400 لتر بنزين 80 في برميل .... ! ! !

انهردة وانا بمون بعد عناء طويل وانقطاع للبنزين 92 في بنها قررت اني أجمد قلبي واطلع على الزراعي بالعربية ولمبة البنزين منورة والحمد لله طلعت من بنها لحد قويسنا ولقيت بنزين ....
المهم انه وانا بمون 92 كان الصف تقريبا في 15 عربية بس لكن الـ 80 طوابير ملهاش اخر وجوه البنزينه حاجة استغفر الله العظيم خناق وضرب والله ضرب على الـ 80 الغريب بقى انه وسط ده كله جه واحد واخد 400 لتر 80 في براميل وغيره محمل في جراكن والعربيات واقفة في الطابور مبتمونش ... وطبعا دول ياخدو البراميل والجراكن ويبيعوها لحسابهم ... سعر لتر الـ 80 وصل عندنا 2 جنيه يعني اغلى من الـ 92

طبعا امال انت عايز ايه مهى حكومه بنت ستين تيييييييييييييييييييييييت

حسبى الله ثقافه الشعب اتغيرت وبقت الناس بتلعب بقوت الشعب

لازم حل للبلطجيه دول او يشيلوا الدعم عن البنزين

براميل مهو من انعدام الانضباط وعدم وجود حكومة بقينا فى غابه وانا لله وانا اليه راجعون....

والله انا النهاردة غصب عنى والله روحت جبت 10 لتر بنزين 92 علشان العربيى كانت مركونة عند الشغل روحت المحطه قالو بتاع التموين هناك روحت ادور فين ياعم طيب 5 لتر انتش بيهم العربية واجاى من هنا الى هنا حط المسدس قال احط كام قلت اللى يطلع من زمتك حط 10 لتر ب20جنية والحمد الله مع انى كنت حاسس انى حشرة حقيره والله وانا شايل الجركن اكيد كتير من الناس بيستنكرو حكاية الجراكن دى....

فلو ياريت بلاش الجراكن ويبقى فى رقابه امنيه مشددة على محطاط الوقد ولا يسمح الا ب5 لتر وبعد ان يبرز رخصة السيارة ....

عندنا وصل من 3 الى 4ج
ده 80
من يومين لقيت بنزين 92 وموت عليه فى البنزينه المهم اللتر بكام ب 2ج فى البنزينه
والناس عادى محدش بيتكلم

انا بقي بقالي شهر مش عارفه امون وركنت العربيه وخلاص علي كده انا بس بعدي من جنب محطه البنزين اقول مستحيييل اعرف ادخل في وسط كل الرجاله دي وزجمة جدااااااااا فوق ما حد يتخيل واساسا مفيش لا 90 ولا 92 ولو في بيجي الساعه 3 الفجر انا اعمل ايييه انا سايبه نص التانك للطورائ فقط والله حرام بس اكيد كل شئ وله اخر

الحمد لله راكنها تحت البيت احنا عندنا فى المنصورة الموتوسيكلات بتحط 92 لان اساسا مفيش بنزين والصفيحة ب100 مية. وفى الاخر دى مش مسئولية مرسى ولا الاخوان دى مسؤليتنا لان احنا شعب ابن ستين فى سبعين

التاكس والميكوباص حرميه بيجزؤا المسافه وبيزودا الاجرة وهم سبب المشكلة بتاع التاكس شايل جركن وبيمون مرتين فى اليوم لكن الملاكي يمون مرة كل اسبوع

عندنا بقى فى طنطا الصف على مدى البصر ويمكن كمان متقدرش تشوفه من حرارة الشمس انا شخصيا انتظرت البنزين 92 من الساعة 2 صباحا خارج الساعة 6 صباحا بس الحمد لله مليت التنك حتى الزور

مفيش ازمة خالص في 92
بفول عادي كل شوية

محدش بيبلغ التموين طيب على الناس دي ؟

رقم الخط الساخن 19468

لو حد شاف تصرف غلط حد بيمون في جراكن او برميل اتصل على الرقم و قوله عايز اقدم شكوى فيه عربية برقم كذا كذا بتملى برميل بنزين في بنزينة كذا و رقم العربية كذا ..... او فيه واحد في بنزينة كذا بيمون في جراكن كتير ...... او بنزينة كذا بتبيع البنزين بأزيد من سعره

حتى لو الناس بتوع التموين متحركوش اهو الواحد يبقى يراعي ضميره قدام ربنا

!!!!!!!!!!! بعد مافكرت كتير هكتب مشاركتي ازاي فى الموضوع دة

بس ياريت الانتقاد يكون بموضوعية انا عارف انه غلط

المهم

أنا الفترة اللى فاتت كان فيه شبه انفراجة فى بنزين 80 فقررت اعمل الاتي

أخرج امون العربية وارجع اسحب منها جركن 10 لتر
اتكرر الموضوع اربع مرات تقريباً لحد مابقي عندي حوالي 40 لتر خارج التانك

أنا عملت كدة والله وعارف انه غلط بس اعمل اية قبل كدة والله فضلت اكتر من اسبوع محتاج امون ومفيش بنزين نهائي ولا 80 ولا 92 ولا حتي 95 وكنت بقضي مشاوير ضرورية جدا وبحتاج العربية بس كنت باخدها مواصلات
أنا عارف بان اللى عملتو غلط وجايز يكون بيزود الازمة شوية بس اللى متأكد منه انه مش سبب رئيسي فى الازمة

ليه ......... علشان البنزين اللى خارج التانك بالتاكيد هيتحط تاني فى التانك لما الازمة تشتد ابقي رحمت نفسي ووفرت مكاان لحد غيري فى الطابور وفى النهاية البنزين كدة كدة راجع تاني للعربية

حبيت انقل تجربتي للنقاش الهادف وليس الانتقاد وفقط

اقتباس:

---

المشاركة الأصلية كتبت بواسطة أحمد جودة

!!!!!!!!!!! بعد مافكرت كتير هكتب مشاركتي ازاي فى الموضوع دة

بس ياريت الانتقاد يكون بموضوعية انا عارف انه غلط

المهم

أنا الفترة اللى فاتت كان فيه شبه انفراجة فى بنزين 80 فقررت اعمل الاتي

أخرج امون العربية وارجع اسحب منها جركن 10 لتر
اتكرر الموضوع اربع مرات تقريباً لحد مابقي عندي حوالي 40 لتر خارج التانك

أنا عملت كدة والله وعارف انه غلط بس اعمل اية قبل كدة والله فضلت اكتر من اسبوع محتاج امون ومفيش بنزين نهائي ولا 80 ولا 92 ولا حتي 95 وكنت بقضي مشاوير ضرورية جدا وبحتاج العربية بس كنت باخدها مواصلات
أنا عارف بان اللى عملتو غلط وجايز يكون بيزود الازمة شوية بس اللى متأكد منه انه مش سبب رئيسي فى الازمة

ليه ......... علشان البنزين اللى خارج التانك بالتاكيد هيتحط تاني فى التانك لما الازمة تشتد ابقي رحمت نفسي ووفرت مكاان لحد غيري فى الطابور وفى النهاية البنزين كدة كدة راجع تاني للعربية

حبيت انقل تجربتي للنقاش الهادف وليس الانتقاد وفقط

---

:yeah:

لاحول ولا قوه إلا بالله العلى العظيم .

اقتباس:

---

المشاركة الأصلية كتبت بواسطة abou-yahia

:yeah:

---

دة اندهاش ولا استغراب ولا استنكار

:dontudear:

بصو يا جماعه الناس الي بتمون وتفضي العربيه وترجع تمون تاني مهما كان مبرر حضرتك كلنا زيك مش انت لوحدك الي عندك الظروف دي انا كان عندي حاله وفاه من كام يوم وجايب الصفيحه ب 100 جنيه عشان الجراكن والمتسكلات والتكاتك وكل دا
ووقفت من الساعه 4 الفجر لحد 1 الضهر عشان احط بنزين بنزينه وطنيه عندنا في المنصوره بتاعت الجيش مبتملاش جراكن ولو دخلت تحط بنزين مش بيفول العربيه للاخر بيحط لكل عربيه 30 لتر عشان كلو يحط وهو دا الصح وسبب المشكله ان معتش في وافره في البنزين كل الناس خايفه وبتخزن وبقوا تجار بقت عامله زي كل المشاكل بتاعت السلع وسياسه التخزين الناس بتجيب فوق احتياجها زي اللحمه والفراخ لو بنعمل زي الاجانب وبنجيب علي قد احتياجنا اليومي بس الاسعار هتنزل والبنزين دخل الدايره خلاص

يا جماعة القاهرة مفيهاش ازمة نهائي !

اقتباس:

---

المشاركة الأصلية كتبت بواسطة أحمد جودة

دة اندهاش ولا استغراب ولا استنكار

:dontudear:

---

اجابه خاطئه

لا ده تحيه

Sent from my GT-P5100 using Forum Runner

وقفت 7 سعات عشان امون ومره تانيه وقفت 3 ساعات وممونتش في الاخر ومره تالته 3 ساعات ومونت ومره رابعه ساعتين ومونت
الشاهد ان في كل الحالات في بنزين يبقى كده في بنزين مش مفيش بنزين ولكن عدد الجراكن اكتر من عددد العربيات وحجمها ممكن يفول العربيات اللي وقافه كلها ويفيض كمان الغباء ان العمال بيملوا الجراكن الاول وده ليه عشان بياخدوا على كل جركن 5 جنيه زياده على تمن البنزين شوف بقه بيطلع لهم كام جنيه لو 100 جركن وده اقل حاجه يعني 500 جنيه من الهواء حسبي الله ونعم الوكيل طبعا الكلام ده في نط
اق الاقاليم الشرقيه والدقهليه
نزلت القاهره بقه مدينه نصر عند حمايا لقيت البنزينه فاضيه خالص قلت اكيد مفيش بنزين بس قلت اسال برده دخلت اسال قالي ايوه فيه استغربت جداااا البنزينه فاضيه مفيش غيري واقف فيها و كمان في بنزين بصراحه مضيعتش وقت روحت مفووووول واتصلت بكل قرايبي اغيظهم نياهاهاهاهاهاها هههههههههههه

النهاردة في بعض بنزينات المنصورة كان هناك تواجد للشرطة في البنزينات وممنوع الجراكن مونت في ساعة واحد بس الحمد لله من بنزينة كالتس على دائري المنصورة

الى صاحب الموضوع والى بعض التعليقات
العيب مش على صاحب البنزينة او مديرها او العمال في ان عربية تيجي تاخد 400 لتر وفيه طابور ملوش اخر زي ما بتقول
ولا العيب على الحكومة والرئيس
العيب على الطابور الطويل اللي ملوش اخر زي ما بتقول اللي مفهيوش رجالة وقفت ومنعت المسخرة دي

و الطوابير دي كلها ليه منزلوش كسروا المحطه علي دماغ الحراميه اللي بيدوا البنزين للحراميه التانيه اللي بتبيعوا .... ايوه حكومه بنت ستين في سبعين و غياب المسئولين لأنهم اصلا مش مسئولين و حاجه قرف .... بس معلش انا بتعذب و شايف قدامي حقي بيتسرق و احنا كتيييييييير ليه معملوش اي حاجه يا جدعان دول لو زعقوا بس كانوا هيخربوها !!!!

اسكندريه والقاهره وبورسعيد مفيهمش مشاكل بس اشمعني التلاته دول بس هما تلت محافطات مهمين بصراحه لانهم الي عليهم العين والنني ومش عايزين فيهم مشاكل

اقتباس:

---

المشاركة الأصلية كتبت بواسطة mahmoudysf

الى صاحب الموضوع والى بعض التعليقات
العيب مش على صاحب البنزينة او مديرها او العمال في ان عربية تيجي تاخد 400 لتر وفيه طابور ملوش اخر زي ما بتقول
ولا العيب على الحكومة والرئيس
العيب على الطابور الطويل اللي ملوش اخر زي ما بتقول اللي مفهيوش رجالة وقفت ومنعت المسخرة دي

---

أنا قولت كان في ضرب حضرتك وخناق بس البقاء للأقوى ... لما تلاقي واحد بلطجي واقف بياخد الكمية دي وفي جراكن ولو قربت منه الله اعلم هيعمل فيك ايه ... وزي ما الطابور كبير الناس الي بياخدو في جراكن وبراميل بردو كتير لو قامت خناقة الله اعلم هتوصل لفين

كل ده اكيد للبيع !

اقتباس:

---

المشاركة الأصلية كتبت بواسطة medo111

اسكندريه والقاهره وبورسعيد مفيهمش مشاكل بس اشمعني التلاته دول بس هما تلت محافطات مهمين بصراحه لانهم الي عليهم العين والنني ومش عايزين فيهم مشاكل

---

علي فكرة الاسكندرية فيها اكبر محطات التكرير وبتغذي الدلتا والساحل الشمالي والبحيرة وكفر الشيخ ومطروح