العربيه لانوس 2004 معايا من 9 شهور
العربيه بتاكل زيت كتير وشكلها دخلها على وش سلندر
بفكر ابيع وبسبب المطبات
عاوز اجيب اسبرنزا هتبقى فى نفس السعر وموديل سنه اعلى وعربيه واسعه وامكانيات هايله
ارجو الافاده
عرض للطباعة
العربيه لانوس 2004 معايا من 9 شهور
العربيه بتاكل زيت كتير وشكلها دخلها على وش سلندر
بفكر ابيع وبسبب المطبات
عاوز اجيب اسبرنزا هتبقى فى نفس السعر وموديل سنه اعلى وعربيه واسعه وامكانيات هايله
ارجو الافاده
مش موافق
حد يبيع عربية موتورها صممته جنرال موتورز أكبر شركة سيارات في العالم ، ومعمر جدا
عشان يشتري حاجة أقل في الجودة
لو هتسقط موتور استيراد أفضل ، من وجهة نظري
وانتظر ايضا رأي الزملاء أصحاب الخبرة
ايه علاقة وش السلندر بأكل الزيت ؟
مهو يا اما الشنبر ضعف يا اما البساتم سلخت يا اما عندك تسريب زيت و انت مش عارف يا اما بتحط زيت بيتبخر
ده بالنسبة لأكل الزيت
بالنسبة للمطبات ركب علايات و متجريش بعد ما تركبها فوق ال 120 و خلي بالك في الملفات
بالنسبة للاسبيرانزا
عربية حقيرة
هقولك حاجة واحدة بس
راجع علامات الدايو والاسبرنزا في اختبارات السلامة الاوربية وبعدين اتكلم
مش معاك طبعا مينفعش تغير من دايو الى سبرانزا
حل مشكلة الموتور وانا اعرف ان موتور الدايو صيانة كويسة وبيعيش او سقط موتور استيراد
بالتوفيق
مع احترامي ليك يا استاذ طارق
الدايو ساقطة اختبارات السلامة الأوربية والي نجحت هيا الاسبرانزا
كفاية كمان حدثة الاسبرنزا الي كنت علي كوبري اكتوبر ووقعت والناس الي فيها طلعت سليمة دي طبعآ مش أختبار بس الاختبارات الحقيقية اهي
اختبار الدايو
[youtube]http://www.youtube.com/watch?v=HveTBVrWvoE[/youtube]
وده اختبار اسبرنزا
[youtube]http://www.youtube.com/watch?v=WHDvdo3h3b8[/youtube]
المشكلة كلنا مقدرناش نفيد العضو بي مميزات كل وحده وعيوبها
بي النسبة لي الاسبرنزا عربية عزمها اشد من الدايو عظمها اقوي من عظم الدايو
ثابتها أفضل من الدايو
عيوبها بعض قطع غيارها غير متوفرة وعلي سبيل المثال عندك الكوتش الي جي من الماتور لي علبة الهواء مش موجود ولو لقيتة هتلاقية اغلي من قيمتة
وكمان ماتورها بيفوت بسرعه ولي الاسف لو الماتور اتفوت العمرة مابتنفعش معاه عكس الدايو وغير ان عفشتها ضعيفة والناس بتغيرها بعفشة تيوتا او لانسر وكمان لما الماتور بيفوت بيشلة الماتور ويحطة ماتور لانسر 1600 لي ان القواعد وحده بس كل ده هيخليك تصرف كتير عكس انك ممكن تشتري شورت بلوك لي الدايو بي 1700 جنية علي ما اعتقد او اقل
وكمان سعر اعادة البيع لي صالح الدايو
وافضل لك لو هتبيع الدايو هات حاجة الماني او ياباني بلاش صيني خالص
نفسي افهم وصف حقييرة ده يعني قصدك مثلا بتشتم بالفاظ نابية ولا مسكتوها ماشية مع فولفو ولا اتقفشت مع مرسيديس في وضع مخل ؟؟؟
عربية
صاج ناشف
فرامل احسن من اي عربية تانية
ثبات ولا الالماني
الحمد لله بجيب ال200 كيلو في الساعة من ساعة ما جبتها لحد الان بعد 4 سنين كل ما اطلع علي الساحل
كذا حادثة و اخرها اكصدامات انما ولا الهوا في اساس العربية
ركن دائم و ابدا علي الرصيف الحكومي و ولا الهوا في العفشة ... الحمد لله
اوبشن ولا الاحلام والحمد لله مفيش حاجة باظت
لو كده حقيرة فياريت كل حاجة في حقارة الاسبيرانزا يا اخي...
الحمد لله معايا m11 من 9 2009 و لو رجع الزمن هجيبها تاني ....
مع العلم اني ركبت لانسر و لانوس و هيونداي و اوكتافيا و بي ام ... فاضلي فولفو و مرسيديس و اودي وابقي مش عايز حاجة تاني
انا 2 من جيرانى جايبنها وركبتها معاهم انهارده وبصراحه بسم الله ما شاء الله ناعمه وواسعه وتكييف ثلاجه وامكانيات جميله ....بس مجرد انها صينى الناس عماله تقولى لا بلاش بصراحه انا لسه بدرس الموقف
نصيحة من اخ :
ال 516 انا جربت العربية دي في طريق سفر ( الفيوم )
العربية مريحة و اوبشن بالعابيط و abs و حركات و ثبتها حلو لحد 130 او 140 مش اكتر
مقابل دة بقي : سحبها ضعيف اوي علي الاول و التاني بطريقة غريبة الا اذا حرقت جامد لحد 4 Rbm و ياسلام بقي لو مشغل تكيف تبقي عايز تقوم تضرب الموتور بالكوربك عشان تتحرك
و العفشة ناشفة جدا
و اكيد الموتور بيفوت بسرعة عشان الحرق الكتير ( و علي فكرة مش فكرة انك لازم تحرق عشان تسحب ... لا العربية بتعود فترة عقبال ما تجمع لحد 4 rbm )
و بالنسبة لل m11 : و الله والله العربية دي مع جاري من الزيرو 2010 عاملة 32000 الف كيلو
غير 4 مساعدين و علبة دركسيون و مارش و الازاز بتاع السواق كان بيقع و كان بيزنقو عشان بحاجة عشان مايقعش و كان بيقلي انا حاسس اني هانزل في يوم مش هالقيها بسبب الموضوع دة
و لما راح الضمان كانوا يخلوه يسيب العربية عقبال ما قطعة الغيار تيجي و يلو دراعه لحد ما يزهق و يروح يخدها
و علي فكرة و الله بعها ب 40000 الف و وراني العقد عشان انا ماكنتش مصدق لدرجة اني كنت عايز اخدها ليا ( العربية كانت برة و جوة )
طبعا المعتاد هنا في المنتدي اول ما حد يقول رأية الشخصي البحت في اي عربية يقوم اي عضو اخر راكب العربية دي داخل منفعل و الحق يا جدع الراجل بيشتم في العربية اللي انت راكبها و الدنيا تقوم !!
بالنسبة لرأيي في الاسبيرانزا فده رأي شخصي مبني علي حاجات كتييييييييييييييير زي اللي العضو المحترم دخل قالها في المشاركة اللي فوق من ناس قرايبي و اصحابي و تاكسيات ركبتها
لما كنت بدرس كورس Project Management كان بينضرب بالاسبيرانزا المثال علي انعدام الجودة !!!! و سبب ضرب المثال بيها ان حتي علي الاقل مش كل الناس بتشتكي من حاجة معينة واحدة فقط و بتتغير وخلاص لا ده كل واحد بيشتكي من حاجة شكل !!!!
اللي يقولك الموتور اتكسر (انا شوفت 2 بنفسي والله العظيم) و اللي يقولك الباب الشمال الزراير بتاعته بتبوظ و اللي يقولك لا العربية مفيهاش مشاكل و اللي يقول العفشة بتبوظ و اللي يقولك علبة دركسيون و اللي يقول ال ABS بيبوظ !!!
كل واحد بيشتكي من حاجة شكل و التوكيل بيلاعب كل الناس !!!
الاسبيرانزا كانت من احد اهم الاسباب ان سعر مواتير الانسر البومة رفع !!! حضرتك عارف كده ولا لا ؟
طيب عارف السبب ؟
لان الموتور بتاعها مش بيستحمل و كل ما حد موتوره يفوت يركب موتور لانسر بومة مكانه و ده خلي الطلب يزيد عليه جدا فبالتالي رفع سعرة (الكلام ده بينطبق علي ال 516)
غير مثلا كلام الميكانيكي الشهر محمد عبده (اللي شغال في توكيلها) علي العربية دي و اللي افضل احتفظ بيه لنفسي من قوة راية ضد العربية
في الاخر لولا اختلاف الازواق لبارت السلع و كل واحد بيشتري الحاجة اللي بتريحة و بيتحمل نتيجة قرارة سواء من عدم توافر قطع غيار او توكيل سيء او اعتمادية ضعيفة او سعر اعادة بيع منخفض او جودة منعدمة
استاذ احمد انور شوف الفديوهين بتوعك وطلع انتا الفرق بينهما
لى صديق اشترى الm11 اول مانزلت و شكر فيها امام 2 اصدقائة و اشتروا مثلها و بعدين قابلتة بعدها بشهر لن تصدقوا ماقالة ,قال لى عاوز اعلق يافطة عليها و اقول اسوأ سيارة جمعت فى مصر من كترة المشاكل بها
ياناس حد يغير غطاء قربة و بعدها قربة بعد 20 يوم من شراءة للسيارة و هو مسافر و يدوخ لحد لما يلاقيهم
طيب دى m11 التى مفروض انها ايطالية التصميم و عفشة من ........ و غيرة كتير امال بقى ال516 تبقى اية
انا كنت حاجز 516 اول مانزلت و كنت هاابيع اللانوس و الحمد للة خفت منها و واحد صاحبلى اخذ الايصال منى عارفين كان فرحان بيها و قال لى سوف اشترى لها فلتر امريكى يركب عليها و اغير العفشة بماركة محترمة يعنى سوف يقلبها ليبانى او المانى قلت لة ربنا يوفقك يعنى سيارة مجتمعة الجنسيات صينى امريكى يابانى مصرى بالزمة فيى زى المصريين
شكرا ليكم انا بحب اللانوس ...........ومش هغيرها انشاء الله إلابتويوتا بس طبعا لما ربنا يكرم