيالي ممكن اعرف سعرها كام ؟

وثانيا واهم نقطه بالنسبالي ، دايما بسمع ان الاسترا بتسخن ايه رايكم في الموضوع ده وهل ليه حل ولا لا ؟ يعني هل هعاني منها في الصيف ولا ايه ؟ انا مستغرب ان الراجل اشتراها في الشتاء وبيبعها في الصيف ههههههههه


ثالثا واهم نقطه انا سمعت عن مشاكل كبيره جدا في الفتيش الايزي ترونيك ، سمعت ان كل شهر ونصف تقريبا هدفع ثمن فتيس جديد والافضل اشتري مانويل ، لاما اخد بالي جدا ومحرقش علي الفتيس سواء علي sport or manual بس انا اوقات احب اجري واحرق واوقات ممكن تسخن مني ، معني كده انها هتبوز كتير مني ؟

ياريت اعرف رايكم في الموضوع ده بالتفصيل لان انا محتار اوي بجد ونفسي اجيبها بس خايف من المصاريف ، لان لو كده طبعا المصاريف هتكون عاليه عليا ومش هقدر عليها فانا في انتظار ردودكم وشكرا

السلام عليكم

راجع المواضيع المثبته ل ا/ احمد فهمي و ا / احمد عاشور

شكرا علي ردك وانا قريت فعلا وواضح ان استرا 2008 ناقصه كتير بس هل ده معناه اني ادور علي 2007 احسن فعلا ؟ اجيب موديل اقدم يعني ؟

علي العموم في انتظار اراء الاعضاء الي جربو عشان ينصحوني اعمل ايه

شكرا

?????????????????????????????????????

معقول مفيش واحد عنده اي معلومات عن مشكلة السخوونه والفتيس في الاسترا ؟ مفيش ملاك استرا ؟

جميل جدا التفاعل في المنتدي الاكثر من رائع ، انا غلطان لاني افتكرته اكبر منتدي في العربيات

فعلا االمنتدي مش بحجمه نهائيا ،المنتدي بالتفاعل والناس الي فيه ، فيه منتديات صغيره لكن بتكون مليانه تفاعل والاهم ناس محترمه يعني انا عمري مابخلت علي حد بمعلومه في المنتدي بتاعي الخاص بمجال اخر

يلا هروح علي منتدي اخر وهدور علي اصغر منتدي واكيد هلاقي فيه تفاعل واحترام اكثر من ذلك ، اول مره اشوف حد بيبخل بالمعلومه للدرجه الفظيعه دي علي العموم شكرا ، اول واخر يوم في نيل موتورز

الناس هنا كلها محترمه و لله الحمد
بس الفرق مابين المنتدي هنا و بين اي مكان تاني ان هنا مفيش ناس بتفتي و تلت و تعت في الكلام عالفاضي و يبقي عندك 100 مشاركه متخرجش منهم بحاجه مفيده
و الناس هنا بتخدم بعض لله بدون اجر او مصلحه من حد فلما حد هيرد عليك هيديك المفيد عن خبره و تجربه
اهم حاجه انك تقدر ظروف غيرك شويه لانك متعرفش كل بيت فيه ايه !!!!!

يا اخى انت لسا عامل الموضوع من 6 ساعات هو حد لحق يرد او يشوف الموضوع حتى
وبعدين الناس هنا محترمة غصب عن حضرتك
اقولك على حاجه " توكل على الله و روح مترح متروح "

اقتباس:

---

المشاركة الأصلية كتبت بواسطة romiobasha

يا اخى انت لسا عامل الموضوع من 6 ساعات هو حد لحق يرد او يشوف الموضوع حتى
وبعدين الناس هنا محترمة غصب عن حضرتك
اقولك على حاجه " توكل على الله و روح مترح متروح "

---

الاحترام واضح مش هقول اكتر من كده


no comment

اقتباس:

---

المشاركة الأصلية كتبت بواسطة ahmed-elsayed

جميل جدا التفاعل في المنتدي الاكثر من رائع ، انا غلطان لاني افتكرته اكبر منتدي في العربيات

فعلا االمنتدي مش بحجمه نهائيا ،المنتدي بالتفاعل والناس الي فيه ، فيه منتديات صغيره لكن بتكون مليانه تفاعل [overline]والاهم ناس محترمه[/overline] يعني انا عمري مابخلت علي حد بمعلومه في المنتدي بتاعي الخاص بمجال اخر

[overline]يلا هروح علي منتدي اخر وهدور علي اصغر منتدي واكيد هلاقي فيه تفاعل واحترام اكثر من ذلك[/overline] ، اول مره اشوف حد بيبخل بالمعلومه للدرجه الفظيعه دي علي العموم شكرا ، اول واخر يوم في نيل موتورز

---

لا حول ولا قوة الا بالله

اقتباس:

---

المشاركة الأصلية كتبت بواسطة haitham2011

الناس هنا كلها محترمه و لله الحمد
بس الفرق مابين المنتدي هنا و بين اي مكان تاني ان هنا مفيش ناس بتفتي و تلت و تعت في الكلام عالفاضي و يبقي عندك 100 مشاركه متخرجش منهم بحاجه مفيده
و الناس هنا بتخدم بعض لله بدون اجر او مصلحه من حد فلما حد هيرد عليك هيديك المفيد عن خبره و تجربه
اهم حاجه انك تقدر ظروف غيرك شويه لانك متعرفش كل بيت فيه ايه !!!!!

---

ياهيثم ده الي اقصده عن الاحترام المتبادل ان احنا نخدم بعض بدون اجر زي ماانا بخدم كتيييييييير جدا وفي حاجات اكثر من مجرد معلومه عن سيارة سوقتها وعادي جدا عمري مااعتبرتها جميله حتي لان هوا ده الطبيعي ، الانسان الاناني الي بيبخل المعلومه مالوش احترام عندي بصراحه ومالوش لازمه ، وجوده زي عدمه ومن سبب تاخر مجتمعنا ان الناس مش بتشارك وتساعد حتي بالمعلومه !!!!!!!!!!!! عايز اقولك اني لما بسافر بره مصر بلاقي كل الناس من مختلف الجنسيات مع وبيقفو مع بعض حتي لو بيكرهو بعض وعندهم مشاكل داخليه ، انما المصريين لو يعرفو يضرو بعض هيضرو ومن غير سبب ، انما الناس تبخل انهم يكتبو كلمتين دي فعلا حاجه غير متوقعه وقلة تعاون ده سبب وصوره من صور تاخرنا المجتمعي بسبب قلة المشاركة والتعاون بين الافراد ، لو ده اكبر منتدي والموضوع نازل من الفجر ومفيش اي تفاعل ولا رد واحد ده معناه ايه ؟ حوالي 100 مشاهده في قسم الاوبل ومفيش رد واحد ؟ مش معقول كل الناس الي علي المنتدي ده عندهم ظروف في نفس الوقت تمنعهم من كتابة كلمتين ، علي العموم انا زهقت وفعلا كتبت علي منتديات اخري ووجدت ردود ولله الحمد والمفروض استني كام يوم مثلا علي ماالاقي رد تكون العربية اتباعت ؟ دي مجرد معلومه صغيره جدا بس هقول ايه احنا شعب يحب الرجعية جدا ومفيش احترام ولا تعاون بين الافراد للاسف

انتا رديت بالي تعرفه وانا شكرتك علي كده وسمعت نصيحتك وبالتالي استفدت لكن الاهم طبعا اسال مجرب ولا تسال دكتور !!!!!

علي العموم بشكرك مره اخري وعلي ردك المحترم جدا

يا باشا شرفتنا والله
و ربنا يكرمك
تم اغلاق الموضوع نهائياً
عشان الحمد لله معندناش بخيل