ايه حل قشرة الشعر

**NaderNabil** · 19-06-2013 03:30 PM

نيزورال كنت بستخدمه بس مبقاش زي زمان

سالسن بلو ممتاز جداً...و هو يعتبر علاج مش شامبو زي نيزروال في عزه كده...3-4 مرات في الإسبوع...إدعك فروة الراس بيه كويس و سيبه لمده 5 دقائق...إشطف و بعدين حط شامبو عادي بس من غير بلسم... في خلال شهر بالكتير هاتشوف نتيجة هايلة

كلير و هيد اند شولدرز..اعتقد انهم بيلعبوا على حتة انك تحس بفروة راسك ساقعة و منعشة فا تفتكر ان القشرة كده راحت...بس بلا جدوى حقيقية

**ابو لؤى** · 19-06-2013 03:42 PM

المشاركة الأصلية كتبت بواسطة aboamina

انا كنت بعاني من نفس الموضوع وجربت كلير وهيد اند شولدرز وكريم شعر مش فاكر اسمه وكل ده بدون فايدة لغاية لما عرفت الطريقة دي من التليفزيون... تبل شعرك وتحط شوية خل عادي في ايديك وتدعك فروة راسك كويس لمدة دقيقتين تلاتة وبعدها تغسل شعرك باي نوع شامبو الكلام ده يوميا...واختفت القشرة تماما بعد اسبوعين بس حسيت ان شعري نشف شوية فوقفت الخل والشعر رجع لطبيعته والحمد لله القشرة ما رجعتش .

+1111111111

**S O P H O S** · 19-06-2013 03:56 PM

نيزورال كويس ..

**hossam_elwani** · 19-06-2013 04:03 PM

فينجتار طبى وومتااااااااز

كلير يجارى ومن الاخر

**new_man** · 20-06-2013 03:04 AM

جربت كلير وولا حسيت بأى فرق
هيد ان شولدرز ولا بيعمل اى حاجه
جربت غسلت راسى بالخل وولا اى حاجه
لما رحت للدكتور من كام سنه قاللى انت الموضوع عندك كبير بتاع القشره ومحتاج علاج مكثف جدا
انا بس ليا سؤال
هى القشره دى مرض مزمن؟؟يعنى عمرى ماهخف منه ابدا؟؟
اصل انا بشرتى دهنيه وبلاقى القشره غير فى الشعر بلاقيها كمان فى شعر الحواجب بس بكميه بسيطة
والموضوع ده مقرف بجد وانا زهقت منه وحاسس انه مرض مزمن ومهما اعمل هتفضل موجوده

**Dr.Mostafa Anwar** · 20-06-2013 03:41 AM

المشاركة الأصلية كتبت بواسطة new_man

جربت كلير وولا حسيت بأى فرق
هيد ان شولدرز ولا بيعمل اى حاجه
جربت غسلت راسى بالخل وولا اى حاجه
لما رحت للدكتور من كام سنه قاللى انت الموضوع عندك كبير بتاع القشره ومحتاج علاج مكثف جدا
انا بس ليا سؤال
هى القشره دى مرض مزمن؟؟يعنى عمرى ماهخف منه ابدا؟؟
اصل انا بشرتى دهنيه وبلاقى القشره غير فى الشعر بلاقيها كمان فى شعر الحواجب بس بكميه بسيطة
والموضوع ده مقرف بجد وانا زهقت منه وحاسس انه مرض مزمن ومهما اعمل هتفضل موجوده

القشرة مش مرض بالعكس ده دليل على صحة فروة الراس ونشاط الاوعية الدموية بشكل كبير فيها بالاضافة لنشاط عالي للغدد الدهنية الخاصة بالشعر

دلوقتي حضرتك استخدمت الشامبو ازاي؟

لأن الموضوع مش مجرد تغسل شعرك مرة وللا اتنين وللا حتى لمدة اسبوع والقشرة تختفي نهائيا. . الكلام ده مش هيحصل

لو راجعت مشاركتي الاولى في الموضوع هتعرف الطريقة الصحيحة للاستخدام

وللأسف أيوه القشرة مالهاش حل جذري وبات وهتضطر تستخدم الشامبو طول حياتك :-)

بالمناسبة أنا كان عندي نفس مشكلتك بالظبط وكمان موضوع البشرة الدهنية وعندي بقى القشرة بتطلعلي في وداني تخيل :-) .. لكن الحمد لله لما مشيت على كورس العلاج مظبوط اختفت القشرة نهائيا والحمد لله 'دلوقتي مستمر على غسيل مرتين في الأسبوع والأمور تمام التمام..