قعدت ادور انا اصلاً من حلوان وقعدت اشوف الخريطة انا لقيت حتت جمبها زهراء المعادى بالرغم من انى عارف الحتة دية وكارفور الدائرى وكدة الا انى حاسس من الخريطة انى توهت منى
فا انا عايز اعرف انا هاخد اتستوراد وبعدين اطلع دائرى واكمل بقى لغاية فيين ؟؟
يعنى بعد كارفور ولا ازاى لانى مش عارف يارييت تساعدونى ؟؟
بص يا حبيبي هتكمل بعد كارفور و هتفوت نزلة القطاميه و تكمل هتلاقى مخرج اسمه غرب الجولف تفوته و بعديه ب حاجه بسيطه ٣٠٠-٤٠٠ متر مخرج تانى تخش يمين هتلاقى القطاميه هايتس على يمينك و تكمل طوالى مع السور هتعدى على اشاره مفيهاش غير دخول شمال ملكش دعوه و طوالى هتوصل ميدان فيه اشاره تخش شمال معاه و هتلاقى جهاز التجمع الخامس علي يمينك و الاحياء حواليه ... تقف هناك و تسال بقى بس على ما اظن ان الحى الاول اخر الشارع ده على اليمين بس هتحتاج تتاكد هناك (بعد الجهاز فى تقاطع فيه بنزينة تعاون ممكن تقف تسال هناك)
يعنى الكلام ده كله قبل النفقين اللى بعدى عليهم وانا رايج المطار وطريق السويس وكدة صح ؟
الدخله دي فوق النفق الاولاقتباس:
المشاركة الأصلية كتبت بواسطة joseph661
لا مش اللى فوق النفق الاول ... اللى فوق النفق الاول ده شارع التسعين
انا بتكلم عن المخرج اللى قبل النفق الاول هو بعد مخرج هتلاقى مكتوب عليه غرب الجولف
بص يا باشا دى اول داخلة بعد شل علي طول
انت هتلاقى توتال وبعدها بشوية شل ودى الدخلة اللي بعدها علي طول
هما دخلتين بيودواا فى حتة واحدة بس الاولى فرعية وبتدخل علي حاجة تبع الشرطة ..مدخل خاص يعنى
والتانية اللي هى الواسعة بس حتى لو دخلت الاول عادي يعني
والداخلة دي قبل النفق بشوية مش عند النفق والشارع اللي هتدخل فيه ده اسمه محور جمال عبد الناصر عشان لو عايز تدور عليه فى الخريطة او الجي بي اس وفعلا هتلاقى القطامية هايتس علي يمينك وبعدها صنية فيها تفرع شمال وفى كورة كده كبيرة فى الصينية -سيبها مالكش دعوة بيها- وتكمل هتلاقى اخر الشارع مطب صناعى حلو والشارع منحدر تكمل علي طول وبعدين تستال بأى انت كده هناك اصلا
المهم عشان متلخبطش نفسك ولا تحتار ركز انت فى بنزينة شل وخلاص
وبعدا بنص دقيقة هتلاقى الدخلة
تقبل تحياتى