عرض للطباعة
انا بفضل الله معايا النترا الجديده 2013 بقالها
شهرين وربنا يحميها يارب عملت بيها تقريبا 3000 كيلو
فقط والحمد لله كله تمام ولكن كنت سمعت عن زيت
بيتحط مع البنزين وانا بفول العربيه اسمه غريب اوى
بيتضاف مع البنزين علشان ينقى البنزين والله اعلم
عايز اعرف هل فى حاجه بالاسم ده او بالشكل ده والا لا
ولو فى اسمها ايه وفوايدها وبتتحط كل قد ايه بالظبط
وهل فى اضرار والا لا
واسف جدا للاطاله واى حد عايز اى معلومات عن العربيه
انا تحت امره فى اى وقت على الخاص او على العام
موش زيت مع بنزين فى حاجة اسمها منظف انجشكن ودى بتحطها مع تفويلة البنزين علشان تنضف الرشاشات ودى بينصح انك تحطها كل خمسة الاف كيلو
وفيه منها انواع افضلها stp ، وابرو ، وليكوى مولي واسعارهم متفاوته وفيه منهم برده منظفات انجكشن بتغسل دورة الوقود كلها ودى بتتحط كل 10.000 كيلو
وفيه حاجة تانية اسمها محسن اوكتان أو اوكتان بوستر ودى وظيفته رفع الرقم الاكتينى للبنزين ووظائف تانية
بس انا لا انصح انك تجيب من البنزينة عشان دول عاوزين يبيعوا و خلاص، فى اماكن موثوق فيها و بتبيع انواع محترمة و بس
كل ده صحيح .............. ولكن عربيتك لسه جديده وبدرى عليها الحاجات دى واهم حاجه تمون من بنزينه تثق فيها وده على قدر الإمكان .
مبروك عليك جميلة الجميلات ألنترا md , و أهلا بك معانا في قسم نجوم هيونداي
بداية أنصحك أنك تطلع علي الرابط الخاص بموضوعات الالنترا بالفهرس العام لموضوعات القسم
http://www.nilemotors.net/Nile/277467-md.html
أما بخصوص منظف الرشاشات أو دورة الوقود فكتالوج السيارة مكتوب كل 5,000 كم و لكن من الممكن أستخدام نوعيات أخري كل 10,000 كم عقب كل صيانة عند تفويل التانك
أهم حاجة أنك تتحري الدقة في المحطات اللي بتمون منها و أنا شايف أن أفضلهم علي الترتيب :
1- شل
2- أمارات مصر
3- توتال
4- موبيل (بس مش أي موبيل برضه)
و حاول تبعد عن محطات البنزين اللي فيها غسيل سيارات لضمان عدم وجود مياه في خزانات البنزين خاصة مع وجود أزمات بنزين و نقص بنزين
اقتباس:
المشاركة الأصلية كتبت بواسطة khaabas
حسبى الله .. انا معملتش اى حاجه من الحجات دى ومعرفش عنها اى فكره ليه مقلتوش يا جماعه انا ماشى دلوقتى 30.000 ااعمل ايــــــه :waaaht:
اقرا الكتالوج يا برنس هتلاقى بيقول حط منظف انشجن كل 5.000 وخاصة الشرق الاوسط :)اقتباس:
المشاركة الأصلية كتبت بواسطة elmo7amed
هات منظف من الانواع اللى انا قولت عليه ونظف الدورة وخليها بصفة دورية
يا ريت يا تقولي صفحه كام في الكتالوج عشان قرأته كتيير لم أجد هذه المعلومة بتاتا :L_bhuhhh[1]:اقتباس:
المشاركة الأصلية كتبت بواسطة khaabas
هتلاقيها في صفحه الصيانه الروتينيه بيوصي باستخدام منظف لو البنزين غير مطابق للموصفات الاوروبيه وهتلاقيها في قسم الصيانه 7 بس عرييتنا لسه جديده وبنزين 92 مطابق للموصفات انا بصراحه مبستخدمش اي اضافات للعربيه والعربيه تمام معايا في السحب وشكرااقتباس:
المشاركة الأصلية كتبت بواسطة toty_305
-شكرا قوي على المعلومة :iloveu:اقتباس:
المشاركة الأصلية كتبت بواسطة john55
-أنا أصلا مش مقتنع بالحجات دي أنا أغير زيت و فلاتر و أطلع على طريق سريع 10-15 KMs و أ Drive it like I stole it العربية بتبقى فايقة جدا أحسن من 100 منظف :nemoflow:
مش مشكلة ماتقلقش خالص ... الألنترا حمالة قسية و تستحملاقتباس:
المشاركة الأصلية كتبت بواسطة elmo7amed
أبدأ من دلوقتي و هات منظف كويس و استخدمه
لو جيت مقابلة الجمعة الجاية هأشرح لك أزاي تجيب المنظف ده و أزاي تستخدمه
http://www.nilemotors.net/Nile/363189-6.html
اقتباس:
المشاركة الأصلية كتبت بواسطة samir elshahawy
انا كان نفسى اجى علشان اشوف حضرتك ويكون لى الشرف بس مش حقدرحكون فى اسكندريه وياريت حضرتك تعملنا موضوع خاص بالاضافات دى علشان تعم الفائده
هو فعلا سبق أننا عملنا كذا موضوع عن الاضافات دي و يمكن أخرهم الموضوع اللي اتعمل عن صيانة ال 40,000 كم للألنترا الجديدة كان فيه جزء مخصص عن الصيانات الخاصة بدورة الوقود و الاضافاتاقتباس:
المشاركة الأصلية كتبت بواسطة elmo7amed
لكن مع ذلك أوعدك أني أعمل موضوع جديد مجمع عن الاضافات دي و أنواعها