الموضوع: شوية مشاكل هتجنني في العربية

المشاركة الأصلية كتبت بواسطة zamalekwebas

اولا السلام عليكم وكل سنة وانتم طيبين بمناسبة قرب حلول شهر رمضان

ثانيا المشاكل هتجنني وحاسس ان الميكانيكي مش عارف يوصل او مكسل يوصل


1- العربية بتنتش في كل الغيارات بلا استثناء ودواسة البنزين لازم افعصها للاخر والا هتفضل تنتش
2- الرادياتير طول ما العربية راكنة بيفضل مليان اول ما امشي المية بتقل بسرعة رهيبة ولما بفتح عشان ازود اشم من الرادياتير ريحة بنزين ني
3-انا لسة مغير طقم دبرياج لوك البلية صوتها شنيع اول ما ادوس دبرياج الصوت يروح قالوا لي زود زيت زودت و لسة الصوت زي ما هو
4- العربية بتجري ما شاء الله لكن كل ما ادوس بنزين احس بضجيج شنيع حواليا مش عارف جاي منين
5- و انا واقف العربية بتترج بغباوة
6-دائما فيه بوش في دواسة البنزين
7- موقف حصل مرتين ان العربية تبطل خالص وتحلف بالله ما تقوم الا بعد شوية وتقريبا بكون زودت مية او العربية بردت

انا هتجنن ونفسي اوصل للعيوب لاني قربت ازهق

[frame="9 10"]بالنسبة للمشاكل ارقام ,1,2,4,5,7
راجع في مية بتخرج من الشكمان ولا لا كمان راجع فى زيت او اى مواد شبة زيتية على غطاء الردياتير و لا لا
لو الاجابة نعم
العربية فيها جوان وش سلندر مقطوع او مخروم او منفس و النتيجة واحدة لازم تخلى الميكانيكى يغير الجوان و فى الغالب حيودى الوش السلندر الى الخراط للمسح قبل اعادة التركيب
بالنسبة للمشكلة رقم 3
لازم تغير البلية مرة تانى و يكون من نوع نظيف او اصلى و بلاش الصينى
بالنسبة للمشكلة رقم 6
ممكن تكون من سوستة الدواسة او من شداد الكربرتير او من سلك الدواسة للبنزين
ومعلش واضح ان الميكانيكى الى معاك ..................
غيرة و اسئل على اى حد تانى محترف اكتر منة
فى النهاية
تقييمى لحل المشاكل يصلح لاغلب السيارات الفيات من 131,132,127, ............. و من فى مستواهم
ولا يصلح فى الغالب للسيارات الحديثة
اتمنى وضع نوع السيارة التى بها المشاكل و سنة الصنع للتاكيد
وموفق بعون الله[/frame]